Asianet Suvarna News Asianet Suvarna News

ಆಸೀಸ್ ಬೇಟೆಯಾಡಿದ ಹರಿಣಗಳು

ಈ ಪಂದ್ಯದಲ್ಲಿ 9 ವಿಕೆಟ್ ಕಬಳಿಸಿದ ಮಾರ್ನೆ ಮಾರ್ಕೆಲ್ ಪಂದ್ಯಪುರುಷೋತ್ತಮ ಗೌರವಕ್ಕೆ ಭಾಜನರಾದರು.

SA set broken Aussies massive target

ಕೇಪ್‌ಟೌನ್(ಮಾ.25): ವೇಗಿ ಮಾರ್ನೆ ಮಾರ್ಕೆಲ್ ದಾಳಿಗೆ ತತ್ತರಿಸಿದ ಆಸ್ಟ್ರೇಲಿಯಾ ಮೂರನೇ ಟೆಸ್ಟ್'ನಲ್ಲಿ 322 ರನ್'ಗಳ ಹೀನಾಯ ಸೋಲು ಅನುಭವಿಸಿದೆ. 429 ರನ್'ಗಳ ಗುರಿ ಬೆನ್ನತ್ತಿದ ಆಸ್ಟ್ರೇಲಿಯಾ ನಾಟಕೀಯ ಕುಸಿತ ಕಂಡು ಕೇವಲ 107 ರನ್'ಗಳಿಗೆ ಸರ್ವಪತನ ಕಂಡಿತು. ಈ ಮೂಲಕ ನಾಲ್ಕು ಪಂದ್ಯಗಳ ಸರಣಿಯಲ್ಲಿ ಆಫ್ರಿಕಾ 2-1 ರ ಮುನ್ನಡೆ ಸಾಧಿಸಿತು.

ದಕ್ಷಿಣ ಆಫ್ರಿಕಾ ನೀಡಿದ್ದ ಬೃಹತ್ ಗುರಿ ಬೆನ್ನತ್ತಿದ್ದ ಆಸ್ಟ್ರೇಲಿಯಾ ಒಂದು ಹಂತದಲ್ಲಿ ಉತ್ತಮ ಆರಂಭವನ್ನೇ ಪಡೆಯಿತು. ಮೊದಲ ವಿಕೆಟ್'ಗೆ ವಾರ್ನರ್ ಹಾಗೂ ಬೆನ್'ಕ್ರಾಫ್ಟ್ ಜೋಡಿ 57 ರನ್'ಗಳ ಜತೆಯಾಟವಾಡಿತು. ಆ ನಂತರ ದಿಢೀರ್ ಕುಸಿತ ಕಂಡ ಆಸೀಸ್ ಪಡೆ ಇನ್ನು ತಂಡದ ಖಾತೆಗೆ 50 ರನ್ ಸೇರಿಸುವಷ್ಟರಲ್ಲಿ ಇನ್ನು 9 ವಿಕೆಟ್ ಕಳೆದುಕೊಂಡು ಇನ್ನೊಂದು ದಿನ ಬಾಕಿ ಇರುವಂತೆಯೇ ಹರಿಣಗಳಿಗೆ ಶರಣಾಯಿತು.

ಈ ಪಂದ್ಯದಲ್ಲಿ 9 ವಿಕೆಟ್ ಕಬಳಿಸಿದ ಮಾರ್ನೆ ಮಾರ್ಕೆಲ್ ಪಂದ್ಯಪುರುಷೋತ್ತಮ ಗೌರವಕ್ಕೆ ಭಾಜನರಾದರು.

ಸಂಕ್ಷಿಪ್ತ ಸ್ಕೋರ್:

ದ.ಆಫ್ರಿಕಾ 311 & 373

ಆಸ್ಟ್ರೇಲಿಯಾ 255 & 107

ಪಂದ್ಯ ಪುರುಷೋತ್ತಮ: ಮಾರ್ನೆ ಮಾರ್ಕೆಲ್

Follow Us:
Download App:
  • android
  • ios