Viral Video: ಗಂಡನಾದವ ಈ ವಿಷಯ ತಿಳಿದುಕೊಂಡ್ರೆ ಸಂಸಾರದಲ್ಲಿ ಸುಖವೋ ಸುಖ...
ದಾಂಪತ್ಯ ಜೀವನ ಸುಖವಾಗಿ ಇರಬೇಕೆಂದರೆ ಗಂಡಂದಿರು ಇದನ್ನು ಗಮನದಲ್ಲಿ ಇಟ್ಟುಕೊಳ್ಳಬೇಕು. ಏನಿದು ಟಿಪ್ಸ್?
ಸುಖ ಸಂಸಾರಕ್ಕೆ 12 ಸೂತ್ರಗಳು ಎಂದು ಬಹಳ ಹಿಂದಿನಿಂದಲೂ ಹೇಳಿಕೊಂಡು ಬರಲಾಗುತ್ತಿದೆ. ಸೂತ್ರಗಳು ಎಷ್ಟೇ ಇದ್ದರೂ ಇಂದು ಬಹುತೇಕ ಸಂಸಾರಗಳು ಛಿದ್ರ ಆಗುತ್ತಿರುವುದೇ ಹೆಚ್ಚು. ಚಿಕ್ಕ ಪುಟ್ಟ ವಿಷಯಗಳಿಗೂ ಜಗಳವಾಗಿ ಅದು ವಿಚ್ಛೇದನ ತಲುಪುತ್ತಿರುವುದು ಇತ್ತೀಚಿಗೆ ಮಾಮೂಲಾಗಿ ಬಿಟ್ಟಿದೆ. ಗಂಡ-ಹೆಂಡತಿ (Husband and Wife) ಜಗಳ ಉಂಡು ಮಲಗುವವರೆಗೆ... ಬದಲು ಗಂಡ-ಹೆಂಡತಿ ಜಗಳ ಕೋರ್ಟ್ ಕೇಸ್ ಹಾಕುವವರೆಗೆ, ವಿಚ್ಛೇದನ ಪಡೆಯುವವರೆಗೆ ಎನ್ನುವ ಮಾತು ಈಗ ಸರ್ವಸತ್ಯವಾಗಿಬಿಟ್ಟಿದೆ. ತಪ್ಪು ಗಂಡಂದೋ, ಹೆಂಡತಿಯದ್ದೋ ಒಟ್ಟಿನಲ್ಲಿ ಸಂಸಾರ, ದಾಂಪತ್ಯಕ್ಕೆ ಇರುವ ಮಹತ್ವದ ಅರ್ಥವೇ ಇಂದು ಬದಲಾಗಿರುವುದಂತೂ ದಿಟ. ಕೋರ್ಟ್ಗಳಲ್ಲಿ ದಾಖಲಾಗುವ ಒಂದೊಂದು ಡಿವೋರ್ಸ್ ಕೇಸ್ಗಳನ್ನು ಪರಿಶೀಲಿಸಿದರೆ ತೀರಾ ಕ್ಷುಲ್ಲಕ ಕಾರಣಕ್ಕೆ ಕೇಸ್ ಹಾಕಿರುವುದನ್ನು ನೋಡಬಹುದು. ಒಂದು ಕಡೆ ಕೆಲವು ವರ್ಗಗಳಲ್ಲಿ ಮದುವೆಯಾಗಲು ಹೆಣ್ಣುಮಕ್ಕಳೇ ಸಿಗದ ಸ್ಥಿತಿ ಇರುವಾಗ, ಅದೇ ಇನ್ನೊಂದೆಡೆ ದಾಂಪತ್ಯದಲ್ಲಿ ಬಿರುಕುಗಳು ಹೆಚ್ಚುತ್ತಿವೆ.
ಇದೀಗ ಇನ್ಸ್ಟಾಗ್ರಾಮ್ನಲ್ಲಿ (Instragram) ವಿಡಿಯೋ ಒಂದು ಸಕತ್ ವೈರಲ್ ಆಗಿದ್ದು, ಇದರಲ್ಲಿ ಪತಿಯಂದಿರು ಮಾಡಬಾರದ ಕೆಲವೊಂದು ಟಿಪ್ಸ್ಗಳನ್ನು ನೀಡಲಾಗಿದೆ. ಸಾಮಾನ್ಯವಾಗಿ ದಾಂಪತ್ಯದಲ್ಲಿ ಕಲಹ ಬಂದಾಗ ಅದರಲ್ಲಿ ಗಂಡು-ಹೆಣ್ಣು ಎಂಬ ಭೇದ ಇರುವುದಿಲ್ಲ. ಇಬ್ಬರದ್ದೂ ಸಮಾನವಾದ ತಪ್ಪು ಇರುವುದು ಸಹಜವೇ. ಆದರೆ ಹೆಚ್ಚಿನ ಘಟನೆಗಳಲ್ಲಿ ಹೆಣ್ಣುಮಕ್ಕಳ ಇಗೋಗೆ ಧಕ್ಕೆ ಬಂದಾಗ ಅವರು ಸಂಸಾರವೇ ಸಾಕು ಎನ್ನುವ ಸ್ಥಿತಿಗೆ ಬರುವುದು ಉಂಟು. ಸಂಸಾರ ಸರಿಯಾಗಿ ತೂಗಿಕೊಂಡು ಹೋಗಬೇಕಾದರೆ ಗಂಡ-ಹೆಂಡತಿ ಪರಸ್ಪರ ಗೌರವಿಸುವುದನ್ನು ಕಲಿಯಬೇಕು ಎನ್ನುವುದೂ ನಿಜವೇ. ಆದರೆ ಮಿಸ್ಟರ್ ಯೂನೀಕ್ ಹೆಸರಿನಲ್ಲಿ ಈ ಇನ್ಸ್ಟಾಗ್ರಾಮ್ನಲ್ಲಿ ಅಮರ್ ಅಜಿತ್ ತಂಗೊಳ್ಳಿ ಎನ್ನುವವರು ಪತಿಯಂದಿರಿಗೆ ಕೆಲವು ಕಿವಿಮಾತುಗಳನ್ನು ಹೇಳಿದ್ದಾರೆ.
