ಸೈಕಲ್‌ಗೆ ಕೂಡಿಟ್ಟ ಹಣ ಸಂತ್ರಸ್ತರಿಗೆ ಕೊಟ್ಟಾಕೆಗೆ ಹೀರೋ ಸೈಕಲ್ ಗಿಫ್ಟ್
ಸೈಕಲ್ ಕೊಳ್ಳಲು ಕೂಡಿಟ್ಟ ಹಣವನ್ನು ಕೇರಳ ಪ್ರವಾಹ ಸಂತ್ರಸ್ಥರಿಗೆ ನೀಡಿದ ಬಾಲಕಿಗೆ ಹೀರೋ ಸಂಸ್ಥೆ ಸೈಕಲ್ ನ್ನೇ ಗಿಫ್ಟ್ ಆಗಿ ನೀಡಿದೆ.
ವಿಲ್ಲಪುರಂ(ತಮಿಳುನಾಡು): ಕೇರಳದಲ್ಲಿ ಭಾರೀ ಮಳೆಯಿಂದ ಪ್ರವಾಹ ಪರಿಸ್ಥಿತಿ ನಿರ್ಮಾಣವಾಗಿದ್ದು ಅನೇಕರು ಪ್ರವಾಹ ಸಂತ್ರಸ್ಥರ ನೆರವಿಗೆ ನಿಂತಿದ್ದಾರೆ. ಇದೀಗ ಪುಟ್ಟ ಬಾಲಕಿಯೋರ್ವಳು ನೀಡಿದ ಸಹಕಾರ ಎಲ್ಲೆಡೆ ವೈರಲ್ ಆಗಿದೆ.
ತಮಿಳುನಾಡಿನ ವಿಲ್ಲುಪುರಂನ ಅನುಪ್ರಿಯಾ (9) ಎಂಬ ಬಾಲಕಿ ಸೈಕಲ್ ಖರೀದಿಸಬೇಕೆಂದು 4 ವರ್ಷದಿಂದ ತಾನು ಕೂಡಿಟ್ಟ 9000 ರು.ಹಣವನ್ನು ಕೇರಳ ಪ್ರವಾಹ ಸಂತ್ರಸ್ತರಿಗೆ ಕೊಡುಗೆಯಾಗಿ ನೀಡಿದ್ದಾಳೆ.
ಆಕೆಯ ಈ ಮನೋಭಾವ ಭಾರೀ ವೈರಲ್ ಆಗುತ್ತಿದ್ದಂತೆ ಹೀರೋ ಸಂಸ್ಥೆ ಅನುಪ್ರಿಯಾಗೆ ಉಚಿತವಾಗಿ ಸೈಕಲ್ ವಿತರಿಸುವ ಮೂಲಕ ಆಕೆಯ ಸಂತಸವನ್ನು ಇಮ್ಮಡಿಗೊಳಿಸಿದೆ.
Last Updated Sep 9, 2018, 8:43 PM IST
