ರೀಲ್ನಲ್ಲಿ ಮಿಂಚಿದ್ದ ಜೋಡಿ ಈಗ ರಿಯಲ್ ಲೈಫ್ನಲ್ಲಿ ಒಂದಾಗಿದ್ದಾರೆ. ಎರಡೂ ಕುಟುಂಬಸ್ಥರು ಮತ್ತು ಅತ್ಯಾಪ್ತರ ಸಮ್ಮುಖದಲ್ಲಿ ನಿಶ್ಚಿತಾರ್ಥ ನಡೆಯಿತು.
ಮಡಿಕೇರಿ(ಜು.03): ಕಿರಿಕ್ ಪಾರ್ಟಿಗಳಾದ ರಕ್ಷಿತ್ ಶೆಟ್ಟಿ ಮತ್ತು ರಶ್ಮಿಕಾ ಮಂದಣ್ಣ ಮದುವೆ ನಿಶ್ಚಿತಾರ್ಥ ಸಮಾರಂಭ ಅದ್ದೂರಿಯಾಗಿ ನಡೀತು. ವಿರಾಜಪೇಟೆಯ ರಶ್ಮಿಕಾ ಮಂದಣ್ಣ ಅವರ ಸೆರೆನಿಟಿ ಹಾಲ್ನಲ್ಲಿ ಕುಟುಂಬಸ್ಥರ ಸಮ್ಮುಖದಲ್ಲಿ ಅದ್ದೂರಿ ಎಂಗೇಜ್ಮೆಂಟ್ ನಡೀತು.
ರೀಲ್ನಲ್ಲಿ ಮಿಂಚಿದ್ದ ಜೋಡಿ ಈಗ ರಿಯಲ್ ಲೈಫ್ನಲ್ಲಿ ಒಂದಾಗಿದ್ದಾರೆ. ಎರಡೂ ಕುಟುಂಬಸ್ಥರು ಮತ್ತು ಅತ್ಯಾಪ್ತರ ಸಮ್ಮುಖದಲ್ಲಿ ನಿಶ್ಚಿತಾರ್ಥ ನಡೆಯಿತು. ಕೊಡವ ಮತ್ತು ತುಳುನಾಡಿನ ಸಂಸ್ಕೃತಿ ಮಿಶ್ರಿತ ಎಂಗೇಜ್ಮೆಂಟ್ ಅದ್ದೂರಿಯಾಗಿತ್ತು.
ಆಡಿ ಅಂಡ್ ಫೋರ್ಡ್ ಕಾರ್ನಲ್ಲಿ ರಶ್ಮಿಕಾ ಪೀಚ್ ಕಲರ್ನ ಗೌನ್ ಧರಿಸಿ ಆಗಮಿಸಿದ್ರೆ, ರಕ್ಷಿತ್ ಶೆಟ್ಟಿ ಸೂಟ್ ಉಡುಗೆಯಲ್ಲಿ ಮಿರಮಿರನೆ ಮಿಂಚಿದ್ರು. ಆಮೇಲೆ ಕಲರ್ಫುಲ್ ಸ್ಟೇಜ್ನಲ್ಲಿ ವಜ್ರದ ಉಂಗುರ ಬದಲಿಸಿಕೊಂಡು ಇಬ್ಬರು ಸತಿ-ಪತಿ ಆಗ್ತಿದ್ದಾರೆ.ಇನ್ನು ವರ್ಣರಂಜಿತ ಎಂಗೇಜ್ಮೆಂಟ್ಗೆ ನಟ ವಿಜಯ್ ರಾಘವೇಂದ್ರ, ನಿರ್ದೇಶಕ ರಿಷಬ್ ಶೆಟ್ಟಿ, ನಟಿ ಯಜ್ಞ ಶೆಟ್ಟಿ ಸೇರಿದಂತೆ ಚಿತ್ರರಂಗದ ಹಲವರು ಗಣ್ಯರು ಸಾಕ್ಷಿಯಾದರು.
ಎಂಗೇಜ್ಮೆಂಟ್ಗೆ ನೀತ್ ಮೇದಪ್ಪ ಡಿಸೈನ್ ಮಾಡಿದ್ದ ಸ್ಪೆಷಲ್ ಕೇಕ್ ಎಲ್ಲರ ಗಮನ ಸೆಳೆಯಿತು. ಐದು ಸುತ್ತುಗಳ ಕೇಕ್ ಇದಾಗಿದ್ದು ಕೇಕ್ ಮೇಲೆ, ಹುಡುಗನೊಬ್ಬ ಹುಡುಗಿಗೆ ತನ್ನ ಪ್ರೇಮ ನಿವೇದನೆ ಮಾಡಿಕೊಳ್ಳುವುದು ಎಲ್ಲರ ಕಣ್ಣು ಕುಕ್ಕಿತು.
ಇನ್ನು ನಿಶ್ಚಿತಾರ್ಥಕ್ಕೆ ಆಗಮಿಸಿದ್ದ ಅತಿಥಿಗಳಿಗೆ ವೆರೈಟಿ ವೆರೈಟಿ ತಿನಿಸು-ಭೋಜನ ರೆಡಿಯಾಗಿತ್ತು. ಮಂಗಳೂರು ಶೈಲಿಯ ಊಟ, ಚೈನೀಸ್ ಫುಡ್ ಜೊತೆ ಕೂರ್ಗ್ ಸ್ಪೆಷಲಾಟಿ ಮಾಂಸಹಾರಗಳೂ ಗಮಗಮಿಸಿದ್ವು.. ಎಂಗೇಜ್ಮೆಂಟ್ ಬಳಿಕ ಡಿಜೆ ಕಾರ್ಯಕ್ರಮ ಕೂಡ ನಡೀತು. ಒಟ್ಟಿನಲ್ಲಿ ಕೂರ್ಗ್ನಲ್ಲಿ ಕರ್ಣ ಸಾನ್ವಿ ಎಂಗೇಜ್ಮೆಂಟ್ ನಡೆದಿದ್ದು ಎರಡು ವರ್ಷಗಳ ನಂತರ ಇಬ್ಬರು ಹಸೆಮಣೆ ಏರಲಿದ್ದಾರೆ.
--
