ಬ್ಯಾಂಕ್ಖಾತೆ, ಸಿಮ್ಗೆ ಇನ್ನು ಆಧಾರ್ ಐಚ್ಛಿಕ| ರಾಜ್ಯಸಭೆಯಲ್ಲಿ ಧ್ವನಿ ಮತದಿಂದ ಅನುಮೋದನೆ
ನವದೆಹಲಿ[ಜು.09]: ಬ್ಯಾಂಕ್ ಖಾತೆ ತೆರೆಯಲು ಮತ್ತು ಮೊಬೈಲ್ ಸಿಮ್ ಕಾರ್ಡ್ ಪಡೆಯಲು ಆಧಾರ್ ಅನ್ನು ಕಡ್ಡಾಯ ಎಂಬುದರ ಬದಲಾಗಿ ಐಚ್ಛಿಗೊಳಿಸುವ ಮಸೂದೆಗೆ ಸಂಸತ್ ಸೋಮವಾರ ಅನುಮೋದನೆ ನೀಡಿದೆ.
ಸಮಗ್ರ ಸುದ್ದಿ ಮೂಲವನ್ನಾಗಿ asianet suvarna news ಅನ್ನು ಆಯ್ಕೆ ಮಾಡಿಕೊಳ್ಳಿ
ಆಧಾರ್ ಮತ್ತು ಇತರ ತಿದ್ದುಪಡಿ ಮಸೂದೆ- 2019ಕ್ಕೆ ರಾಜ್ಯಸಭೆಯಲ್ಲಿ ಧ್ವನಿ ಮತದಿಂದ ಅನುಮೋದನೆ ನೀಡಲಾಯಿತು. ಈ ಮಸೂದೆಗೆ ಜುಲೈ 4ರಂದು ಲೋಕಸಭೆ ಅನುಮೋದನೆ ನೀಡಿತ್ತು. ಹೊಸ ಮಸೂದೆ ಅನ್ವಯ ಖಾಸಗಿ ಕಂಪನಿಗಳು ಆಧಾರ್ ದತ್ತಾಂಶ ಸೋರಿಕೆ ಮಾಡಿದರೆ ಅಥವಾ ನಿಯಮಗಳನ್ನು ಉಲ್ಲಂಘಿಸಿದರೆ 1 ಕೋಟಿ ರು.ವರೆಗೂ ದಂಡ ಹಾಗೂ ಜೈಲು ಶಿಕ್ಷೆ ವಿಧಿಸುವುದಕ್ಕೂ ಅವಕಾಶ ಇದೆ.
ಹೀಗಾಗಿ ಈ ಮಸೂದೆ ಕಾಯ್ದೆಯಾಗಿ ಜಾರಿಯಾಗಲು ರಾಷ್ಟ್ರಪತಿಗಳ ಅಂಗೀಕಾರವೊಂದೇ ಬಾಕಿ ಉಳಿದಿದೆ.