ಪುಟ್ಟಕ್ಕನ ಮಗಳು ಸ್ನೇಹಾಳ ಮದುವೆ ಶೂಟಿಂಗ್ ಹೀಗಿತ್ತು ನೋಡಿ: ಪ್ಲೀಸ್ ಇಬ್ರೂ ಒಂದಾಗಿ ಅಂತಿದ್ದಾರೆ ಫ್ಯಾನ್ಸ್
ಪ್ರತಿ ಮನೆಯಲ್ಲಿಯೂ ಸಾಮಾನ್ಯವಾಗಿ ಪತಿಯಂದಿರು ಮಾಡುವ ತಪ್ಪುಗಳು ಇವು ಎಂದು ಗುರುತಿಸಲಾಗಿದ್ದು, ಅವರಿಗೆ ಕೆಲವೊಂದು ಕಿವಿಮಾತುಗಳನ್ನು ಹೇಳಲಾಗಿದೆ. ಅಮರ್ ಹೇಳಿರುವ ಮಾತುಗಳೆಂದರೆ, ಪತಿಯಾದವರು ಕೆಲವೊಂದು ವಿಷಯಗಳನ್ನು ಪತ್ನಿಯೊಂದಿಗೆ ಹೇಳಬಾರದು, ಅದನ್ನು ಚರ್ಚಿಸಬಾರದು ಎನ್ನುವುದು. ಅವುಗಳೆಂದರೆ:
- ನೀನು ಬಹಳ ದಪ್ಪ ಇದ್ದಿ ಎಂದೂ, ತುಂಬಾ ಸಣ್ಣಕೆ ಇದ್ದೀ ಎಂದೂ ದೇಹದ ಬಗ್ಗೆ ಮಾತನಾಡಬೇಡಿ
- ನಿಮ್ಮ ಪತ್ನಿ ಮಾಡುವ ಅಡುಗೆಗಳನ್ನು ಅಕ್ಕಪಕ್ಕದ ಅಥವಾ ಇನ್ಯಾರದ್ದೋ ಮನೆಯವರ ಜೊತೆ ಹೋಲಿಕೆ ಮಾಡಿ ಹೀಯಾಳಿಸಬೇಡಿ
- ಯಾವುದೋ ಕಾರಣಕ್ಕೆ ಜಗಳವಾಗಾದ ನಿನ್ನದ್ಯಾಕೋ ಅತಿರೇಕ ಆಯ್ತು ಅನ್ನೋ ಪದ ಬಳಸಬೇಡಿ
- ಪದೇ ಪದೇ ನಮ್ಮ ಕುಟುಂಬಕ್ಕೆ ಹೊಂದ್ಕೊ ಹೊಂದ್ಕೋ ಎಂದು ಪತ್ನಿ ಮೇಲೆ ಒತ್ತಡ ಹಾಕಬೇಡಿ
- ಪತ್ನಿಯ ತವರು ಮನೆಯವರನ್ನು ಹೀಯಾಳಿಸುವುದಾದರೆ, ಕೆಟ್ಟದ್ದಾಗಿ ಮಾತನಾಡಬೇಡಿ
- ನೀವು ಹೇಳಿದ ಯಾವುದೋ ಒಂದು ಚಿಕ್ಕ ಕೆಲ್ಸ ಪತ್ನಿ ಮಾಡದೇ ಇದ್ದಾಗ ಬೆಳಿಗ್ಗೆಯಿಂದ ಮನೆಯಲ್ಲಿ ಇದ್ದು ಏನ್ ಮಾಡ್ತಿದ್ದೆ ಅನ್ನೋದನ್ನು ಮಾಡಬೇಡಿ
- ಪತ್ನಿಯನ್ನು ಬೇರೆಯವರ ಮುಂದೆ ಬೈಬೇಡಿ
ಇಷ್ಟು ಮಾಡಿದರೆ ದಾಂಪತ್ಯ ಚೆನ್ನಾಗಿರುತ್ತದೆ ಎಂದು ಅವರು ಹೇಳಿದ್ದಾರೆ.
Seetharama: ಲೈಫಲ್ಲಿ ಏನೂ ಇಲ್ಲದಿದ್ದಾಗ ಬದುಕೋದನ್ನ ಕಲೀಬೇಕು! : ಬದುಕಿದ ಪಾಠ ಕಲಿಸಿದ ಸೀತಾ
