ರಮ್ಯಾ ಸೋಲಿಸಲು ಕಾಂಗ್ರೆಸ್ ನಲ್ಲೇ ಪಿತೂರಿ?

First Published 4, Aug 2018, 11:29 AM IST
Congress Leaders Responsible for Ramya Defeat in LS Election Says Shivaramegowda
Highlights

ಕಳೆದ ಲೋಕಸಭಾ ಚುನಾವಣೆಯಲ್ಲಿ ರಮ್ಯಾ ಸೋಲಿಗೆ ಕಾಂಗ್ರೆಸ್ ನಾಯಕರೇ ಕಾರಣರಾಗಿದ್ದರಾ ಎನ್ನುವ ವಿಚಾರ ಇದೀಗ ಚರ್ಚೆಗೆ ಕಾರಣವಾಗಿದೆ. 

ಮಂಡ್ಯ: ಮಂಡ್ಯ ಲೋಕಸಭಾ ಚುನಾವಣೆಯಲ್ಲಿ ಚಿತ್ರ ನಟಿ ರಮ್ಯಾ ಸೋಲಿಗೆ ಕಾಂಗ್ರೆಸ್‌ನಲ್ಲೇ ಪಿತೂರಿ ನಡೆದಿತ್ತಾ ಎಂಬ ವಿಚಾರದ ಬಗ್ಗೆ ಈಗ ಚರ್ಚೆ ನಡೆಯುತ್ತಿದೆ. ಈ ಹಿಂದೆ ಕಾಂಗ್ರೆಸ್‌ನಲ್ಲಿದ್ದು ಇದೀಗ ಜೆಡಿಎಸ್‌ನಲ್ಲಿರುವ ಮಾಜಿ ಶಾಸಕ ಆರ್.ಎಲ್.ಶಿವರಾಮೇಗೌಡ ಅವರ ಹೇಳಿಕೆಯೇ ಈ ಚರ್ಚೆಗೆ ಕಾರಣ. 

ರಮ್ಯಾ ಅವರನ್ನು  ಫ್ಲೈಯಿಂಗ್ ಸ್ಟಾರ್(ಬಣ್ಣದ ಚಿಟ್ಟೆ) ಬಣ್ಣಿಸಿರುವ ಅವರು, ಮೋಹಕ ತಾರೆಯ ಸೋಲಿಗೆ ಕಾಂಗ್ರೆಸ್‌ನಲ್ಲಿದ್ದ ತಾನೇ ಹಾರೈಸಿದ್ದೆ ತಿಳಿಸಿದ್ದಾರೆ. ನಗರದಲ್ಲಿ ಶುಕ್ರವಾರ ದಂದು ಸಚಿವ ಸಿ.ಎಸ್.ಪುಟ್ಟರಾಜು ಅಭಿನಂದನಾ ಸಮಾರಂಭದಲ್ಲಿ ಮಾತನಾಡುವ ವೇಳೆ ಅವರು ಈ ವಿಷಯ ಬಹಿರಂಗ ಪಡಿಸಿದರು. ನಮ್ಮ ಪಕ್ಷದಿಂದ ಫ್ಲೈಯಿಂಗ್ ಸ್ಟಾರ್ ಚುನಾವಣೆಗೆ ನಿಂತಿದ್ರು. ಒಂದು ಲೆಟರ್‌ಗಾಗಿ ಬೆಂಗಳೂರಿಗೆ ಅವರ ಹಿಂದೆ ಸುತ್ತಬೇಕಾಗಿತ್ತು. 

ಈ ಫ್ಲೈಯಿಂಗ್ ಸ್ಟಾರ್ ಕೈಗೆ ಮಂಡ್ಯ ಜಿಲ್ಲೆ ಕೊಡಬಾರದು ಅಂತಾ ನಿರ್ಧಾರ ಮಾಡಿ ಕೆ.ಆರ್.ಎಸ್.ನಲ್ಲಿ ಪಕ್ಷದ ವಿರುದ್ಧ ಸಭೆ ಕರೆದಿದ್ದೆ. ಹೀಗಾಗಿ ಕಾಂಗ್ರೆಸ್‌ನಲ್ಲಿ ಇದ್ರೂ ನಮ್ಮ ಪಾರ್ಟಿ ಸೋಲಲಿ ಅಂತೇಳಿ ಕಾಂಗ್ರೆಸ್ ಕಣ್ಣಿಗೆ ಗುರಿಯಾದೆ ಎಂದು ಅವರು ತಿಳಿಸಿದರು.

loader