Asianet Suvarna News Asianet Suvarna News

ಭಜ್ಜಿಗೆ ಕ್ಲಾಸ್ ತೆಗೆದುಕೊಂಡ ವಿಂಡೀಸ್ ವೇಗಿ

ಭಾರತ-ವೆಸ್ಟ್ ಇಂಡೀಸ್ ನಡುವೆ ರಾಜ್’ಕೋಟ್’ನಲ್ಲಿ ನಡೆದ ಮೊದಲ ಟೆಸ್ಟ್’ನಲ್ಲಿ ಕೆರಿಬಿಯನ್ ಪಡೆ ಇನ್ನಿಂಗ್ಸ್ ಹಾಗೂ 272 ರನ್’ಗಳ ಹೀನಾಯ ಸೋಲು ಕಂಡಿತ್ತು. ಇದರ ಬೆನ್ನಲ್ಲೇ ಟ್ವೀಟ್ ಮಾಡಿದ್ದ ಭಜ್ಜಿ, ವೆಸ್ಟ್ ಇಂಡೀಸ್ ಕ್ರಿಕೆಟ್ ಬಗ್ಗೆ ಎಲ್ಲಾ ಗೌರವವನ್ನು ಇಟ್ಟುಕೊಂಡೇ ಈ ಮಾತನ್ನು ಹೇಳುತ್ತಿದ್ದೇನೆ.

Tino Best Takes on Harbhajan Singh over Tweet on West Indies Team
Author
New Delhi, First Published Oct 9, 2018, 3:03 PM IST

ನವದೆಹಲಿ[ಅ.09]: ಭಾರತ ಎದುರಿನ ಮೊದಲ ಟೆಸ್ಟ್’ನಲ್ಲಿ ಹೀನಾಯವಾಗಿ ಸೋತ ವೆಸ್ಟ್ ಇಂಡೀಸ್ ತಂಡವನ್ನು ರಣಜಿ ತಂಡಕ್ಕೆ ಹೋಲಿಸಿದ್ದ ಟೀಂ ಇಂಡಿಯಾ ಅನುಭವಿ ಸ್ಪಿನ್ನರ್ ಹರ್ಭಜನ್ ಸಿಂಗ್’ಗೆ ವೆಸ್ಟ್ ಇಂಡೀಸ್ ಮಾಜಿ ವೇಗಿ ಟಿನೋ ಬೆಸ್ಟ್ ಟ್ವೀಟರ್’ನಲ್ಲೇ ತಿರುಗೇಟು ನೀಡಿದ್ದಾರೆ.

ಇದನ್ನು ಓದಿ: ವಿಂಡೀಸ್ ಪ್ರದರ್ಶನ ಗೇಲಿ ಮಾಡಿದ ಹರ್ಭಜನ್‌ಗೆ ಅಭಿಮಾನಿಗಳಿಂದ ತರಾಟೆ!

ಭಾರತ-ವೆಸ್ಟ್ ಇಂಡೀಸ್ ನಡುವೆ ರಾಜ್’ಕೋಟ್’ನಲ್ಲಿ ನಡೆದ ಮೊದಲ ಟೆಸ್ಟ್’ನಲ್ಲಿ ಕೆರಿಬಿಯನ್ ಪಡೆ ಇನ್ನಿಂಗ್ಸ್ ಹಾಗೂ 272 ರನ್’ಗಳ ಹೀನಾಯ ಸೋಲು ಕಂಡಿತ್ತು. ಇದರ ಬೆನ್ನಲ್ಲೇ ಟ್ವೀಟ್ ಮಾಡಿದ್ದ ಭಜ್ಜಿ, ವೆಸ್ಟ್ ಇಂಡೀಸ್ ಕ್ರಿಕೆಟ್ ಬಗ್ಗೆ ಎಲ್ಲಾ ಗೌರವವನ್ನು ಇಟ್ಟುಕೊಂಡೇ ಈ ಮಾತನ್ನು ಹೇಳುತ್ತಿದ್ದೇನೆ. ಈಗಿರುವ ವೆಸ್ಟ್ ಇಂಡೀಸ್ ತಂಡ ರಣಜಿ ಕ್ವಾರ್ಟರ್ ಹಂತಕ್ಕೂ ಅರ್ಹತೆ ಪಡೆಯಲ್ಲ. ಅಲ್ಲದೇ ರಣಜಿ ಪ್ಲೇಟ್ ಗ್ರೂಪ್ ಹಂತಕ್ಕೂ ಪ್ರವೇಶ ಗಿಟ್ಟಿಸುವುದು ಅನುಮಾನ ಎಂದು ಟ್ವೀಟ್ ಮಾಡಿದ್ದರು.

ಹರ್ಭಜನ್ ಸಿಂಗ್ ಮಾಡಿದ ಈ ಟ್ವೀಟ್’ಗೆ ಪ್ರತಿಕ್ರಿಯಿಸಿರುವ ಬೆಸ್ಟ್, ಹೇ ಬ್ರೋ, ಇಂಗ್ಲೆಂಡ್ ವಿರುದ್ಧದ ಸರಣಿಯಲ್ಲಿ ನಿಮ್ಮ ತಂಡ ಹೀನಾಯ ಪ್ರದರ್ಶನ ತೋರಿದಾಗ ನಿಮ್ಮಿಂದ ಈ ರೀತಿಯ ಜಂಬದ ಟ್ವೀಟ್’ಗಳು ನಮಗೆ ಕಾಣಿಸಿಲ್ಲ. ಇನ್ನಾದರು ನೀವು ಕಲಿಯುತ್ತೀರ ಎಂದು ಭಾವಿಸುತ್ತೇನೆ ಎಂದು ಕಾಲೆಳೆದಿದ್ದಾರೆ.

ಇದನ್ನು ಓದಿ: ರವಿಶಾಸ್ತ್ರಿ ಮೇಲೆ ಮುಗಿಬಿದ್ದ ಹರ್ಭಜನ್ ಸಿಂಗ್

ಟೀಂ ಇಂಡಿಯಾ ಇಂಗ್ಲೆಂಡ್ ವಿರುದ್ಧದ ಟೆಸ್ಟ್ ಸರಣಿಯಲ್ಲಿ 4-1 ಅಂತರದ ಹೀನಾಯ ಸೋಲು ಕಂಡಿತ್ತು.

Follow Us:
Download App:
  • android
  • ios