ಚುಂಬನ ದೇಹದಲ್ಲಿ ರೋಮಾಂಚನ ಉಂಟು ಮಾಡುವುದು ಯಾಕೆ ? ಇಲ್ಲಿದೆ ಯಾರೂ ಹೇಳಿರದ ಸೀಕ್ರೆಟ್‌
ಮುತ್ತು (Kiss) ಕೊಡುವುದು ಒಂದು ಕಲೆ. ಪ್ರೀತಿಯನ್ನು ವ್ಯಕ್ತಪಡಿಸುವ ರೀತಿ. ಲೈಂಗಿಕ ಕ್ರಿಯೆ (Sex)ಯ ಒಂದು ಭಾಗ. ಮುತ್ತಿನಲ್ಲಿ ಹಲವಾರು ವಿಧಗಳಿವೆ. ಆದ್ರೆ ಮುತ್ತು ಕೊಡುವ ಅಭ್ಯಾಸ ಆರಂಭವಾಗಿದ್ದು ಯಾವಾಗ ನಿಮಗೆ ಗೊತ್ತಾ ? ಮುತ್ತು ಕೊಡುವಾಗ ರೋಮಾಂಚನ (Thrill) ಆಗೋದು ಯಾಕೆ ? ಆ ಬಗ್ಗೆ ಇಲ್ಲಿದೆ ಯಾರೂ ಹೇಳಿರದ ಸೀಕ್ರೇಟ್ಸ್.
ಮನುಷ್ಯರ ಜೀವನ ರೂಪುಗೊಂಡಿರುವುದೇ ಪ್ರೀತಿ (Love)ಯಿಂದ. ಪ್ರೀತಿಯಿಂದಲೇ ಈ ಜಗತ್ತು ನಿರ್ಮಾಣವಾಗಿದೆ. ದ್ವೇಷದಿಂದಲೇ ಈ ಜಗತ್ತು ನಾಶವಾಗುತ್ತಿದೆ. ಪ್ರೀತಿಯನ್ನು ಅನೇಕ ರೀತಿಯಲ್ಲಿ ವ್ಯಕ್ತಪಡಿಸಬಹುದು. ಆಲಿಂಗನ, ಚುಂಬನ (Kiss), ಕಣ್ಣೀರು, ನಗು ಎಲ್ಲವೂ ಪ್ರೀತಿಯನ್ನು ವ್ಯಕ್ತಪಡಿಸುವ ರೀತಿಗಳೇ ಆಗಿವೆ. ಮುತ್ತಿನ ಮೂಲಕ ನಾವು ನಮ್ಮ ಭಾವನೆಯನ್ನು ಪ್ರೀತಿ ಪಾತ್ರರಿಗೆ ವ್ಯಕ್ತಪಡಿಸುತ್ತೇವೆ. ಹಾಗೆಂದು ಮುತ್ತು ಕೇವಲ ಸಂಗಾತಿಗೆ (Partner) ಸೀಮಿತವಾಗಿಲ್ಲ. ಮಕ್ಕಳು, ಹಿರಿಯರು, ಸ್ನೇಹಿತರಿಗೆ ಕಿಸ್ ಮಾಡುವ ಮೂಲಕ ಪ್ರೀತಿಯನ್ನು ವ್ಯಕ್ತಪಡಿಸಲಾಗುತ್ತದೆ. ಮುತ್ತು ಎಂದರೆ ಒಬ್ಬ ವ್ಯಕ್ತಿ ತನ್ನ ತುಟಿಗಳನ್ನು ಇನ್ನೊಬ್ಬರನ್ನು ಸ್ಪರ್ಶಿಸುವುದಾಗಿದೆ. ಇದರಿಂದ ಪ್ರೀತಿ, ಭಾವೋದ್ರೇಕ, ಪ್ರಣಯ, ಲೈಂಗಿಕ ಆಕರ್ಷಣೆ, ಲೈಂಗಿಕ ಚಟುವಟಿಕೆ, ಲೈಂಗಿಕ (Sex) ಪ್ರಚೋದನೆ, ವಾತ್ಸಲ್ಯ, ಗೌರವ, ಶುಭಾಶಯ, ಸ್ನೇಹ, ಶಾಂತಿ ಹೀಗೆ ವಿವಿಧ ರೀತಿಯ ಭಾವನೆ (Feelings)ಗಳನ್ನು ವ್ಯಕ್ತಪಡಿಸಬಹುದು.
