ಬೆಂಗಳೂರು(ಡಿ.29): ಬಿಬಿಎಂಪಿ ಸುಮಾರು 22 ಸಾವಿರ ಕೋಟಿ ರು. ಕಾಮಗಾರಿಗಳ ಬಾಕಿ ಮೊತ್ತ ಪಾವತಿಸಬೇಕಿದೆ. ವಿವಿಧ ಬ್ಯಾಂಕ್‌ಗಳಲ್ಲಿ ಸಾಲವಿದ್ದು, ಸಂಪನ್ಮೂಲ ಕ್ರೋಢೀಕರಣ ಕೊರತೆ ಇದೆ. ಹೀಗಾಗಿ, ಪಾಲಿಕೆಯ ಆರ್ಥಿಕ ಪರಿ​ಸ್ಥಿತಿ ಸುಧಾ​ರಿ​ಸುವ ವರೆಗೆ ಬಿಬಿಎಂಪಿ ಚುನಾ​ವಣೆ ನಡೆ​ಸು​ವುದು ಬೇಡ ಎಂದು ಸಾಮಾ​ಜಿಕ ಕಾರ್ಯ​ಕರ್ತ ಎಸ್‌. ಅಮ​ರೇಶ್‌ ಎಂಬು​ವರು ಮುಖ್ಯಮಂತ್ರಿ ಯಡಿ​ಯೂ​ರಪ್ಪಗೆ ಪತ್ರ ಬರೆ​ದಿ​ದ್ದಾರೆ.

ಪಾಲಿ​ಕೆ​ಯಲ್ಲಿ ಆರ್ಥಿಕ ಶಿಸ್ತು ಕಾಪಾ​ಡಿ​ಕೊ​ಳ್ಳ​ಬೇ​ಕಾ​ದರೆ ಹಾಗೂ ಈಗ ಇರುವ ಪರಿ​ಸ್ಥಿತಿ ಸುಧಾ​ರಿ​ಸುವ ವರೆಗೆ ಚುನಾ​ವಣೆ ಮುಂದೂ​ಡು​ವುದು ಉತ್ತಮ. ಇಲ್ಲ​ವಾ​ದರೆ ಈಗಿರುವ ಪಾಲಿ​ಕೆಯ ಆರ್ಥಿಕ ಪರಿ​ಸ್ಥಿ​ತಿ​ಯಲ್ಲಿ ಪಾಲಿಕೆ ಸದ​ಸ್ಯರ ಒತ್ತ​ಡಕ್ಕೆ ಮಣಿದು ಅಧಿ​ಕಾರ ನಡೆ​ಸ​ಬೇ​ಕಾದ ಪರಿ​ಸ್ಥಿತಿ ನಿರ್ಮಾ​ಣ​ವಾ​ಗ​ಲಿದೆ. ಪಾಲಿ​ಕೆಯ ಆರ್ಥಿಕ ಪರಿ​ಸ್ಥಿತಿ ಮತ್ತಷ್ಟುಶೋಚ​ನಿಯ ಸ್ಥಿತಿಗೆ ತಲು​ಪುವ ಸಾಧ್ಯತೆ ಇದೆ.

ಶಾಲೆ ಆರಂಭಕ್ಕೆ ಪಾಲಿಕೆ ಸಿದ್ಧತೆ: ಥರ್ಮಲ್‌ ಸ್ಕ್ಯಾನರ್‌ ವಿತರಣೆ

ಪಾಲಿ​ಕೆ​ಯಲ್ಲಿ 22 ಸಾವಿ​ರ ಕೋಟಿ ರು.ಗಳಿಗೂ ಅಧಿಕ ಮೊತ್ತ ಕಾಮಗಾರಿಗಳ ಬಾಕಿ ಬಿಲ್‌ ಪಾವತಿಸಬೇಕಿದೆ. ಅಲ್ಲದೆ ಗುತ್ತಿ​ಗೆ​ದಾ​ರ​ರಿಗೆ ಕೋಟ್ಯಂತರ ರು. ಬಾಕಿ ಉಳಿ​ಸಿ​ಕೊಂಡಿದ್ದು, 700 ಕೋಟಿ ರು.ಗಳಿಗಿಂತ ಅಧಿಕ ಸಾಲ ಇದೆ. ಹೀಗಾಗಿ, ಅಧಿ​ಕಾ​ರಿ​ಗಳು ಯಾವುದೇ ಸದ​ಸ್ಯರ ಹಸ್ತ​ಕ್ಷೇಪ ಇಲ್ಲದೆ ಕಾರ್ಯನಿರ್ವ​ಹಿ​ಸಲು ಅವ​ಕಾಶ ಮಾಡಿ​ಕೊ​ಡುವ ನಿಟ್ಟಿ​ನಲ್ಲಿ ಚುನಾ​ವಣೆ ಮುಂದೂ​ಡು​ವುದು ಉತ್ತಮ ಎಂದು ಒತ್ತಾಯಿಸಲಾಗಿದೆ.