ಬೆಂಗಳೂರು[ಸೆ.30]: 10ನೇ ಏಷ್ಯನ್‌ ವಯೋ ವರ್ಗ ಈಜು ಚಾಂಪಿಯನ್‌ಶಿಪ್‌ನ ಡೈವಿಂಗ್‌ ಸ್ಪರ್ಧೆಯಲ್ಲಿ ಭಾರತದ ಯುವ ಈಜುಪಟು ರಮಾನಂದ ಶರ್ಮಾ, ದೇಶಕ್ಕೆ ಮೊದಲ ಚಿನ್ನ ತಂದುಕೊಟ್ಟಿದ್ದಾರೆ. 

ಭಾನುವಾರ ಇಲ್ಲಿನ ಭಾರತೀಯ ಕ್ರೀಡಾ ಪ್ರಾಧಿಕಾರ (ಸಾಯ್‌) ದಲ್ಲಿ ಆರಂಭವಾದ ಡೈವಿಂಗ್‌ ಸ್ಪರ್ಧೆಯಲ್ಲಿ ಭಾರತ 1 ಚಿನ್ನ, 3 ಬೆಳ್ಳಿ ಹಾಗೂ 1 ಕಂಚಿನ ಪದಕ ಗೆದ್ದಿದೆ. ಪುರುಷರ ಮುಕ್ತ ವಿಭಾಗದಲ್ಲಿ 1 ಮೀ. ಸ್ಟ್ರಿಂಗ್‌ ಬೋರ್ಡ್‌ ಸ್ಪರ್ಧೆಯಲ್ಲಿ ರಮಾನಂದ 300.80 ಅಂಕಗಳಿಸಿ ಚಿನ್ನಕ್ಕೆ ಮುತ್ತಿಟ್ಟರು. ಇದೇ ಸ್ಪರ್ಧೆಯಲ್ಲಿ ರಮಾನಂದಗೆ ತೀವ್ರ ಪೈಪೋಟಿ ನೀಡಿದ ಭಾರತದ ಸಿದ್ಧಾಥ್‌ರ್‍ ಪ್ರದೇಶಿ 272.25 ಅಂಕಗಳಿಸಿ ಕಂಚಿನ ಪದಕ ಗೆದ್ದರು.

ಏಷ್ಯನ್‌ ಈಜು ಕೂಟ: ಮೊದಲ ದಿನವೇ ಭಾರತ ಭರ್ಜರಿ ಪದಕ ಭೇಟೆ

3 ಮೀ. ಸಿಂಕ್ರನೈಸ್ಡ್‌ ಡೈವಿಂಗ್‌ ಸ್ಪರ್ಧೆಯಲ್ಲಿ ಸತೀಶ್‌ ಕುಮಾರ್‌ ಮತ್ತು ಎನ್‌. ವಿಲ್ಸನ್‌ ಸಿಂಗ್‌ ಜೋಡಿ 217.26 ಅಂಕಗಳಿಸಿ ಬೆಳ್ಳಿ ಗೆದ್ದರೆ, ಥಾಯ್ಲೆಂಡ್‌ ಜೋಡಿ ಕಂಚು ಹಾಗೂ ಚೀನಾ ಸ್ಪರ್ಧಿಗಳು ಚಿನ್ನದ ಪದಕ ಗೆದ್ದರು.

ಏಷ್ಯನ್‌ ಈಜು ಕೂಟ: ರಾವತ್‌ ಮುಡಿಗೆ 4ನೇ ಚಿನ್ನ

ಬಾಲಕಿಯರ ‘ಸಿ’ ಗುಂಪಿನಲ್ಲಿ ನಡೆದ 1 ಮೀ. ಸ್ಟ್ರಿಂಗ್‌ ಬೋರ್ಡ್‌ ಡೈವಿಂಗ್‌ ಸ್ಪರ್ಧೆಯಲ್ಲಿ ಪಾಲಕ್‌ ಶರ್ಮಾ 186.70 ಅಂಕಗಳಿಸಿ ಬೆಳ್ಳಿ ಜಯಿಸಿದರು. ಡೈವಿಂಗ್‌ ಸ್ಪರ್ಧೆಯಲ್ಲಿ 14 ರಾಷ್ಟ್ರಗಳ 94 ಸ್ಪರ್ಧಿಗಳು ಭಾಗವಹಿಸಿದ್ದಾರೆ. ಆರ್ಟಿಸ್ಟಿಕ್‌ ಈಜು ಸ್ಪರ್ಧೆ ಕೂಡ ಭಾನುವಾರದಿಂದ ಆರಂಭವಾಗಿದ್ದು, 9 ರಾಷ್ಟ್ರಗಳ 130 ಸ್ಪರ್ಧಿಗಳು ಕಣದಲ್ಲಿ​ದ್ದಾರೆ.