ಚುಂಬನದಿಂದ ಹಲವಾರು ಆರೋಗ್ಯ (Health) ಪ್ರಯೋಜನಗಳು ಸಹ ಇವೆ. ಮನುಷ್ಯನ ದೇಹ (Body)ದಲ್ಲಿ ರೋಗ ನಿರೋಧಕ ಶಕ್ತಿ ಹೆಚ್ಚಾಗುತ್ತದೆ, ಒತ್ತಡ ಕಡಿಮೆಯಾಗುತ್ತದೆ, ಅಧಿಕ ರಕ್ತದೊತ್ತಡ ನಿಯಂತ್ರಣ, ಹೃದಯಕ್ಕೆ ಒಳ್ಳೆಯದು, ತೂಕ ಇಳಿಕೆಗೂ ಇದು ಸಹಕಾರಿಯಾಗಿದೆ. ಮನುಷ್ಯ ತನ್ನ ಜೀವಿತಾವಧಿಯಲ್ಲಿ ಒಂದಲ್ಲ ಒಂದು ಬಾರಿ ಚುಂಬಿಸುವ ಕ್ರಿಯೆಯಲ್ಲಿ ತೊಡಗಿರ್ತಾನೆ. ಚುಂಬನದಲ್ಲಿ ಹಲವಾರು ವಿಧಗಳಿವೆ. ಫ್ಲೈಯಿಂಗ್ ಕಿಸ್ (Flying Kiss), ಫ್ರೆಂಚ್ ಕಿಸ್ (French Kiss), ಡೀಪ್ (deep) ಕಿಸ್ ಹೀಗೆ. ವಾಸ್ತವದಲ್ಲಿ ಚುಂಬನದಲ್ಲಿ ಇಪ್ಪತ್ತಕ್ಕೂ ಅಧಿಕ ಚುಂಬನದ ವಿಧಗಳಿವೆಯೆಂದು ಕಾಮಸೂತ್ರದಲ್ಲಿ ವಾತ್ಸಾಯನ ಗುರುತಿಸಿದ್ದಾನೆ.
ಕಾಮಸೂತ್ರದ ಪ್ರಕಾರ ಚುಂಬಿಸಿದರೆ ಮುತ್ತಿನಿಂದ ಮತ್ತೇರುವುದು ಗ್ಯಾರಂಟಿ
ಚುಂಬನವು ಪಾಶ್ಚಿಮಾತ್ಯ ಸಂಸ್ಕೃತಿಯೊಂದಿಗೆ ಹೆಚ್ಚು ಸಂಬಂಧ ಹೊಂದಿದೆ. ಸರಳ ಚುಂಬನವು ಪ್ರೀತಿ, ಕಾಳಜಿ ಮತ್ತು ಮೆಚ್ಚುಗೆಯ ಭಾವನೆಗಳನ್ನ ಪ್ರಚೋದಿಸುತ್ತದೆ. ಇದು ದೇಹದಲ್ಲಿ ಉತ್ಸಾಹಕ್ಕೂ ಕಾರಣವಾಗುತ್ತದೆ. ಬಾಯಿಯಿಂದ ಬಾಯಿಗೆ ಆಹಾರ ನೀಡಿದ ಪರಿಣಾಮವಾಗಿ ಲಕ್ಷಾಂತರ ವರ್ಷಗಳ ಹಿಂದೆ ಚುಂಬನ ಪ್ರಾರಂಭವಾಯಿತು ಎಂದು ಕೆಲವು ಸಂಶೋಧಕರು ನಂಬುತ್ತಾರೆ. ಆದ್ರೆ, ಚುಂಬನದ ನಿಜವಾದ ಮೂಲ ರಹಸ್ಯವಾಗಿಯೇ ಉಳಿದಿದ್ದರೂ, ಇತಿಹಾಸಕಾರರು ಭಾರತದಲ್ಲಿ ಈ ಅಭ್ಯಾಸದ ಆರಂಭಿಕ ಉಲ್ಲೇಖಗಳನ್ನ ಕಂಡುಕೊಂಡಿದ್ದಾರೆ. ಹಾಗಿದ್ರೆ ಮತ್ತೇರಿಸುವ ಮುತ್ತಿನ ಕಥೆ ಆರಂಭವಾಗಿದ್ದು ಎಲ್ಲಿಂದ ತಿಳಿಯೋಣ.
ಚುಂಬನ ದೇಹದಲ್ಲಿ ರೋಮಾಂಚನ ಉಂಟು ಮಾಡುವುದು ಏಕೆ ?
