ತಮಿಳಿನ ‘ಓ ಮೈ ಕಡವುಳೆ’ ಚಿತ್ರದ ಕನ್ನಡಕ್ಕೆ ರಿಮೇಕ್‌ನಲ್ಲಿ ಪುನೀತ್‌ ರಾಜ್‌ಕುಮಾರ್‌ ಅಭಿನಯಿಸುತ್ತಿದ್ದಾರೆ. ಅವರಿಲ್ಲಿ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದು ವಿಜಯ್‌ ಸೇತುಪತಿ ಪಾತ್ರಕ್ಕೆ ಬಣ್ಣ ಹಚ್ಚುವುದು ಬಹುತೇಕ ಖಚಿತವಾಗಿದೆ. ನಟ ಪ್ರಭುದೇವ ಸೋದರ ನಾಗೇಂದ್ರ ಪ್ರಸಾದ್‌ ಈ ಚಿತ್ರವನ್ನು ಕನ್ನಡಕ್ಕೆ ತಕ್ಕಂತೆ ರೂಪಿಸಲು ಹೊರಟಿದ್ದಾರೆ.

ಪುನೀತ್ ರಾಜ್‌ಕುಮಾರ್ 'ಫ್ಯಾಮಿಲಿ ಫ್ಯಾಕ್' ಹೇಗಿರಲಿದೆ? 

ಕಳೆದ ವರ್ಷ ಫೆಬ್ರವರಿ ತಿಂಗಳಲ್ಲಿ ತೆರೆಗೆ ಬಂದಿದ್ದ ‘ಓ ಮೈ ಕಡವುಳೆ’ ಚಿತ್ರಕ್ಕೆ ಯಶಸ್ಸು ಖಂಡಿತು. ಅತ್ಯುತ್ತಮ ಚಿತ್ರಕಥೆ ಎನ್ನುವ ಹೆಗ್ಗಳಿಕೆಗೂ ಈ ಚಿತ್ರ ಪಾತ್ರವಾಗಿತ್ತು. ಐದು ಮಂದಿ ಮುಖ್ಯ ಪಾತ್ರಧಾರಿಗಳ ನಡುವೆ ಸಾಗುವ ಕತೆ ಇದಾಗಿದ್ದು, ಈ ಪೈಕಿ ವಿಜಯ್‌ ಸೇತುಪತಿ ಅವರು ಕಡವುಳು ಅಂದರೆ ದೇವರ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.

ಇದೇ ದೇವರ ಪಾತ್ರದಲ್ಲಿ ಪುನೀತ್‌ ನಟಿಸುತ್ತಾರೆ ಎನ್ನಲಾಗುತ್ತಿದೆ. ಈ ಪಾತ್ರದ ತೂಕ ಹೆಚ್ಚಿಸಲು ಪವರ್‌ಸ್ಟಾರ್‌ ಅವರಿಂದ ಮಾತ್ರ ಸಾಧ್ಯ, ಹೀಗಾಗಿ ಅವರನ್ನೇ ಈ ಕಡವುಳು ಪಾತ್ರದಲ್ಲಿ ನೋಡಬೇಕು ಎಂಬ ಆಸೆ ಎನ್ನುತ್ತಾರೆ ನಿರ್ದೇಶಕ ನಾಗೇಂದ್ರ ಪ್ರಸಾದ್‌.