Asianet Suvarna News Asianet Suvarna News

ನಿಖಿಲ್ ಹಣೆಗೆ ಕುಂಕುಮವಿಟ್ಟ ಪತ್ನಿ ರೇವತಿ; ಹಳೆ ವಿಡಿಯೋ ಶೇರ್ ಮಾಡಿದ ಯುವರಾಜ!

ವಿವಾಹ ವಾರ್ಷಿಕೋತ್ಸವದ ಪ್ರಯುಕ್ತ ನಿಖಿಲ್ ಪತ್ನಿ ಜೊತೆಗಿರುವ ವಿಡಿಯೋ ಅಪ್ಲೋಡ್ ಮಾಡಿದ್ದಾರೆ. ವಿಡಿಯೋ ಹಳೆಯದಾದರೂ ಭಾವನೆ ಹೊಸತು....  
 

Nikhil Kumaraswamy shares good Old memorable video with wife revathi vcs
Author
Bangalore, First Published Apr 19, 2021, 3:46 PM IST

ಸ್ಯಾಂಡಲ್‌ವುಡ್‌ ಯುವರಾಜ, ಯುವ ರಾಜಕಾರಣಿ ನಿಖಿಲ್ ಕುಮಾರಸ್ವಾಮಿ ಹಾಗೂ ರೇವತಿ ಏಪ್ರಿಲ್ 17ರಂದು ವೈವಾಹಿ ಜೀವನಕ್ಕೆ ಕಾಲಿಟ್ಟು ಒಂದು ವರ್ಷ ಕಳೆದಿದೆ. ಮದುವೆ ಫೋಟೋ ಹಂಚಿಕೊಂಡು ಪತ್ನಿಗೆ ಲವ್ ಯು ಹೇಳಿದ ನಿಖಿಲ್, ಇದೀಗ ಹಳೆ ವಿಡಿಯೋವೊಂದನ್ನು ಶೇರ್ ಮಾಡಿಕೊಂಡಿದ್ದಾರೆ. 

ಲೇ ಲಡಾಕ್‌ನಲ್ಲಿ ಚಿತ್ರೀಕರಿಸುತ್ತಲೇ ಮಡದಿಗೆ ಸ್ಪೆಷಲ್ ಶಾಪಿಂಗ್ ಮಾಡಿದ ನಿಖಿಲ್! 

'ಗುಡ್‌ ಓಲ್ಡ್‌ ಮೆಮೊರೇಬಲ್‌ ಮೊಮೆಂಟ್ಸ್‌ನ ವಿಡಿಯೋ ನಿಮ್ಮ ಜೊತೆ ಹಂಚಿಕೊಳ್ಳುತ್ತಿರುವೆ,' ಎಂದು ಬರೆದುಕೊಂಡಿರುವ ನಿಖಿಲ್ ಹಣೆಗೆ ರೇವತಿ ಕುಂಕುಮ ಇಡುತ್ತಾರೆ, ನಾಚಿ ನೀರಾದ ನಿಖಿಲ್ ಕೂಡ ಪತ್ನಿ ಹಣೆಗೆ ಕುಂಕುಮ ಇಡುತ್ತಾರೆ. ಇಬ್ಬರೂ ದೇವರ ಮನೆಯಲ್ಲಿ ನಿಂತು, ಹೀಗೆ ಮಾಡುತ್ತಿರುವುದನ್ನು ಯಾರು ಸೆರೆ ಹಿಡಿದರೋ ಗೊತ್ತಿಲ್ಲ. ಆದರೆ ವಿಡಿಯೋ ಮಾತ್ರ ಸೂಪರ್. ಎನ್ನುತ್ತಿದ್ದಾರೆ ಯುವರಾಜನ ಅಭಿಮಾನಿಗಳು. ಈ ವಿಡಿಯೋ ಮತ್ತೊಂದು ವಿಶೇಷತೆ ಏನೆಂದು ನಿಖಿಲ್ ಸಿನಿಮಾ ಜರ್ನಿಯಲ್ಲಿ ಬ್ರೇಕ್ ಕೊಟ್ಟಂತ ಚಿತ್ರ 'ಸೀತಾರಾಮ ಕಲ್ಯಾಣ' ಚಿತ್ರದ 'ನಿನ್ನ ರಾಜ ನಾನು, ನನ್ನ ರಾಣಿ ನೀನು' ಹಾಡನ್ನು ಸೇರಿಸಲಾಗಿದೆ. 

Nikhil Kumaraswamy shares good Old memorable video with wife revathi vcs

ರೈಡರ್ ಸಿನಿಮಾ ಚಿತ್ರೀಕರಣಕ್ಕೆಂದು ಲೇ ಲಡಾಕ್‌ ಪ್ರಯಾಣ ಮಾಡಿದ ನಿಖಿಲ್ ಅಲ್ಲಿನ ಹ್ಯಾಂಡ್‌ ಮೇಡ್‌ ವಸ್ತುಗಳನ್ನು ಪತ್ನಿಗೆ ಗಿಫ್ಟ್ ಮಾಡಿದ್ದಾರೆ ಎನ್ನಲಾಗಿದೆ. ಆ್ಯನಿವರ್ಸರಿ ದಿನ ಪತ್ನಿಗೆ ಹೂ ಗುಚ್ಛ ಹಿಡಿದು ಬಂದಿದ್ದಾರೆ ಎನ್ನಲಾಗಿದೆ. ನಿಖಿಲ್ ಆನ್‌ಸ್ಕ್ರೀನ್ ಮಾತ್ರವಲ್ಲ, ಆಫ್ ಸ್ಕ್ರೀನ್‌ ಕೂಡ ಸಖತ್ ರೋಮ್ಯಾಂಟಿಕ್ ಎನ್ನುತ್ತಿದ್ದಾರೆ ನೆಟ್ಟಿಗರು. ಇನ್ನು  ಕೊರೋನಾ ಕೇಸ್‌ ಹೆಚ್ಚಾಗುತ್ತಿರುವ ಕಾರಣ ಸಿನಿಮಾ ಚಿತ್ರೀಕರಣದಲ್ಲಿ ಬ್ಯುಸಿಯಾಗಿದ್ದ ನಿಖಿಲ್ ಕುಮಾರಸ್ವಾಮಿಗೂ ಕೊರೋನಾ ಸೋಂಕು ತಗುಲಿದೆ. ಈ ಬಗ್ಗೆ ಸ್ವತಃ ನಿಖಿಲ್ ಟ್ಟೀಟ್ ಮಾಡಿದ್ದಾರೆ.

Rx 100 ಬೈಕ್‌; ಪತ್ನಿ ರೇವತಿ ಜೊತೆ ನಿಖಿಲ್ ಕುಮಾರಸ್ವಾಮಿ ಜಾಲಿ ರೈಡ್ ವಿಡಿಯೋ! 

Follow Us:
Download App:
  • android
  • ios