ಕೊಲೀಗ್ ಜೊತೆ ರೊಮ್ಯಾನ್ಸ್‌ನಲ್ಲಿದ್ದಾಗ ಹೆಂಡತಿ ನೋಡಿದ್ದಾಳೆ, ಏನ್ಮಾಡಲಿ?
ನಾನೊಬ್ಬ ನಲವತ್ತರ ವಯಸ್ಸಿನ ಗಂಡಸು. ಒಮ್ಮೆ ಕೊಲೀಗ್ ಜೊತೆಗೆ ರೊಮ್ಯಾನ್ಸ್ ಮಾಡೋದನ್ನು ಪತ್ನಿ ನೋಡಿ ಮುನಿಸಿಕೊಂಡಿದ್ದಾಳೆ. ಆದರೆ ನಾನು ಈ ಸಂಬಂಧದಿಂದ ಹೊರಬಂದಿರುವೆ. ಆದರೆ ಹೆಂಡತಿ ಇದನ್ನು ನಂಬಲು, ನನ್ನ ಕ್ಷಮಿಸಲು ಸಿದ್ಧಳಿಲ್ಲ. ಏನ್ಮಾಡ್ಲಿ?
ಪ್ರಶ್ನೆ: ನಾನು ನಲವತ್ತರ ಹರೆಯದ ಗಂಡಸು. ವಿವಾಹಿತ. ಮದುವೆಯಾಗಿ ಕೆಲವು ವರ್ಷಗಳಾಗಿವೆ. ಆದರೆ ಸಹೋದ್ಯೋಗಿಯ ಆಕರ್ಷಣೆಗೆ ಬಿದ್ದೆ. ಮದುವೆ ಆಗಿದ್ದರೂ ದೊಡ್ಡ ತಪ್ಪು ಮಾಡಿದೆ. ಕೆಲವು ಸಮಯದ ಹಿಂದೆ ನನ್ನ ಹೆಂಡತಿ ನನ್ನನ್ನು ಸಹೋದ್ಯೋಗಿಯೊಂದಿಗೆ ರೊಮ್ಯಾಂಟಿಕ್ ಆಗಿರುವುದನ್ನು ನೋಡಿದಳು. ನನ್ನ ಹೆಂಡತಿ ನಮ್ಮನ್ನು ನೋಡಿದಾಗ ನಾವು ಪರಸ್ಪರ ತುಂಬಾ ಹತ್ತಿರವಾಗಿದ್ದೆವು. ರೊಮ್ಯಾನ್ಸ್ ಮಾಡುತ್ತಿದ್ದೆವು. ಹೆಂಡತಿಯನ್ನೂ ನಾನು ಪ್ರೀತಿಸುತ್ತಿದ್ದೇನೆ. ಸಹೋದ್ಯೋಗಿ ಜೊತೆಗೆ ಇದ್ದದ್ದು ಆಕರ್ಷಣೆ ಮಾತ್ರ. ನಮ್ಮಿಬ್ಬರನ್ನೂ ಆ ಥರ ಹೆಂಡತಿ ನೋಡಿದ ಮೇಲೆ ಇವಳ ಜೊತೆಗೂ ಮೊದಲಿನಂತಿರಲಾಗಲಿಲ್ಲ. ಈ ಘಟನೆ ನಂತರ ನನಗೇ ಈ ಎಲ್ಲಾ ಸಂಬಂಧಗಳನ್ನು ಮುರಿದುಬಿಟ್ಟೆ. ಆದರೆ ಅಂದಿನಿಂದ ನನ್ನ ಜೀವನದಲ್ಲಿ ಯಾವುದೂ ಸರಿಯಾಗಿ ನಡೆಯುತ್ತಿಲ್ಲ. ಅವಳನ್ನು ಬಿಟ್ಟಿದ್ದೇನೆ. ಹೆಂಡತಿಗೆ ಎಷ್ಟೇ ಹೇಳಿದರೂ ಅವಳು ನಂಬಲು ರೆಡಿ ಇಲ್ಲ. ನಾನು ಈ ರೀತಿ ಮಾಡಿದ್ದಕ್ಕಾಗಿ ತೀವ್ರ ಪಶ್ಚಾತ್ತಾಪ ಪಡುತ್ತೇನೆ. ನಾನು ಪ್ರತಿದಿನ ನನ್ನ ಹೆಂಡತಿಯ ಬಳಿ ಕ್ಷಮೆ ಕೇಳುತ್ತಿದ್ದೇನೆ. ಆದರೆ ಆಕೆ ನನ್ನನ್ನು ಕ್ಷಮಿಸಲು ಸಿದ್ಧಳಿಲ್ಲ.
