ಚಿರುಗೆ ಮೇಘನಾ ಪ್ರಾಮಿಸ್ | ವಿಡಿಯೋ ವೈರಲ್ | ಮೇಘನಾ ಭಾವುಕ ಮಾತುಗಳು
ತಾಯ್ತನದ ಹೊಸ್ತಿಲಲ್ಲಿರುವ ಮೇಘನಾ ರಾಜ್ ಭಾವನಾತ್ಮಕ ವೀಡಿಯೋವೊಂದನ್ನು ಸೋಷಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ಎರಡು ನಿಮಿಷದ ಈ ವೀಡಿಯೋದಲ್ಲಿ, ತನ್ನ ಬಾಲ್ಯ, ವಿವಾಹದ ಆಲ್ಬಂ ತಿರುವುತ್ತಾ ಭಾವನಾತ್ಮಕವಾಗಿ ಮಾತನಾಡಿದ್ದಾರೆ.
ಆಲ್ಬಂ ನೋಡಿ ಮಾತನಾಡಿದ ಮೇಘನಾ, ‘ಆಲ್ಬಂನ ಒಂದೊಂದು ಫೋಟೋವೂ ನನ್ನ ಬಾಲ್ಯವನ್ನು ನೆನಪಿಸುತ್ತದೆ. ಚಿರುವಿನ ಜೊತೆಗೆ ಕಳೆದ ಕ್ಷಣಗಳನ್ನೂ. ನನ್ನ ಪ್ರೀತಿಯ ಚಿರು, ಬದುಕಿನ ಸಂತಸದ ಕ್ಷಣಗಳನ್ನು ನಿನ್ನ ಜೊತೆಗೆ ಕಳೆದಿದ್ದೇನೆ. ಆ ಕ್ಷಣಗಳೇ ನಿತ್ಯ ಬದುಕಿಗೆ ಸ್ಫೂರ್ತಿ ತುಂಬುತ್ತದೆ ಎಂದಿದ್ದಾರೆ.
ಮೇಘನಾ ರಾಜ್ಗೆ ಸರ್ಪ್ರೈಸ್ ಬೇಬಿ ಶವರ್ ಮಾಡಿಸಿದ ಧ್ರುವ; ಫೋಟೋ ನೋಡಿ!
ನೀನಿದ್ದಾಗ ಏನೂ ಕೊರತೆಯಿಲ್ಲದಂತೆ ನೋಡಿಕೊಂಡಿದ್ದಿ. ಆ ನೆನಪುಗಳೇ ನನಗೀಗ ಬದುಕಾಗಿದೆ. ನಿನ್ನ ದೈವಿಕ ಆಶೀರ್ವಾದದೊಂದಿಗೆ ಈಗ ನನ್ನ ತಾಯ್ತನದ ಜರ್ನಿ ಸಾಗುತ್ತಿದೆ. ಈ ಹೊತ್ತಲ್ಲಿ ನಿನಗೆ ನಾನೊಂದು ಪ್ರಾಮಿಸ್ ಮಾಡುತ್ತೇನೆ ಎಂದಿದ್ದಾರೆ.
ನಮ್ಮ ಮಗುವನ್ನು ಮಾನವೀಯ ವ್ಯಕ್ತಿಯಾಗಿ ಬೆಳೆಸುತ್ತೇನೆ, ನಿನ್ನ ಹಾಗೆಯೇ. ಮತ್ತೆ ಹೊಸ ಬದುಕಿಗೆ ಹೊಸ ಕನಸಿನೊಂದಿಗೆ ಮುಂದಡಿ ಇಡುತ್ತೇನೆ’ ಎನ್ನುವ ವೀಡಿಯೋ ಈಗ ವೈರಲ್ ಆಗಿದೆ. ಕೆಲವೇ ಗಂಟೆಗಳಲ್ಲಿ ಲಕ್ಷಾಂತರ ಜನ ಈ ವೀಡಿಯೋ ನೋಡಿ ಮೇಘನಾಗೆ ಶುಭ ಹಾರೈಸಿದ್ದಾರೆ.
