ಇಂಗ್ಲೆಂಡ್ ವಿರುದ್ಧದ ಮೊದಲ ಟೆಸ್ಟ್ ಪಂದ್ಯದಲ್ಲಿ ನಾಯಕ ವಿರಾಟ್ ಕೊಹ್ಲಿ ದಿಟ್ಟ ಹೋರಾಟ ನೀಡಿದರೂ ಅಪಖ್ಯಾತಿಗೆ ಗುರಿಯಾಗಿದ್ದಾರೆ. ಅಷ್ಟಕ್ಕೂ ತಂಡದ ಗೆಲುವಿಗಾಗಿ ಶ್ರಮಿಸಿ ಕೊನೆಗೆ ಅಪಖ್ಯಾತಿಗೆ ಗುರಿಯಾಗಿದ್ದೇಕೆ ? ಇಲ್ಲಿದೆ.
ಎಡ್ಜ್ಬಾಸ್ಟನ್(ಆ.04): ಇಂಗ್ಲೆಂಡ್ ವಿರುದ್ಧದ ಮೊದಲ ಟೆಸ್ಟ್ ಪಂದ್ಯದಲ್ಲಿ ಭಾರತ 31 ರನ್ಗಳ ವಿರೋಚಿತ ಸೋಲು ಅನುಭವಿಸಿದೆ. ಪಂದ್ಯದಲ್ಲಿ ನಾಯಕ ವಿರಾಟ್ ಕೊಹ್ಲಿ ಮೊದಲ ಇನ್ನಿಂಗ್ಸ್ನಲ್ಲಿ ಶತಕ ಹಾಗೂ 2ನೇ ಇನ್ನಿಂಗ್ಸ್ನಲ್ಲಿ ಅರ್ಧಶತಕ ಸಿಡಿಸಿ ಮಿಂಚಿದ್ದರು.
Add Asianetnews Kannada as a Preferred Source
ಕೊಹ್ಲಿ ದಿಟ್ಟ ಪ್ರದರ್ಶನ ನೀಡಿ ತಂಡದ ಗೆಲುವಿಗೆ ಶ್ರಮಿಸಿದ್ದರು. ಆದರೆ ಇತರ ಬ್ಯಾಟ್ಸ್ಮನ್ಗಳ ಕಳಪೆ ಪ್ರದರ್ಶನದಿಂದ ವಿರಾಟ್ ಕೊಹ್ಲಿ ಅಪಖ್ಯಾತಿಗೆ ಗುರಿಯಾಗಿದ್ದಾರೆ. ಶತಕ ಸಿಡಿಸಿಯೂ ಪಂದ್ಯ ಸೋತ ನಾಯಕರಲ್ಲಿ ವಿರಾಟ್ ಕೊಹ್ಲಿ ಮೊದಲ ಸ್ಥಾನದಲ್ಲಿದ್ದಾರೆ.
5 ಬಾರಿ ವಿರಾಟ್ ಕೊಹ್ಲಿ ಶತಕ ಸಿಡಿಸಿಯೂ ಪಂದ್ಯ ಸೋತಿದ್ದಾರೆ. ಈ ಮೂಲಕ ವೆಸ್ಟ್ಇಂಡೀಸ್ನ ಬ್ರಿಯಾನ್ ಲಾರ ಹಿಂದಿಕ್ಕಿದ್ದಾರೆ. ಲಾರ ನಾಯಕನಾಗಿ ಶತಕ ಸಿಡಿಸಿದಾಗ ತಂಡ 4 ಬಾರಿ ಸೋಲು ಕಂಡಿದೆ. ಇದೀಗ ಕೊಹ್ಲಿ ಶತಕ ಸಿಡಿಸಿಯೂ 5 ಬಾರಿ ಸೋಲಿನ ರುಚಿ ಅನುಭವಿಸುವಂತಾಗಿದೆ. ಆಸ್ಟ್ರೇಲಿಯಾದ ಸ್ಟೀವ್ ವ್ಹಾ 4 ಬಾರಿ ಶತಕ ಸಿಡಿಸಿಯೂ ಸೋಲಿಗೆ ಜಾರಿದ್ದಾರೆ.
