ನವದೆಹಲಿ(ಅ.16): ಅಂತಾರಾಷ್ಟ್ರೀಯ ಟೆನಿಸ್‌ ಸಂಸ್ಥೆ (ಐಟಿಎಫ್‌)ಯ ಅಮಾನತು ಶಿಕ್ಷೆಯಿಂದ ತಪ್ಪಿಸಿಕೊಳ್ಳಲು ಅಖಿಲ ಭಾರತ ಟೆನಿಸ್‌ ಸಂಸ್ಥೆ (ಎಐಟಿಎ) ಡೇವಿಸ್‌ ಕಪ್‌ ಆಡುವುದಕ್ಕೆ ಭಾರತ ತಂಡವನ್ನು ಪಾಕಿಸ್ತಾನ ಕಳುಹಿಸಲಿದೆ. ಸದ್ಯ​ದಲ್ಲೇ ವೀಸಾ ಪ್ರಕ್ರಿಯೆ ಆರಂಭಗೊ​ಳ್ಳ​ಲಿದೆ. 

ಇದನ್ನೂ ಓದಿ: ಭಾರತ-ಪಾಕ್‌ ಟೆನಿಸ್‌: ನ.4ರಂದು ಭದ್ರತಾ ಪರಿಶೀಲನೆ

ಯಾವುದೇ ಆಟ​ಗಾ​ರ​ರಿಗೆ ಪಾಕಿ​ಸ್ತಾ​ನ ಪ್ರವಾಸ ಕೈಗೊ​ಳ್ಳು​ವಂತೆ ಒತ್ತಡ ಹೇರು​ವು​ದಿಲ್ಲ ಎಂದು ಸ್ಪಷ್ಟಪ​ಡಿ​ಸಿ​ರುವ ಎಐ​ಟಿ​ಎ, ದ್ವಿತೀಯ ದರ್ಜೆ ತಂಡ​ವನ್ನು ಕಳು​ಹಿ​ಸು​ವು​ದಾಗಿ ತಿಳಿ​ಸಿದೆ. ಇದೇ ವೇಳೆ ಭಾರ​ತದ ಅಗ್ರ ಆಟ​ಗಾ​ರರು ಪಾಕಿ​ಸ್ತಾ​ನಕ್ಕೆ ತೆರ​ಳು​ವು​ದಿಲ್ಲ ಎಂದು ಎಐ​ಟಿಎಗೆ ಪತ್ರ ಬರೆ​ದಿ​ದ್ದಾರೆ ಎಂದು ಮಾಧ್ಯ​ಮ​ಗ​ಳಲ್ಲಿ ವರ​ದಿ​ಯಾ​ಗಿದೆ.

ಇದನ್ನೂ ಓದಿ: ಪಾಕ್‌ಗೆ ಹೋಗಲ್ಲ: ಭಾರತೀಯ ಟೆನಿಸಿಗರು!

ಪಾಕಿಸ್ತಾನದಲ್ಲಿ ಆಯೋಜಿಸಿರುವ ಡೇವಿಸ್ ಕಪ್ ಟೂರ್ನಿಗೆ ಭಾರತೀಯ ಟೆನಿಸ್ ಪಟುಗಳನ್ನು ಕಳುಹಿಸಲು ಭಾರತ ಟೆನಿಸ್ ಫೆಡರೇಶನ್ ನಿರಾಕರಿಸಿತ್ತು. ಭದ್ರತೆ ಹಾಗೂ ಹಳಸಿದ ರಾಜಕೀಯ ಸಂಬಂಧದಿಂದ ಟೆನಿಸ್ ಫೆಡರೇಶನ್ ಈ ನಿರ್ಧಾರ ಕೈಗೊಂಡಿತ್ತು. ಹಿರಿಯ ಹಾಗೂ ಸ್ಟಾರ್ ಆಟಗಾರರು ಪಾಕ್ ಪ್ರವಾಸ ಕೈಗೊಳ್ಳುವುದಿಲ್ಲ ಎಂದು ಭಾರತೀಯ ಟೆನಿಸ್ ಫೆಡರೇಶನ್‌ಗೆ ಪತ್ರ ಬರೆದಿದ್ದರು.  ಆದರೆ ಅಮಾನತು ಶಿಕ್ಷೆಯಿಂದ ತಪ್ಪಿಸಿಕೊಳ್ಳಲು ಭಾರತ ಕೊನೆಗೂ ಪಾಕ್ ಪ್ರವಾಸಕ್ಕೆ ಸಮ್ಮತಿಸಿತ್ತು.

ಇದನ್ನೂ ಓದಿ: ಡೇವಿಸ್ ಕಪ್: ಪಾಕಿಸ್ತಾನ ಪ್ರವಾಸಕ್ಕೆ ಭಾರತ ತಂಡ ಪ್ರಕಟ!

ಪಾಕಿಸ್ತಾನದ ಇಸ್ಲಾಮಾಬಾದ್‌ನಲ್ಲಿ ಸೆಪ್ಟೆಂಬರ್ 14 ಹಾಗೂ 15 ರಂದು ನಡೆಯಬೇಕಿದ್ದ ಡೇವಿಸ್ ಕಪ್ ಟೂರ್ನಿಯನ್ನು ಕೊನೆ ಕ್ಷಣದಲ್ಲಿ ಭಾರತದ ಮನವಿ ಮೇರೆಗೆ ಮುಂದೂಡಲಾಗಿತ್ತು. ಇಂಡೋ-ಪಾಕ್ ಸಂಬಂಧ ಹಳಸಿದ ಕಾರಣ ಜೊತೆಗೆ ಪರಿಸ್ಥಿತಿ ಉದ್ವಿಘ್ನಗೊಂಡಿದ್ದ ಕಾರಣ ಅಂತಾರಾಷ್ಟ್ರೀಯ ಟೆನಿಸ್ ಫೆಡರೇಶನ್ ಡೇವಿಸ್ ಕಪ್ ಟೂರ್ನಿ ಮುಂದೂಡಿತು. ಇದೀಗ ನವೆಂಬರ್ 29 ಹಾಗೂ 30 ರಂದು ಡೇವಿಸ್ ಕಪ್ ಟೂರ್ನಿ ನಡೆಯಲಿದೆ.