ಫ್ರೆಂಚ್ ಓಪನ್ ಟೆನಿಸ್ ಟೂರ್ನಿಯಲ್ಲಿ ಆಸ್ಟ್ರಿಯಾದ ಡೊಮಿನಿಕ್ ಥೀಮ್ ಹಾಗೂ ರೋಮೇನಿಯಾದ ಸಿಮೊನಾ ಹಾಲೆಪ್ ಪ್ರೀ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದ್ದಾರೆ. ಈ ಕುರಿತಾದ ಒಂದು ರಿಪೋರ್ಟ್ ಇಲ್ಲಿದೆ ನೋಡಿ
ಪ್ಯಾರಿಸ್(ಅ.03): 2020ರ ಯುಎಸ್ ಚಾಂಪಿಯನ್ ಆಸ್ಟ್ರಿಯಾದ ಡೊಮಿನಿಕ್ ಥೀಮ್ ಹಾಗೂ ರೋಮೇನಿಯಾದ ಸಿಮೊನಾ ಹಾಲೆಪ್, ಫ್ರೆಂಚ್ ಓಪನ್ ಗ್ರ್ಯಾನ್ಸ್ಲಾಮ್ ಟೆನಿಸ್ನಲ್ಲಿ ಪ್ರಿ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದ್ದಾರೆ.
ಪುರುಷರ ಸಿಂಗಲ್ಸ್ನ 3ನೇ ಸುತ್ತಲ್ಲಿ ಥೀಮ್, ನಾರ್ವೆಯ ಟೆನಿಸಿಗ ಕ್ಯಾಸ್ಪರ್ ರುಡ್ ವಿರುದ್ಧ 6-4, 6-3, 6-1 ಸೆಟ್ಗಳಲ್ಲಿ ಗೆಲುವು ಸಾಧಿಸಿದರು. 2 ಗಂಟೆ 15 ನಿಮಿಷಗಳ ಕಾಲ ನಡೆದ ಪಂದ್ಯದಲ್ಲಿ ಥೀಮ್, ರುಡ್ರನ್ನು ಮಣಿಸಿದರು.
ಮಹಿಳಾ ಸಿಂಗಲ್ಸ್ 3ನೇ ಸುತ್ತಲ್ಲಿ ರೋಮೇನಿಯಾದ ಹಾಲೆಪ್, ಅಮೆರಿಕದ ಅನಿಸಿಮೊವಾ ಎದುರು 6-0, 6-1 ಸೆಟ್ಗಳಲ್ಲಿ ಜಯ ಪಡೆದು 4ನೇ ಸುತ್ತಿಗೇರಿದರು. ಮತ್ತೊಂದು ಪಂದ್ಯದಲ್ಲಿ ಕೆನಡಾದ ಯುಜಿನಿ ಬೌಚರ್ಡ್, ಪೋಲೆಂಡ್ನ ಇಗಾ ಸ್ವಿಟೆಕ್ ವಿರುದ್ಧ ಸೋತರು.
ಫ್ರೆಂಚ್ ಓಪನ್: ಮೂರನೇ ಸುತ್ತಿಗೆ ಜೋಕೋವಿಚ್ ಲಗ್ಗೆ
ಭಾರತದ ಸವಾಲು ಅಂತ್ಯ: ಡಬಲ್ಸ್ ಮೊದಲ ಸುತ್ತಲ್ಲಿ ಭಾರತದ ರೋಹನ್ ಬೋಪಣ್ಣ, ಕೆನಡಾದ ಶಪೊಲವ್ ಜೋಡಿ, ಅಮೆರಿಕದ ಜಾಕ್ ಸಾಕ್, ಕೆನಡಾದ ವಾಸೆಕ್ ಜೋಡಿ ವಿರುದ್ಧ 2-6, 2-6 ರಲ್ಲಿ ಸೋತು, ಟೂರ್ನಿಯಿಂದ ಹೊರಬಿದ್ದಿತು.