ಈಗ ನಾನು ನನ್ನ ಸಾಚಾತನವನ್ನು ಸಾಬೀತುಪಡಿಸಲು ಪ್ರಯತ್ನಿಸಿ ಸೋತಿದ್ದೇನೆ. ನಾನು ಈಗ ನಿಜವಾಗಿಯೂ ಸುಧಾರಿಸಿದ್ದೇನೆ ಎಂದು ಆಕೆಗೆ ಹೇಗೆ ಅರ್ಥಮಾಡಿಸಲಿ ಎಂದು ನನಗೆ ತಿಳಿದಿಲ್ಲ. ಅವಳು ನನ್ನ ಮೋಸದಿಂದ ಹೊರಬರಲು ಏಕೆ ಸಾಧ್ಯವಿಲ್ಲ ಎಂದು ನನಗೆ ಅರ್ಥವಾಗುತ್ತಿಲ್ಲ. ನಾವು ಯಾವಾಗ ಸಾಮಾನ್ಯ ದಂಪತಿಗಳಂತೆ ಬದುಕಲು ಪ್ರಾರಂಭಿಸುತ್ತೇವೆ? ಆಕೆಯ ನಂಬಿಕೆಯನ್ನು ಗೆಲ್ಲಲು ಪ್ರಯಸಿ ನಾನು ಮಾನಸಿಕವಾಗಿ ಮತ್ತು ದೈಹಿಕವಾಗಿ ದಣಿದಿದ್ದೇನೆ. ನಾನೀಗ ಏನು ಮಾಡಬಹುದೆಂದು ತಿಳಿಯುತ್ತಿಲ್ಲ.
50ರ ನಂತರವೂ ಅದ್ಭುತ 'ಸೆಕ್ಸ್ ಲೈಫ್' ನಿಮ್ಮದಾಗಲು ಇಲ್ಲಿವೆ ಸೂಪರ್ ಟಿಪ್ಸ್
ಉತ್ತರ: ಮೊದಲು ನೀವು ನಿಮ್ಮ ಸಂಗಾತಿಗೆ ಮೋಸ ಮಾಡಿದ್ದೀರಿ ಅನ್ನೋದನ್ನು ನಿಮಗೆ ನೀವೇ ಮನದಟ್ಟು ಮಾಡಿಕೊಳ್ಳಬೇಕು. ನಿಮ್ಮ ಸಂಬಂಧದ ಬಗ್ಗೆ ನಿಮ್ಮ ಹೆಂಡತಿಗೆ ತುಂಬಾ ನೋವಾಗಿದೆ. ನಿಮ್ಮ ಸಂಗಾತಿಯ ವಿಶ್ವಾಸವನ್ನು ಮರಳಿ ಪಡೆಯಲು ನೀವು ತುಂಬಾ ಕಷ್ಟಪಡಬೇಕು. ಆಕೆ ಪ್ರತಿದಿನ ಅನುಭವಿಸುತ್ತಿರುವ ಭಾವನೆಗಳು ಮತ್ತು ಅನುಭವಗಳನ್ನು ನೀವು ಸಂಪೂರ್ಣವಾಗಿ ಅರ್ಥಮಾಡಿಕೊಂಡಿದ್ದೀರಿ ಎಂದು ನೀವು ಅವಳಿಗೆ ತೋರಿಸಬೇಕು. ನೀವು ನಿಮ್ಮ ಗೆಳತಿಗೆ ತುಂಬಾ ಹತ್ತಿರವಾಗಿದ್ದಾಗ ನಿಮ್ಮ ಹೆಂಡತಿ ನಿಮ್ಮಿಬ್ಬರನ್ನೂ ನೋಡಿದ್ದಾಳೆ . ಅಂತಹ ಪರಿಸ್ಥಿತಿಯಲ್ಲಿ, ನಿಮ್ಮ ಹೆಂಡತಿ ಕಡಿಮೆ ಸಮಯದಲ್ಲಿ ಸಾಮಾನ್ಯವಾಗಬೇಕೆಂದು ನಿರೀಕ್ಷಿಸುವುದು ತಪ್ಪು. ನಿಮ್ಮಿಂದ ಮೋಸ (Cheating) ಹೋಗಿರುವ ನಿಮ್ಮ ಪತ್ನಿ ಮಾನಸಿಕವಾಗಿ ಕುಸಿದಿದ್ದಾರೆ. ಹಾಗಾಗಿ ದಿನವೂ ಅವರಲ್ಲಿ ಸುಮ್ಮನೆ ಕ್ಷಮೆ ಕೇಳಿದರೆ ಸಾಕಾಗದೇ ಇರುವುದಕ್ಕೆ ಇದೂ ಒಂದು ಕಾರಣವಾಗಿರಬಹುದು.
