ಶೌಚಕ್ಕಾಗಿ ನಿತ್ಯ 2 ಕಿ.ಮೀ ಬಾಲಕಿಯರ ಕಾಲ್ನಡಿಗೆ
ಮಧ್ಯ ಪ್ರದೇಶದಲ್ಲಿ ಬರಗಾಲ ಯಾವ ಮಟ್ಟಿಗೆ ಬಂದು ತಲುಪಿದೆ ಎಂದರೆ ಕನಿಷ್ಠ ಪಕ್ಷ ಶೌಚಕ್ಕೂ ನೀರಿಲ್ಲದ ಸ್ಥಿತಿ ಎದುರಾಗಿದೆ. ದಾಮೋಹ್ ಜಿಲ್ಲೆಯ ಗ್ರಾಮದ ಹಾಸ್ಟೆಲ್ ಒಂದರಲ್ಲಿನ ಬಾಲಕಿಯರು ಇದರಿಂದ ಪಡಬಾರದ ಪಾಡು ಪಡುತ್ತಿದ್ದು, ಶೌಚಾಲಯ ಕ್ಕೆಂದು 2 ಕಿಲೋಮೀಟರ್ ಕಾಲ್ನಡಿಗೆ ಯಲ್ಲಿ ಸಂಚರಿಸಬೇಕಿದೆ.
ದಾಮೋಹ್ (ಮ.ಪ್ರ.): ಮಧ್ಯ ಪ್ರದೇಶದಲ್ಲಿ ಬರಗಾಲ ಯಾವ ಮಟ್ಟಿಗೆ ಬಂದು ತಲುಪಿದೆ ಎಂದರೆ ಕನಿಷ್ಠ ಪಕ್ಷ ಶೌಚಕ್ಕೂ ನೀರಿಲ್ಲದ ಸ್ಥಿತಿ ಎದುರಾಗಿದೆ. ದಾಮೋಹ್ ಜಿಲ್ಲೆಯ ಗ್ರಾಮದ ಹಾಸ್ಟೆಲ್ ಒಂದರಲ್ಲಿನ ಬಾಲಕಿಯರು ಇದರಿಂದ ಪಡಬಾರದ ಪಾಡು ಪಡುತ್ತಿದ್ದು, ಶೌಚಾಲಯ ಕ್ಕೆಂದು 2 ಕಿಲೋಮೀಟರ್ ಕಾಲ್ನಡಿಗೆ ಯಲ್ಲಿ ಸಂಚರಿಸಬೇಕಿದೆ. ಹೌದು. ಆಘಾತಕಾರಿ.
ನಂಬಲನರ್ಹ ಎನ್ನಿಸಿದರೂ ಇದು ಸತ್ಯ. ನಿತ್ಯ ಈ ಹಾಸ್ಟೆಲ್‌ನಲ್ಲಿನ ಬಾಲಕಿಯರು ತಮ್ಮ ಶಾಲಾ ಶಿಕ್ಷಕಿ ಹಾಗೂ ಇತರ ಸಹಾಯಕಿಯರ ಜತೆ 2 ಕಿಲೋಮೀ ಟರ್‌ನಷ್ಟು ದೂರ ಬಕೆಟ್ ಹಿಡಿದು ಸಂಚರಿಸುತ್ತಾರೆ. ಹಾಸ್ಟೆಲ್ ಸುತ್ತಲಿನ 2 ಬೋರ್‌ವೆಲ್‌ಗಳು ಬತ್ತಿ ಹೋಗಿವೆ. ಹೀಗಾಗಿ ಹಾಸ್ಟೆಲ್‌ಗೆ ನೀರು ಪೂರೈಕೆ ಬಂದ್ ಆಗಿದೆ. ಕೊಳವೆಬಾವಿ ಬತ್ತಿದಾಗ ಟ್ಯಾಂಕರ್ ಮೂಲಕ ಈ ಹಿಂದೆ ನೀರು ಪೂರೈಕೆ ಆಗಿತ್ತು.
ಆದರೆ ಈ ಸಲ ಆಗಿಲ್ಲ ಎಂದು ಬಾಲಕಿಯರು ಅಳಲು ತೋಡಿಕೊಂಡಿದ್ದಾರೆ. ಈ ವಿಷಯ ಈಗ ಜಿಲ್ಲಾಧಿಕಾರಿಗಳ ಗಮನಕ್ಕೆ ಬಂದಿದ್ದು, ಶೀಘ್ರ ಸಮಸ್ಯೆ ಇತ್ಯರ್ಥ ಮಾಡುವುದಾಗಿ ಹೇಳಿದ್ದಾರೆ.
