ಏಷ್ಯನ್ ವಾಲಿಬಾಲ್: ಭಾರತ ಫೈನಲ್ ಪ್ರವೇಶ
ಭಾರತ ವಾಲಿಬಾಲ್ ತಂಡ ಏಷ್ಯನ್ ಅಂಡರ್ -23 ಪುರುಷರ ವಾಲಿಬಾಲ್ ಚಾಂಪಿಯನ್ ಶಿಪ್‌ನಲ್ಲಿ ಇತಿಹಾಸ ನಿರ್ಮಿಸಿದ್ದು, ಪಾಕಿಸ್ತಾನ ತಂಡವನ್ನು ಮಣಿಸಿ ಇದೇ ಮೊದಲ ಬಾರಿಗೆ ಫೈನಲ್ ಪ್ರವೇಶಿಸಿದೆ. ಈ ಕುರಿತಾದ ವರದಿ ಇಲ್ಲಿದೆ
 )
Followಮ್ಯಾನ್ಮಾರ್(ಆ.11): ಏಷ್ಯನ್ ಅಂಡರ್ -23 ಪುರುಷರ ವಾಲಿಬಾಲ್ ಚಾಂಪಿಯನ್ ಶಿಪ್‌ನಲ್ಲಿ ಭಾರತ ತಂಡ ಫೈನಲ್ ಪ್ರವೇಶಿಸಿ ಇತಿಹಾಸ ನಿರ್ಮಿಸಿದೆ.
ಏಷ್ಯಾ ವಾಲಿಬಾಲ್: ಸೆಮೀಸ್ ಪ್ರವೇಶಿಸಿದ ಭಾರತ
ಶನಿವಾರ ನಡೆದ ಸೆಮಿಫೈನಲ್ ಪಂದ್ಯದಲ್ಲಿ ಬದ್ಧ ವೈರಿ ಪಾಕಿಸ್ತಾನ ವಿರುದ್ಧ 3-1 ಸೆಟ್‌ಗಳಲ್ಲಿ ಭಾರತ ಭರ್ಜರಿ ಜಯ ಸಾಧಿಸಿತು. ಭಾನುವಾರ ಫೈನಲ್‌ನಲ್ಲಿ ಭಾರತ ತಂಡ, ಚೈನೀಸ್ ತೈಪೆ ಎದುರು ಸೆಣಸಲಿದೆ. ಟೂರ್ನಿಯಲ್ಲಿ ಇದೇ ಮೊದಲ ಬಾರಿಗೆ ಭಾರತ ವಾಲಿಬಾಲ್ ತಂಡ ಫೈನಲ್‌ಗೆ ಲಗ್ಗೆ ಇಟ್ಟಿದೆ. ಪಾಕಿಸ್ತಾನ ವಿರುದ್ಧದ ಮೊದಲ ಸೆಟ್ ಅನ್ನು 21-25 ರಿಂದ ಸೋತಿದ್ದ ಭಾರತ, ನಂತರದ ಆಟದಲ್ಲಿ 3 ಸೆಟ್‌ಗಳಲ್ಲಿ ಜಯಭೇರಿ ಬಾರಿಸಿತು. 2ನೇ ಸೆಟ್‌ನ್ನು 25-16 ರಿಂದ ಪಾಕಿಸ್ತಾನ ವನ್ನು ಹಿಂದಿಕ್ಕಿದ ಭಾರತ ಸಮಬಲ ಸಾಧಿಸಿತು.
3ನೇ ಸೆಟ್‌ನಲ್ಲಿ ಪಾಕಿಸ್ತಾನದ ಸವಾಲನ್ನು ಹಿಮ್ಮೆಟ್ಟಿಸುವಲ್ಲಿ ಯಶಸ್ವಿಯಾದ ಭಾರತದ ಆಟಗಾರರು 25-22 ರಿಂದ ಸೆಟ್ ಗೆಲ್ಲುವ ಮೂಲಕ ಮುನ್ನಡೆ ಸಾಧಿಸಿತು. ಇನ್ನೂ ಕೊನೆಯ ಹಾಗೂ 4ನೇ ಸೆಟ್‌ನಲ್ಲಿ ಭಾರತದ ಆಟಗಾರರು 25-18 ರಿಂದ ಮುನ್ನಡೆದು ಜಯದ ನಗೆ ಬೀರಿತು.
