ಐಸಿಸಿ ಮಹಿಳಾ ಏಕದಿನ, ಟಿ20 ತಂಡ ಪ್ರಕಟ- ಹರ್ಮನ್ಪ್ರೀತ್ ನಾಯಕಿ!
ಐಸಿಸಿ ಮಹಿಳಾ ತಂಡವನ್ನ ಪ್ರಕಟಿಸಿದೆ. ಏಕದಿನ ಹಾಗೂ ಟಿ20 ತಂಡ ಪ್ರಕಟ ಮಾಡಿರುವ ಐಸಿಸಿ, ಟೀಂ ಇಂಡಿಯಾ ಸ್ಫೋಟಕ ಆಟಗಾರ್ತಿ ಹರ್ಮನ್ಪ್ರೀತ್ ಕೌರ್‌ಗೆ ನಾಯಕ ಪಟ್ಟ ನೀಡಲಾಗಿದೆ.
ದುಬೈ(ಡಿ.31): ಐಸಿಸಿ ಮಹಿಳಾ ಏಕದಿನ ಹಾಗೂ ಟಿ20 ತಂಡ ಪ್ರಕಟಿಸಲಾಗಿದೆ. ನ್ಯೂಜಿಲೆಂಡ್ ಸುಜಿ ಬೇಟ್ಸ್‌ಗೆ ಏಕದಿನ ನಾಯಕ ಪಟ್ಟ ನೀಡಿದರೆ, ಐಸಿಸಿ ಮಹಿಳಾ ಟಿ20 ತಂಡಕ್ಕೆ ಟೀಂ ಇಂಡಿಯಾದ ಹರ್ಮನ್ಪ್ರೀತ್ ಕೌರ್‌ಗೆ ನಾಯಕತ್ವ ನೀಡಲಾಗಿದೆ.
ಇದನ್ನೂ ಓದಿ: ಗುಡ್ ಬೈ 2018: ಟೀಂ ಇಂಡಿಯಾ ಜಯಿಸಿದ ಟಾಪ್ 5 ಸರಣಿಗಳಿವು
2018ರಲ್ಲಿ ಆಡಿದ 7 ಏಕದಿನ ಪಂದ್ಯದಿಂದ ಬೇಟ್ಸ್ 438 ರನ್ ಸಿಡಿಸಿದ್ದಾರೆ. 2 ಶತಕ ಹಾಗೂ 1 ಅರ್ಧಶತಕ ಸಿಡಿಸಿದ್ದಾರೆ. ಇನ್ನು ಏಕದಿನ ರ್ಯಾಕಿಂಗ್‌ನಲ್ಲಿ ಬೇಟ್ಸ್ 7ನೇ ಸ್ಥಾನ ಪಡೆದಿದ್ದಾರೆ. ಅತ್ಯುತ್ತಮ ಪ್ರದರ್ಶನ ನೀಡಿರುವ ಬೇಟ್ಸ್‌ಗೆ ಐಸಿಸಿ ಏಕದಿನ ತಂಡದ ನಾಯಕತ್ವ ನೀಡಲಾಗಿದೆ.
ಇದನ್ನೂ ಓದಿ: ಗುಡ್ ನ್ಯೂಸ್: ತಂದೆಯಾದ ರೋಹಿತ್ ಶರ್ಮಾ
ಟಿ20 ಮಾದರಿಯಲ್ಲಿ ಯಶಸ್ವಿ ನಾಯಕಿಯಾಗಿ ಮಿಂಚಿರುವ ಹರ್ಮನ್ಪ್ರೀತ್ ಕೌರ್, 2018ರಲ್ಲಿ25 ಪಂದ್ಯಗಳಿಂದ 663 ರನ್ ಸಿಡಿಸಿದ್ದಾರೆ. ಐಸಿಸಿ ಮಹಿಳಾ ವಿಶ್ವಕಪ್ ಟೂರ್ನಿಯಲ್ಲಿ ಟೀಂ ಇಂಡಿಯಾವನ್ನು ಸೆಮಿಫೈನಲ್ ವರೆಗೆ ಕೊಂಡೊಯ್ದ ಹೆಗ್ಗಳಿಕೆಗೆ ಕೌರ್ ಪಾತ್ರರಾಗಿದ್ದಾರೆ.