ವೈದಿಕ ಸಂಸ್ಕೃತ ಸಾಹಿತ್ಯದ ಪ್ರಮುಖ ಪಠ್ಯಗಳು ಚುಂಬನದ ಆರಂಭಿಕ ರೂಪವನ್ನ ಸೂಚಿಸುತ್ತವೆ. ಕ್ರಿ.ಪೂ. 1500ರ ಕಾಲಕ್ಕೆ ಸೇರಿದ, ಅವರು ಮೂಗನ್ನು ಒಟ್ಟಿಗೆ ಉಜ್ಜುವ ಮತ್ತು ಒತ್ತುವ ಪದ್ಧತಿಯನ್ನ ವಿವರಿಸುತ್ತಾರೆ. 'ಅಂತಿಮವಾಗಿ, ಯಾರೋ ತುಟಿಗಳು ತುಂಬಾ ಸಂವೇದನಾಶೀಲವಾಗಿವೆ ಮತ್ತು ಅದು ಆಹ್ಲಾದಕರವೆಂದು ಕಂಡುಕೊಂಡರು. ಅದು ಹೇಗೆ ಪ್ರಾರಂಭವಾಯಿತು ಎಂಬುದರ ಬಗ್ಗೆ ಒಂದು ಸಿದ್ಧಾಂತವಾಗಿದೆ' ಎಂದು ಟೆಕ್ಸಾಸ್ ಎ & ಎಂ ವಿಶ್ವವಿದ್ಯಾಲಯದ ಮಾನವಶಾಸ್ತ್ರಜ್ಞ ವಾನ್ ಬ್ರ್ಯಾಂಟ್ ಹೇಳುತ್ತಾರೆ. ನಮ್ಮ ತುಟಿಗಳನ್ನ ಒಟ್ಟಿಗೆ ಒತ್ತುವ ಮೂಲಕ ಚುಂಬಿಸುವುದು ಬಹುತೇಕ ಅನನ್ಯವಾದ ಮಾನವ ನಡವಳಿಕೆಯಾಗಿದೆ. ಲಿಪ್-ಆನ್-ಲಿಪ್ ಕಿಸ್ ಅಥವಾ ಇನ್ನಾವುದೇ ರೀತಿಯ ಚುಂಬನಗಳಿರಲಿ, ಈ ಕ್ಷಣವು ಪರಸ್ಪರ ಹತ್ತಿರ ಅಥವಾ ನಿಕಟವಾಗಿರುವುದು. ಇಬ್ಬರು ವ್ಯಕ್ತಿಗಳು ಪರಸ್ಪರ ತುಟಿಗಳ ಮೇಲೆ ಚುಂಬಿಸಿದಾಗ, ಮೊದಲನೆಯದಾಗಿ ನೀವು ಸ್ಪರ್ಶದ ಅತ್ಯಂತ ವಿಶಿಷ್ಟ ಭಾವನೆಯನ್ನ ಪಡೆಯುತ್ತೀರಿ. ನಿಮ್ಮ ತುಟಿಗಳು ತುಂಬಾ ಸೂಕ್ಷ್ಮವಾಗಿರುವುದರಿಂದ ಇದು ಸಂಭವಿಸುತ್ತೆ.
ಮತ್ತೇರಿಸುವ ಮುತ್ತು ಕೊಡುವಾಗ ಈ ತಪ್ಪು ಮಾಡಲೇಬೇಡಿ
ಚುಂಬನದ ಸಮಯದಲ್ಲಿ, ಅನೇಕ ತುಟಿಗಳ ಚುಂಬನದಿಂದ ಹೊರಹೊಮ್ಮುವ ಪ್ರಚೋದನೆಯು ನಮ್ಮ ಮೆದುಳಿಗೆ ಅನೇಕ ಸಕಾರಾತ್ಮಕ ತರಂಗಗಳನ್ನ ಕಳುಹಿಸುತ್ತದೆ. ಈ ಕಾರಣದಿಂದಾಗಿ, ನಮ್ಮ ಮೆದುಳು ಚುಂಬನ ಮತ್ತು ತುಟಿ ಪ್ರಚೋದನೆಯನ್ನ ಬಾಲ್ಯದಿಂದಲೂ ಪ್ರೀತಿ ಮತ್ತು ರಕ್ಷಣೆಯ ಭಾವನೆ ಎಂದು ಗುರುತಿಸುತ್ತದೆ. ಆದ್ದರಿಂದ, ಈ ರೀತಿಯಾಗಿ, ನಾವು ನಮ್ಮನ್ನು ವ್ಯಕ್ತಪಡಿಸಲು ಬಯಸಿದಾಗ, ನಾವು ಅದನ್ನು ನಮ್ಮ ಬಾಯಿಯ ಮೂಲಕ ಮಾಡುವ ಸಾಧ್ಯತೆಯಿದೆ.
