ಯೋಧನ ಪಾತ್ರದಲ್ಲಿ ಯಶ್; 'ವಿರಾಟಪರ್ವ' ಟೀಸರ್ ಬಿಡುಗಡೆ!
ಯೋಧನ ಪಾತ್ರದಲ್ಲಿ ಯಶ್ ಶೆಟ್ಟಿಅವರನ್ನು ತೋರಿಸಿರುವ ‘ವಿರಾಟಪರ್ವ’ ಚಿತ್ರದ ಟೀಸರ್ ಬಿಡುಗಡೆ ಆಗಿದೆ.
ಎ2 ಮ್ಯೂಸಿಕ್ ಯೂಟ್ಯೂಬ್ ವಾಹಿನಿಯಲ್ಲಿ ಟೀಸರ್ ಅನಾವರಣಗೊಂಡಿದ್ದು, ಟೀಸರ್ಗೆ ಉತ್ತಮ ಪ್ರತಿಕ್ರಿಯೆಗಳು ವ್ಯಕ್ತವಾಗುತ್ತಿವೆ.
ಡಾನ್ ಪಾತ್ರದಲ್ಲಿ ಅರುಣ್ ಗೌಡ ಕಾಣಿಸಿಕೊಂಡಿದ್ದು, ‘ಮುದ್ದು ಮನಸೇ’ ಚಿತ್ರದ ನಂತರ ಅವರಿಗೆ ಈ ಸಿನಿಮಾ ಹೊಸ ಇಮೇಜ್ ನೀಡಲಿದೆ ಎಂಬುದು ಟೀಸರ್ ನೋಡಿದವರ ಮಾತು. ಅನಂತ್ ಶೈನ್ ನಿರ್ದೇಶನದ ಎರಡನೇ ಸಿನಿಮಾ. ಸುನೀಲ್ ರಾಜ್ ನಿರ್ಮಾಣ ಮಾಡಿದ್ದು, ವಿನಿತ್ ರಾಜ್ ಮೆನನ್ ಸಂಗೀತ, ಶಿವು ಬಿ ಕೆ ಕುಮಾರ್ ಹಾಗೂ ಶಿವ ಸೀನ ಕ್ಯಾಮೆರಾ ಚಿತ್ರಕ್ಕಿದೆ. ಸಂದೀಪ್ ಹಾಗೂ ರಘು ಸಂಭಾಷಣೆ ಬರೆದಿದ್ದಾರೆ.
ಇನ್ಸ್ಪೆಕ್ಟರ್ ವಿಕ್ರಂನ 'ಹೇ ಗಾಯ್ಸ್' ಹಾಡಿಗೆ ಮೆಚ್ಚುಗೆ!
‘ಪಕ್ಕಾ ಕಮರ್ಷಿಯಲ್ ಅಂಶಗಳಿರುವ ದೊಡ್ಡ ಸಿನಿಮಾ. ಯೂಟ್ಯೂಬ್ನಲ್ಲಿ ಟೀಸರ್ಗೆ ಬಂದಿರುವ ಪ್ರತಿಕ್ರಿಯೆಗಳನ್ನು ನೋಡಿದಾಗ ನಮ್ಮ ಶ್ರಮಕ್ಕೆ ಯಶಸ್ಸು ಸಿಗುತ್ತದೆಂಬ ಭರವಸೆ ಮೂಡಿದೆ. ವಿಶೇಷವಾದ ಕತೆ ಚಿತ್ರದಲ್ಲಿದೆ’ ಎನ್ನುತ್ತಾರೆ ನಿರ್ದೇಶಕ ಅನಂತ್ ಶೈನ್.