ಆರೆಸ್ಸೆಸ್'ಗೆ ಸೇರಿದ 125 ಶಾಲೆಗಳಿಗೆ ಪಶ್ಚಿಮ ಬಂಗಾಳ ಸರಕಾರದ ನೋಟೀಸ್
ಇದು ತನಿಖೆಯ ಮೊದಲ ಹಂತವಷ್ಟೇ. ಧಾರ್ಮಿಕ ಪ್ರಚೋದನೆಯಂತಹ ಕಾರ್ಯಗಳಲ್ಲಿ ತೊಡಗಿರುವ ಶಾಲೆಗಳನ್ನು ಪತ್ತೆಹಚ್ಚುವ ಕಾರ್ಯ ನಡೆಯುತ್ತಿದೆ. ಅಂಥವು ಕಂಡುಬಂದರೆ ಮುಚ್ಚಿಸುತ್ತೇವೆ ಎಂದು ಶಿಕ್ಷಣ ಸಚಿವರು ತಿಳಿಸಿದ್ದಾರೆ.
ಕೋಲ್ಕತಾ(ಮಾ. 10): ಧಾರ್ಮಿಕ ಅಸಹಿಷ್ಣುತೆ ಹೆಚ್ಚಾಗುತ್ತಿದೆ ಎಂದು ಕಾರಣವೊಡ್ಡಿ ಪಶ್ಚಿಮ ಬಂಗಾಳದ 125 ಶಾಲೆಗಳಿಗೆ ಅಲ್ಲಿಯ ರಾಜ್ಯ ಸರಕಾರ ನೋಟೀಸ್ ನೀಡಿದೆ. ಈ ಎಲ್ಲಾ ಶಾಲೆಗಳು ಆರೆಸ್ಸೆಸ್ ಸಂಘಟನೆಗೆ ಸೇರಿದವೆನ್ನಲಾಗಿದೆ. ಆರೆಸ್ಸೆಸ್'ನ 300 ಶಾಲೆಗಳು ಪಶ್ಚಿಮಬಂಗಾಳದಲ್ಲಿದ್ದು, ಅವುಗಳ ಪೈಕಿ 125 ಶಾಲೆಗಳು ಧಾರ್ಮಿಕ ಅಸಹಿಷ್ಣುತೆಯ ಮನೋಭಾವವನ್ನು ವಿದ್ಯಾರ್ಥಿಗಳಿಗೆ ಬಿತ್ತುತ್ತಿರುವುದು ಕಂಡುಬಂದಿದೆ. ಇವುಗಳ ಪೈಕಿ 96 ಶಾಲೆಗಳಿಗೆ ಸರಕಾರದಿಂದ ಪರವಾನಗಿಯೇ ಸಿಕ್ಕಿಲ್ಲ ಎಂದು ಶಿಕ್ಷಣ ಸಚಿವ ಪಾರ್ಥ ಚಟರ್ಜಿ ಹೇಳಿದ್ದಾರೆ.
ಇದು ತನಿಖೆಯ ಮೊದಲ ಹಂತವಷ್ಟೇ. ಧಾರ್ಮಿಕ ಪ್ರಚೋದನೆಯಂತಹ ಕಾರ್ಯಗಳಲ್ಲಿ ತೊಡಗಿರುವ ಶಾಲೆಗಳನ್ನು ಪತ್ತೆಹಚ್ಚುವ ಕಾರ್ಯ ನಡೆಯುತ್ತಿದೆ. ಅಂಥವು ಕಂಡುಬಂದರೆ ಮುಚ್ಚಿಸುತ್ತೇವೆ ಎಂದು ಶಿಕ್ಷಣ ಸಚಿವರು ತಿಳಿಸಿದ್ದಾರೆ.
ಖುದ್ದು ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿಯವರೇ ಈ ಶಾಲೆಗಳ ಮೇಲೆ ಕಣ್ಣಿಟ್ಟಿದ್ದಾರೆನ್ನಲಾಗಿದೆ.
(ಮಾಹಿತಿ: ಎನ್'ಡಿಟಿವಿ)
