ಏಷ್ಯನ್ ಕುಸ್ತಿ ಚಾಂಪಿಯನ್‌ಶಿಪ್‌: ಭಾರತಕ್ಕೆ 16 ಪದಕ
2017ರಲ್ಲಿ 10 ಪದಕ ಗೆದ್ದಿದ್ದ ಭಾರತ 2018ರಲ್ಲಿ 8 ಪದಕ ಜಯಿಸಿತ್ತು. ಕಳೆದ 2 ವರ್ಷಗಳಿಗಿಂತ ಈ ಬಾರಿ ಭಾರತದ ಕುಸ್ತಿಪಟುಗಳು ಉತ್ತಮ ಪ್ರದರ್ಶನ ತೋರಿದ್ದಾರೆ. ಈ ಕುರಿತಾದ ವರದಿ ಇಲ್ಲಿದೆ ನೋಡಿ...
 )
Followಕ್ಸಿಯಾನ್‌ (ಚೀನಾ): ಭಾರತದ ಹರ್‌ಪ್ರೀತ್‌ ಸಿಂಗ್‌ ಹಾಗೂ ಜ್ಞಾನೇಂದರ್‌, ಇಲ್ಲಿ ಭಾನುವಾರ ಮುಕ್ತಾಯವಾದ ಏಷ್ಯನ್ ಕುಸ್ತಿ ಚಾಂಪಿಯನ್‌ಶಿಪ್‌ನಲ್ಲಿ ಕ್ರಮವಾಗಿ ಬೆಳ್ಳಿ ಮತ್ತು ಕಂಚಿನ ಪದಕ ಗೆದ್ದಿದ್ದಾರೆ.
#AsianWrestlingChampionship: #GurpreetSingh clinches silver in Greco-Roman 77kg pic.twitter.com/XN0GY0jlXd
— Jkupdate (@jkupdate) April 27, 2019
ಇದರೊಂದಿಗೆ ಭಾರತದ ಖಾತೆಯಲ್ಲಿ 1 ಚಿನ್ನ, 6 ಬೆಳ್ಳಿ ಹಾಗೂ 9 ಕಂಚು ಸೇರಿದಂತೆ 16 ಪದಕಗಳು ಸೇರಿವೆ. ಪಟ್ಟಿಯಲ್ಲಿ ಭಾರತ 8ನೇ ಸ್ಥಾನ ಪಡೆಯಿತು. 2017ರಲ್ಲಿ 10 ಪದಕ ಗೆದ್ದಿದ್ದ ಭಾರತ 2018ರಲ್ಲಿ 8 ಪದಕ ಜಯಿಸಿತ್ತು. ಕಳೆದ 2 ವರ್ಷಗಳಿಗಿಂತ ಈ ಬಾರಿ ಭಾರತದ ಕುಸ್ತಿಪಟುಗಳು ಉತ್ತಮ ಪ್ರದರ್ಶನ ತೋರಿದ್ದಾರೆ.
ಏಷ್ಯನ್ ಕುಸ್ತಿ: ಭಾರತದ ಮುಡಿಗೆ 14 ಪದಕ
ಭಾನುವಾರ ನಡೆದ ಪುರುಷರ ಗ್ರೀಕೋ ರೋಮನ್‌ ವಿಭಾಗದ 82 ಕೆ.ಜಿ. ಫೈನಲ್‌ನಲ್ಲಿ ಹರ್‌ಪ್ರೀತ್‌, ಒಲಿಂಪಿಕ್ಸ್‌ ಪದಕ ವಿಜೇತ ಇರಾನ್‌ನ ಸಯಿದ್‌ ಅಬ್ದವೇಲಿ ವಿರುದ್ಧ 0-8 ರಲ್ಲಿ ಸೋಲುಂಡು ಬೆಳ್ಳಿಗೆ ತೃಪ್ತಿಪಟ್ಟರು. 60 ಕೆ.ಜಿ. ವಿಭಾಗದ ಕಂಚು ಪದಕದ ಸ್ಪರ್ಧೆಯಲ್ಲಿ ಜ್ಞಾನೇಂದರ್‌, ತೈಪೆಯ ಹುವಾಂಗ್‌ ಜೆ ವಿರುದ್ಧ 9-0 ರಲ್ಲಿ ಜಯ ಸಾಧಿಸಿ ಪದಕ ಗೆದ್ದರು.
