Elon Musk Neuralink : ಸಂಕಷ್ಟದಲ್ಲಿ ಟೆಸ್ಲಾ ಸಿಇಓ: ಸಂಶೋಧನೆ ಹೆಸರಲ್ಲಿ ಪ್ರಾಣಿಹಿಂಸೆ ಆರೋಪ!
ಬಯೋಟೆಕ್ ಕಂಪನಿಯಾದ ನ್ಯೂರಾಲಿಂಕ್‌ಗೆ ಮೆದುಳಿನ ಕಸಿಗಳನ್ನು ಪರೀಕ್ಷಿಸುವಾಗ ಸಂಶೋಧಕರು ಮಂಗಗಳನ್ನು ಕಾನೂನುಬಾಹಿರವಾಗಿ ನಡೆಸಿಕೊಳ್ಳುತ್ತಿದ್ದಾರೆ ಮತ್ತು "ತೀವ್ರ ಸಂಕಟ" ಕ್ಕೆ ಒಳಪಡಿಸುತ್ತಿದ್ದಾರೆ ಎಂದು ಪ್ರಾಣಿ ಹಕ್ಕುಗಳ ಗುಂಪೊಂದು ಆರೋಪಿಸಿದೆ
 )
FollowTech Desk: ಜಗತ್ತಿನ ನಂ.1 ಶ್ರೀಮಂತ ಟೆಸ್ಲಾ ಬಿಲಿಯನೇರ್ ಎಲೋನ್ ಮಸ್ಕ್ ಒಡೆತನದ ಬಯೋಟೆಕ್ ಕಂಪನಿಯಾದ ನ್ಯೂರಾಲಿಂಕ್‌ಗೆ ( Neuralink) ಮೆದುಳಿನ ಕಸಿಗಳನ್ನು ಪರೀಕ್ಷಿಸುವಾಗ ಸಂಶೋಧಕರು ಮಂಗಗಳನ್ನು ಕಾನೂನುಬಾಹಿರವಾಗಿ ನಡೆಸಿಕೊಳ್ಳುತ್ತಿದ್ದಾರೆ ಮತ್ತು "ತೀವ್ರ ಸಂಕಟ" ಕ್ಕೆ ಒಳಪಡಿಸುತ್ತಿದ್ದಾರೆ ಎಂದು ಪ್ರಾಣಿ ಹಕ್ಕುಗಳ ಗುಂಪೊಂದು ಆರೋಪಿಸಿದೆ. ಅಮೆರಿಕದಾ ಕೃಷಿ ಇಲಾಖೆಗೆ ಸಲ್ಲಿಸುವ ಕರಡು ದೂರಿನಲ್ಲಿ ಈ ವಿಷಯ ಬಹಿರಂಗವಾಗಿದೆ. ,
ದೂರಿನಲ್ಲಿ ಪ್ರಾಣಿ-ಹಕ್ಕುಗಳ ಗುಂಪಿನ ಜವಾಬ್ದಾರಿಯುತ ಔಷಧಕ್ಕಾಗಿ ವೈದ್ಯರ ಸಮಿತಿಯು (Physicians Committee for Responsible Medicine) ಮಂಗಗಳು "ಅಸಮರ್ಪಕ ಪ್ರಾಣಿಗಳ ಆರೈಕೆ ಮತ್ತು ಪ್ರಯೋಗಗಳ ಸಮಯದಲ್ಲಿ ಹೆಚ್ಚು ಆಕ್ರಮಣಕಾರಿ ಪ್ರಾಯೋಗಿಕ ತಲೆ ಕಸಿಯಿಂದ ತೀವ್ರ ನೋವನ್ನು ಅನುಭವಿಸಿವೆ" ಎಂದು ತೋರಿಸುವ ದಾಖಲೆಗಳನ್ನು ಪಡೆದುಕೊಂಡಿದೆ ಎಂದು ತಿಳಿಸಿದೆ.
ಇದನ್ನೂ ಓದಿ: Tesla in India: ಎಲೆಕ್ಟ್ರಿಕ್‌ ಕಾರಿಗೆ ತೆರಿಗೆ ವಿನಾಯ್ತಿ ಕೋರಿದ್ದ ಎಲಾನ್‌ ಮಸ್ಕ್ ಮನವಿ ತಿರಸ್ಕೃತ!
