2ನೇ ಅನಧಿಕೃತ ಟೆಸ್ಟ್: ಭಾರತಕ್ಕೆ ದ. ಆಫ್ರಿಕಾ ತಿರುಗೇಟು
ದಕ್ಷಿಣ ಆಫ್ರಿಕಾ ’ಎ’ ತಂಡವು ಎರಡನೇ ಅನಧಿಕೃತ ಟೆಸ್ಟ್ ಪಂದ್ಯದಲ್ಲಿ ಭಾರತಕ್ಕೆ ತಿರುಗೇಟು ನೀಡಲು ಯಶಸ್ವಿಯಾಗಿದೆ. ಪಂದ್ಯ ಬಹುತೇಕ ಡ್ರಾನಲ್ಲಿ ಮುಕ್ತಾಯವಾಗುವ ಸಾಧ್ಯತೆಯಿದೆ. ಈ ಕುರಿತಾದ ವರದಿ ಇಲ್ಲಿದೆ ನೋಡಿ...
ಮೈಸೂರು[ಸೆ.20]: ಭಾರತ ‘ಎ’ ವಿರುದ್ಧದ 2ನೇ ಅನಧಿಕೃತ ಟೆಸ್ಟ್ನಲ್ಲಿ ದ.ಆಫ್ರಿಕಾ ‘ಎ’ ತಂಡ ಭರ್ಜರಿ ಹೋರಾಟ ಪ್ರದರ್ಶಿಸಿ, ದೊಡ್ಡ ಮೊತ್ತದ ಹಿನ್ನಡೆಯಿಂದ ತಪ್ಪಿಸಿಕೊಂಡಿತು.
2ನೇ ಅನಧಿಕೃತ ಟೆಸ್ಟ್: ಭಾರತ ‘ಎ’ ಬೃಹತ್ ಮೊತ್ತ
2ನೇ ದಿನದಂತ್ಯಕ್ಕೆ 159 ರನ್ಗೆ 5 ವಿಕೆಟ್ ಕಳೆದುಕೊಂಡಿದ್ದ ದ.ಆಫ್ರಿಕಾ ‘ಎ’, 3ನೇ ದಿನವಾದ ಗುರುವಾರ ಭರ್ಜರಿ ಬ್ಯಾಟಿಂಗ್ ಪ್ರದರ್ಶನ ತೋರಿತು. ನಾಯಕ ಏಡನ್ ಮಾರ್ಕ್ರಮ್ 161 ಹಾಗೂ ವಿಯಾನ್ ಮಲ್ಡರ್ 131 ರನ್ ಗಳಿಸಿ ತಂಡ ಮೊದಲ ಇನ್ನಿಂಗ್ಸ್ನಲ್ಲಿ 400 ರನ್ ಗಳಿಸಲು ನೆರವಾದರು. 417 ರನ್ ಗಳಿಸಿದ್ದ ಭಾರತ ‘ಎ’ ಮೊದಲ ಇನ್ನಿಂಗ್ಸ್ನಲ್ಲಿ 17 ರನ್ಗಳ ಅಲ್ಪ ಮುನ್ನಡೆ ಸಾಧಿಸಿತು.
2ನೇ ಇನ್ನಿಂಗ್ಸ್ ಬ್ಯಾಟಿಂಗ್ ಆರಂಭಿಸಿರುವ ಭಾರತ ‘ಎ’ ದಿನದಂತ್ಯಕ್ಕೆ ವಿಕೆಟ್ ನಷ್ಟವಿಲ್ಲದೆ 14 ರನ್ ಗಳಿಸಿದ್ದು, ಒಟ್ಟಾರೆ 31 ರನ್ ಮುನ್ನಡೆ ಪಡೆದಿದೆ. ಪಂದ್ಯ ಬಹುತೇಕ ಡ್ರಾದತ್ತ ಸಾಗಿದೆ. .
ಸ್ಕೋರ್: ಭಾರತ ‘ಎ’ 417 ಹಾಗೂ 14/0
ದಕ್ಷಿಣ ಆಫ್ರಿಕಾ ‘ಎ’ 400/10