ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಐತಿಹಾಸಿಕ ಟೆಸ್ಟ್ ಪಂದ್ಯದಲ್ಲಿ ಅಫ್ಘಾನಿಸ್ತಾನ ಹಲವು ಕುಖ್ಯಾತಿಗೆ ಪಾತ್ರವಾಗಿದೆ. ಅಫ್ಘಾನ್ ತಂಡ ಕಟ್ಟಿಕೊಂಡ ಹಣೆಪಟ್ಟಿ ಯಾವುದು?
ಬೆಂಗಳೂರು(ಜೂ.15): ಭಾರತ ಹಾಗೂ ಅಫ್ಘಾನಿಸ್ತಾನ ನಡುವಿನ ಐತಿಹಾಸಿಕ ಟೆಸ್ಟ್ ಪಂದ್ಯ ಅಸ್ಗರ್ ಸ್ಟಾನಿಕ್ಜೈ ತಂಡ ಹಲವು ಕುಖ್ಯಾತಿಗೆ ಪಾತ್ರವಾಗಿದೆ. ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಏಕೈಕ ಟೆಸ್ಟ್ ಪಂದ್ಯದಲ್ಲಿ ಆಫ್ಘಾನ್ ಅಲ್ಪ ಮೊತ್ತಕ್ಕೆ ಆಲೌಟ್ ಆಗೋ ಮೂಲಕ ಬಾರಿ ಹಿನ್ನೆಡೆ ಅನುಭವಿಸಿದೆ.
ಮೊದಲ ಇನ್ನಿಂಗ್ಸ್ನಲ್ಲಿ ಭಾರತದ ದಾಳಿಗೆ ತತ್ತರಿಸಿದ ಅಫ್ಘಾನಿಸ್ತಾನ ಕೇವಲ 27.5 ಓವರ್ಗಳಲ್ಲಿ 109 ರನ್ಗಳಿಗೆ ಆಲೌಟ್ ಆಯಿತು. ಈ ಮೂಲಕ ಚೊಚ್ಚಲ ಟೆಸ್ಟ್ ಕ್ರಿಕೆಟ್ನಲ್ಲಿ ಅತೀ ಕಡಿಮೆ ಓವರ್ ಆಡಿದ ತಂಡ ಎಂಬ ಹಣೆಪಟ್ಟಿ ಹೊತ್ತುಕೊಂಡಿದೆ.
ಚೊಚ್ಚಲ ಟೆಸ್ಟ್ ಪಂದ್ಯದಲ್ಲಿ ಕನಿಷ್ಠ ಓವರ್ ಆಡಿದ ತಂಡ
| ತಂಡ | ಓವರ್ | ಇನ್ನಿಂಗ್ಸ್ |
| ಅಫ್ಘಾನಿಸ್ತಾನ | 27.5 | 1ನೇ |
| ಬಾಂಗ್ಲಾದೇಶ | 46.3 | 2ನೇ |
| ನ್ಯೂಜಿಲೆಂಡ್ | 47.1 | 1ನೇ |
| ಐರ್ಲೆಂಡ್ | 47.2 | 1ನೇ |
| ಪಾಕಿಸ್ತಾನ | 58.2 | 2ನೇ |
| ಭಾರತ | 59.3 | 2ನೇ |
ಅಲ್ಪಮೊತ್ತದ ಜೊತೆಗೆ ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಅತೀ ಕಡಿಮೆ ಮೊತ್ತ ದಾಖಲಿಸಿದ ತಂಡ ಅನ್ನೋ ಕುಖ್ಯಾತಿಗೂ ಅಫ್ಘಾಸ್ತಾನ ಪಾತ್ರವಾಗಿದೆ.
ಚಿನ್ನಸ್ವಾಮಿಯಲ್ಲಿ ಕನಿಷ್ಠ ಮೊತ್ತ ದಾಖಲಿಸಿದ ತಂಡ
| ತಂಡ | ಮೊತ್ತ | ಎದುರಾಳಿ | ವರ್ಷ |
| ಅಫ್ಘಾನಿಸ್ತಾನ | 109 | ಭಾರತ | 2018 |
| ಆಸ್ಟ್ರೇಲಿಯಾ | 112 | ಭಾರತ | 2017 |
| ಪಾಕಿಸ್ತಾನ | 116 | ಭಾರತ | 1987 |
| ಭಾರತ | 118 | ವೆಸ್ಟ್ಇಂಡೀಸ್ | 1975 |