ಮೆದುಳಿನ ಚಟುವಟಿಕೆಯನ್ನು ಮೇಲ್ವಿಚಾರಣೆ ಮಾಡಲು ಮತ್ತು ಸಂಭಾವ್ಯವಾಗಿ ಉತ್ತೇಜಿಸಲು ಮಾನವರ ಮಿದುಳಿನಲ್ಲಿ ಅಳವಡಿಸಲಾಗುವ ಸಾಧನವನ್ನು ನ್ಯೂರಾಲಿಂಕ್ ಅಭಿವೃದ್ಧಿಪಡಿಸುತ್ತಿದೆ. ಸಾಧನವು ಮೈಕ್ರೊಚಿಪ್ ಮತ್ತು ವೈರ್‌ಗಳನ್ನು ಒಳಗೊಂಡಿರುತ್ತದೆ, ಅದು ರೋಗಿಯ ತಲೆಬುರುಡೆಯ ಮೂಲಕ ಮೆದುಳಿಗೆ ಕನೆಕ್ಟ್ ಆಗುತ್ತದೆ.
700 ಕ್ಕೂ ಹೆಚ್ಚು ಪುಟಗಳ ದಾಖಲೆ: ಆರೋಪ ಹೊತ್ತಿರುವ ಬಯೋಟೆಕ್ ಕಂಪನಿಯಾದ ನ್ಯೂರಾಲಿಂಕ್ ಸಂಶೋಧನೆಯು ಡೇವಿಸ್‌ನಲ್ಲಿರುವ ಕ್ಯಾಲಿಫೋರ್ನಿಯಾ ವಿಶ್ವವಿದ್ಯಾಲಯದೊಂದಿಗೆ ಸಂಯೋಜಿತವಾಗಿದೆ, ಇದು ಫೆಡರಲ್ ಪ್ರೈಮೇಟ್-ಸಂಶೋಧನಾ ಸೌಲಭ್ಯವನ್ನು ನಿರ್ವಹಿಸುತ್ತದೆ. ವಿಶ್ವವಿದ್ಯಾನಿಲಯಕ್ಕೆ ಸಾರ್ವಜನಿಕ ದಾಖಲೆಗಳ ವಿನಂತಿಯ (public-records request) ಮೂಲಕ ಪಶುವೈದ್ಯಕೀಯ ದಾಖಲೆಗಳು ಮತ್ತು ಶವಪರೀಕ್ಷೆಯ ವರದಿಗಳು ಸೇರಿದಂತೆ 700 ಕ್ಕೂ ಹೆಚ್ಚು ಪುಟಗಳ ದಾಖಲೆಗಳನ್ನು ಪಡೆದುಕೊಂಡಿದೆ ಎಂದು ವೈದ್ಯರ ಸಮಿತಿ ತಿಳಿಸಿದೆ.
ದಾಖಲೆಗಳು ನ್ಯೂರಾಲಿಂಕ್ ಒಡೆತನದ 23 ಕೋತಿಗಳಿಗೆ ಸಂಬಂಧಿಸಿವೆ, ಅವುಗಳನ್ನು 2017 ರಿಂದ 2020 ರವರೆಗೆ ಯುಸಿ ಡೇವಿಸ್ ಸೌಲಭ್ಯದಲ್ಲಿ ಇರಿಸಲಾಗಿದೆ ಮತ್ತು ಪ್ರಯೋಗಿಸಲಾಗಿದೆ ಎಂದು ಕರಡು ದೂರಿನಲ್ಲಿ ಹೇಳಲಾಗಿದೆ. ತನ್ನ ಕರಡು ದೂರಿನಲ್ಲಿ ಪಿಸಿಆರ್‌ಎಮ್ ಯುಸಿ ಡೇವಿಸ್ ಮತ್ತು ನ್ಯೂರಾಲಿಂಕ್ ಪ್ರಾಣಿ ಕಲ್ಯಾಣ ಕಾಯಿದೆಯ ಒಂಬತ್ತು ನಿಯಮಗಳನ್ನು ಉಲ್ಲಂಘನೆಗಳ ಉಲ್ಲೇಖಸಿ ಆರೋಪ ಮಾಡಿದೆ.
ಇದನ್ನೂ ಓದಿ: Geomagnetic Storm Hits Starlink: ಆಗಸದಿಂದ ಉದುರಿ ಬೀಳುತ್ತಿವೆ ಎಲಾನ್‌ ಮಸ್ಕ್ SpaceX ಉಪಗ್ರಹಗಳು!