ನಿಮ್ಮ ಪ್ರೇಮಿ, ನಿಮ್ಮ ಮೇಲೆ love bomb ಹಾಕುತ್ತಿರಬಹುದು ಎಚ್ಚರಿಕೆ!!
ಆಕೆಯ ನಂಬಿಕೆಯನ್ನು ಗೆಲ್ಲಲು ನೀವು ತುಂಬಾ ತಾಳ್ಮೆಯಿಂದ ಕೆಲಸ ಮಾಡಬೇಕು, ನಿಮ್ಮನ್ನು ನೀವು ಬದಲಿಸಿಕೊಳ್ಳಿ ಮತ್ತು ನಿಮ್ಮ ವೈವಾಹಿಕ ಸಂಬಂಧವನ್ನು ಮರಳಿ ಸರಿಪಡಿಸಲು, ನಿಮ್ಮ ವಿಶ್ವಾಸವನ್ನು ಮರಳಿ ಪಡೆಯಲು ನೀವು ಬಯಸಿದರೆ, ಅದಕ್ಕಾಗಿ ನೀವು ಶಾಂತವಾಗಿ ವರ್ತಿಸಬೇಕು. ಏಕೆಂದರೆ ನೀವು ನಂಬಲು ಮತ್ತು ಪ್ರೀತಿಸಲು ಅರ್ಹರು ಎಂದು ಅವರಿಗೆ ಅನಿಸಬೇಕು. ನೀವು ಮನೆಯಲ್ಲಿದ್ದಾಗ, ಮನೆಗೆಲಸದಲ್ಲಿ ಅವರಿಗೆ ಸಹಾಯ(Helping in household work) ಮಾಡಿ. ನಿಮ್ಮ ಸಂಗಾತಿಯ ಮುಂದೆ ನಿಮ್ಮ ಭಾವನೆ (Feelings) ವ್ಯಕ್ತಪಡಿಸಿ. ಅವರ ಭಾವನೆಗಳನ್ನು ವ್ಯಕ್ತಪಡಿಸಲು ಅವರಿಗೆ ಸಮಯ ನೀಡಿ. ನಿಮ್ಮ ಮಾತುಗಳನ್ನು ಕೇಳಿದ ನಂತರ ಅವರು ತುಂಬಾ ಕೋಪಗೊಳ್ಳಬಹುದು, ಆದರೆ ಇದರ ನಂತರವೂ ನೀವು ನಿಮ್ಮ ಸಂಯಮ, ನಿಷ್ಠೆ (Loyalty) ಮತ್ತು ಕ್ಷಮೆಯಾಚಿಸುವ ಇಚ್ಛೆಯನ್ನು ಕಾಪಾಡಿಕೊಳ್ಳಬೇಕು. ಈ ಮಧ್ಯೆ, ಅವರನ್ನು ನಂಬುವಂತೆ ಮಾಡಲು ನೀವು ಏನು ಮಾಡಬಹುದು ಎಂದು ನೀವು ಅವರನ್ನು ಕೇಳಬಹುದು. ನೀವು ಈಗ ಬದಲಾಗಿದ್ದೀರಿ ಎಂದು ಹೇಳಿ. ನೀನು ಮತ್ತೆಂದೂ ಇಂತಹ ತಪ್ಪು ಮಾಡಲಾರೆ.
ಈ ಮಧ್ಯೆ ಅವಳು ನಿಮ್ಮ ಮಾತನ್ನು ಕೇಳಲು ಸಿದ್ಧವಾಗಿಲ್ಲದಿದ್ದರೆ, ಕೋಪಗೊಳ್ಳುವ ಬದಲು ಆಕೆಯ ಮನವೊಲಿಸಲು ನೀವೇ ಸಿದ್ಧರಾಗಿರಿ. ನೀವು ಗಂಭೀರವಾದ ತಪ್ಪನ್ನು ಮಾಡಿದ್ದೀರಿ ಮತ್ತು ಅದನ್ನು ಪರಿಹರಿಸುವುದು ಅಹಿತಕರ ಮತ್ತು ಮಾನಸಿಕವಾಗಿ ಬಳಲಿಕೆಯ ಕೆಲಸವಾಗಿದೆ ಎಂದು ನೆನಪಿಡಿ. ಇದಕ್ಕಾಗಿ ನೀವು ಹೆಚ್ಚು ಸಮಯ ಮತ್ತು ತಾಳ್ಮೆ ವಹಿಸಬೇಕು.
