ಏ.1 ರಿಂದ ತಯಾರಾಗುವ ವಾಹನಗಳಿಗೆ ಹೈ ಸೆಕ್ಯುರಿಟಿ ನಂ ಕಡ್ಡಾಯ
ಹೈ ಸೆಕ್ಯೂರಿಟಿ ನಂಬರ್ ಪ್ಲೇಟ್ ಕಡ್ಡಾಯ ಜಾರಿಗೆ | ಏ.1 ರಿಂದ ತಯಾರಾಗುವ ವಾಹನಗಳಿಗೆ ಅನ್ವಯ | ಹಳೇ ವಾಹನಗಳ ಬಗ್ಗೆ ಚುನಾವಣೆ ನಂತರ ನಿರ್ಧಾರ
ಬೆಂಗಳೂರು (ಏ. 01): ವಾಹನ ಮತ್ತು ಪ್ರಯಾಣಿಕರ ಸುರಕ್ಷತೆ ಹಿನ್ನೆಲೆಯಲ್ಲಿ ಕೇಂದ್ರ ಸರ್ಕಾರದ ಆದೇಶ ದಂತೆ ದೇಶದಲ್ಲಿ 2019 ರ ಏ.1 ರಿಂದ ತಯಾರಾಗುವ ವಾಹನಗಳಿಗೆ ಹೈ ಸೆಕ್ಯೂರಿಟಿ ರಿಜಿಸ್ಟ್ರೇಷನ್ ಪ್ಲೇಟ್(ಎಚ್ಎಸ್ಆರ್ಪಿ) ಅಳವಡಿಕೆ ಕಡ್ಡಾಯವಾಗಿದೆ.
ವಾಹನ ತಯಾರಕರು, ಡೀಲರ್ಗಳು ವಾಹನಗಳಿಗೆ ಎಚ್ಎಸ್ಆರ್ಪಿ ನೋಂದಣಿ ಫಲಕ ಅಳವಡಿಸಬೇಕು ಎಂದು ಸಾರಿಗೆ ಇಲಾಖೆ ಆಯುಕ್ತ ವಿ.ಪಿ.ಇಕ್ಕೇರಿ ತಿಳಿಸಿದ್ದಾರೆ.
ಎಚ್ಎಸ್ಆರ್ಪಿ ನೋಂದಣಿ ಫಲಕ ಕಡ್ಡಾಯಗೊಳಿಸುವ ಸಂಬಂಧ 2018 ರ ಡಿಸೆಂಬರ್ನಲ್ಲೇ ಕೇಂದ್ರದಿಂದ ಸೂಚನೆ ಬಂದಿದೆ. 2019 ರ ಏಪ್ರಿಲ್ 1 ರಿಂದ ತಯಾರಾಗುವ ವಾಹನಗಳಿಗೆ ಅನ್ವಯ ಆಗಲಿದೆ. ಇದಕ್ಕೂ ಹಿಂದೆ ನೋಂದಣಿಯಾದ ವಾಹನಗಳಿಗೆ ಎಚ್ಎಸ್ ಆರ್ಪಿ ನೋಂದಣಿ ಫಲಕ ಅಳವಡಿಸುವ ತೀರ್ಮಾನವನ್ನು ರಾಜ್ಯ ಸರ್ಕಾರದ ವಿವೇಚನೆಗೆ ಬಿಡಲಾಗಿದೆ. ಲೋಕಸಭಾ ಚುನಾವಣೆ ಬಳಿಕ ಈ ಬಗ್ಗೆ ತೀರ್ಮಾನ ತಿಳಿಸುವ ಸಾಧ್ಯತೆಯಿದೆ ಎಂದರು.
ಏನಿದು ಎಚ್ಎಸ್ಆರ್ಪಿ?
ಇದು ವಾಹನಗಳಿಗೆ ಅತಿ ಸುರಕ್ಷತೆಯ ನೋಂದಣಿ ಫಲಕ. ಅಲ್ಯೂಮಿನಿ ಯಂನಿಂದ ಮಾಡಿದ ಈ ಫಲಕದಲ್ಲಿ ನೋಂದಣಿ ಸಂಖ್ಯೆಯ ಜತೆಗೆ ಏಳು ಅಂಕಿಗಳ ವಿನೂತನ ಲೇಸರ್ ಕೋಡ್,
ಕ್ರೊಮಿಯಂ ಆಧಾರಿತ ಹಾಲೋಗ್ರಾಮ್, ಎಂಜಿನ್ನ ಚಾಸಿ ನಂಬರ್, ಜತೆಗೆ ನೀಲಿ ಒಣ್ಣದಲ್ಲಿ ‘ಐಎನ್ಡಿ’ ಎಂದು ಬರೆಯಲಾಗಿರುತ್ತದೆ. ಈ ಫಲಕವನ್ನು ಯಾರೂ ತಿದ್ದಲು ಅಥವಾ ನಕಲು ಮಾಡಲು
ಸಾಧ್ಯವಿಲ್ಲ. ಒಂದು ವೇಳೆ ವಾಹನ ಕಳುವಾದರೆ ಪತ್ತೆ ಹಚ್ಚಲು ಸಹಾಯಕವಾಗುತ್ತದೆ.