ಸಂಶೋಧಕರು ಪ್ರಾಣಿಗಳಿಗೆ ನೋವು ಮತ್ತು ಸಂಕಟವನ್ನು ಕಡಿಮೆ ಮಾಡುವ ಷರತ್ತುಗಳ ಉಲ್ಲಂಘನೆ, ಪ್ರಾಣಿಗಳ ದೈನಂದಿನ ವೀಕ್ಷಣೆಗಳು ಮತ್ತು ಸಂಶೋಧಕರು ಅರಿವಳಿಕೆ ಬಳಕೆಗೆ ಸಲಹೆ ನೀಡುವ ಪಶುವೈದ್ಯರನ್ನು ಹೊಂದಿರಬೇಕಾದ ನಿಯಮ ಸೇರಿದಂತೆ ಹಲವು ಷರತ್ತುಗಳನ್ನು ಉಲ್ಲಂಘನೆ ಮಾಡಲಾಗಿದೆ ಎಂದು ಆರೋಪಿಸಿದೆ.
ತನ್ನ ಕರಡು ದೂರಿನಲ್ಲಿ ಕೋತಿಗಳು ನೋವು ಅನುಭವಿಸಿರುವ ಘಟನೆಗಳ ಉದಾಹರಣೆಗಳನ್ನು ವೈದ್ಯರ ಸಮೀತಿ ನೀಡಿದೆ. ಕರಡು ದೂರಿನ ಪ್ರಕಾರ ಒಂದು ಕೋತಿಯು "ಬಹುಶಃ ಸ್ವಯಂ-ಊನಗೊಳಿಸುವಿಕೆ ಅಥವಾ ಇತರ ಅನಿರ್ದಿಷ್ಟ ಆಘಾತದಿಂದ" ಬೆರಳುಗಳು ಮತ್ತು ಕಾಲ್ಬೆರಳುಗಳನ್ನು ಕಳೆದುಕೊಂಡಿದೆ ಎಂದು ಪಿಸಿಆರ್‌ಎಂ ಹೇಳಿದೆ. ಪಿಸಿಆರ್‌ಎಂನ ಸಂಶೋಧನಾ ಸಂಯೋಜಕ ಜೆರೆಮಿ ಬೆಕ್‌ಹ್ಯಾಮ್, 23 ಕೋತಿಗಳಲ್ಲಿ ಏಳು ಬದುಕುಳಿದಿವೆ ಮತ್ತು 2020 ರಲ್ಲಿ ಅವುಗಳನ್ನು ನ್ಯೂರಾಲಿಂಕ್ ಸೌಲಭ್ಯಕ್ಕೆ ವರ್ಗಾಯಿಸಲಾಯಿತು ಎಂದು ತಿಳಿಸಿದ್ದಾರೆ.
ಈ ವರ್ಷ ಮಾನವ ಪರೀಕ್ಷೆ ಪ್ರಾರಂಭ ?: ನ್ಯೂರಾಲಿಂಕ್ ತನ್ನ ಪ್ರಗತಿಯನ್ನು ಪ್ರಚಾರ ಮಾಡಲು ಕೋತಿಗಳನ್ನು ತನ್ನ ಪ್ರಯೋಗಗಳಲ್ಲಿ ಬಳಸಿಕೊಂಡಿದೆ. ಕಂಪನಿಯು ಏಪ್ರಿಲ್‌ನಲ್ಲಿ "ಪಾಂಗ್" ಎಂಬ ವಿಡಿಯೋ ಗೇಮ್ ಆಡಲು ನ್ಯೂರಾಲಿಂಕ್ ಸಾಧನವನ್ನು ಬಳಸುತ್ತಿರುವ ಮಂಗದ ತುಣುಕನ್ನು ಬಿಡುಗಡೆ ಮಾಡಿತ್ತು.
ಈ ವರ್ಷ ಮಾನವ ಪರೀಕ್ಷೆಯನ್ನು ಪ್ರಾರಂಭಿಸಲು ನ್ಯೂರಾಲಿಂಕ್ ಆಶಿಸುತ್ತಿದೆ ಎಂದು ಮಸ್ಕ್ ಡಿಸೆಂಬರ್‌ನಲ್ಲಿ ಹೇಳಿದ್ದರು. ಕಳೆದ ಫೆಬ್ರವರಿಯಲ್ಲಿ, ಕಂಪನಿಯು 2021 ರ ಅಂತ್ಯದ ವೇಳೆಗೆ ಪರೀಕ್ಷೆಯನ್ನು ಪ್ರಾರಂಭಿಸಬಹುದು ಎಂದು ಮಸ್ಕ್ ತಿಳಿಸಿದ್ದರು ಮತ್ತು 2019 ರಲ್ಲಿ ಅವರು 2020 ರ ಅಂತ್ಯದ ವೇಳೆಗೆ ಮಾನವ ಪರೀಕ್ಷೆಯನ್ನು ಪ್ರಾರಂಭಿಸಲು ಆಶಿಸುವುದಾಗಿ ಮಾಹಿತಿ ನೀಡಿದ್ದರು.