ಮೊದಲ ಚುಂಬನ ನೀಡಿದ್ದು ಯಾವಾಗ ?
ರೋಮ್ ಬಹುಶಃ ಚುಂಬನ ಸಂಸ್ಕೃತಿ ಪ್ರಾರಂಭವಾದ ಸ್ಥಳವಾಗಿದೆ. ಅವ್ರು ಮೂರು ವಿಭಿನ್ನ ರೀತಿಯ ಚುಂಬನಗಳನ್ನ ಹೊಂದಿದ್ದರು. ಇವುಗಳಲ್ಲಿ ಒಂದು ಸಾವಿಯಮ್ ಕಿಸ್ ಆಗಿದ್ದು, ಅದು ಸಲಾವ ಪದವನ್ನು ಆಧರಿಸಿದೆ ಮತ್ತು ಇಂದಿಗೂ ಫ್ರೆಂಚ್ ಕಿಸ್ ಆಗಿ ಬಳಸಲಾಗುತ್ತದೆ. ಯಾವುದೇ ರೀತಿಯ ಚುಂಬನದ ಆರಂಭಿಕ ಉದಾಹರಣೆಗಳು ಸುಮಾರು 2500 ಅಥವಾ 3500 ವರ್ಷಗಳ ಹಿಂದೆ ಭಾರತೀಯ ವೈದಿಕ ಸಂಸ್ಕೃತಿಯಲ್ಲಿ ಕಂಡುಬರುತ್ತವೆ. ಇದು ಕಣ್ಣಿನ ಕೆಳಗೆ ಸೆಬಾಸಿಯಸ್ ಗ್ರಂಥಿಗಳು (ತೈಲ ಗ್ರಂಥಿಗಳು) ಇವೆ ಎಂದು ತೋರಿಸಿತು, ಅವು ಪ್ರತಿಯೊಬ್ಬ ವ್ಯಕ್ತಿಗೂ ವಿಶಿಷ್ಟ ವಾಸನೆಯನ್ನ ಉಂಟು ಮಾಡುತ್ತವೆ.
ಹೆಚ್ಚು ಮುತ್ತು ಕೊಡಬೇಡಿ, ಚುಂಬನ ದಂತ ಕುಳಿಗೂ ಕಾರಣವಾಗುತ್ತೆ ಹುಷಾರ್‌ !
ಬ್ರಿಟಿಷ್ ಜೀವಶಾಸ್ತ್ರಜ್ಞ ಡೆಸ್ಮಂಡ್ ಮೋರಿಸ್ ಲಿಪ್ ಸ್ಟಿಕ್ ಬಗ್ಗೆ ಕೆಲವು ಸಂಶೋಧನೆಗಳನ್ನ ಮಾಡಿದರು. ಅವರು ಪುರುಷರಿಗೆ ಮಹಿಳೆಯರ ಮುಖಗಳ ಹಲವಾರು ಚಿತ್ರಗಳನ್ನ ತೋರಿಸಿದರು ಮತ್ತು ಅವುಗಳಲ್ಲಿ ಯಾವುದು ಹೆಚ್ಚು ಆಕರ್ಷಕವಾಗಿದೆ ಎಂದು ಕೇಳಿದರು. ಅವ್ರು ನಂತ್ರ ಮತ್ತೆ ಮತ್ತೆ ಅದೇ ಉತ್ತರವನ್ನ ಪಡೆದರು. ಇನ್ನು ಅತ್ಯಂತ ಗುಲಾಬಿ, ಬಣ್ಣಬಣ್ಣದ ಮಹಿಳೆಯರ ತುಟಿಗಳನ್ನ ಪುರುಷರು ಆಯ್ಕೆ ಮಾಡಿದರು. ಆದ್ದರಿಂದ ತುಟಿಗಳ ಕಡೆಗೆ ನಮ್ಮ ಗಮನ ಸೆಳೆಯಲು ಅನೇಕ ಪ್ರಭೇದಗಳು ವಿಶೇಷವಾಗಿ ಕೆಂಪು ಬಣ್ಣವನ್ನ ತಮ್ಮ ಲೈಂಗಿಕತೆಯ ಸಂಕೇತವಾಗಿ ಬಳಸುತ್ತವೆ.
