ದೇಶದಲ್ಲಿನ 5344 ದೊಡ್ಡ ಡ್ಯಾಂಗಳ ಪೈಕಿ 293 100 ವರ್ಷಕ್ಕಿಂತ ಹಳೇದು!
ಕೇಂದ್ರ ಸರ್ಕಾರ ಸೋಮವಾರ ಲೋಕಸಭೆಗೆ ಮಾಹಿತಿ| ದೇಶದಲ್ಲಿನ 5344 ದೊಡ್ಡ ಡ್ಯಾಂಗಳ ಪೈಕಿ 293 100 ವರ್ಷಕ್ಕಿಂತ ಹಳೇದು|
ನವದೆಹಲಿ[ಜು.31]: ದೇಶದಲ್ಲಿ ಒಟ್ಟು 5,344 ದೊಡ್ಡ ಜಲಾಶಯಗಳಿವೆ. ಅವುಗಳಲ್ಲಿ 293ಕ್ಕೂ ಹೆಚ್ಚು ಜಲಾಶಯಗಳು 100 ವರ್ಷಗಳಷ್ಟು ಹಳೆಯದ್ದಾಗಿವೆ. ದೇಶಾದ್ಯಂತ ಇರುವ ಜಲಾಶಯಗಳ ಮೇಲ್ವಿಚಾರಣೆಗಾಗಿ ರಾಷ್ಟ್ರೀಯ ಜಲಾಶಯ ಸುರಕ್ಷತೆ ಪ್ರಾಧಿಕಾರ ರಚಿಸುವ ಅಗತ್ಯವಿದೆ ಎಂದು ಕೇಂದ್ರ ಸರ್ಕಾರ ಸೋಮವಾರ ಲೋಕಸಭೆಗೆ ಮಾಹಿತಿ ನೀಡಿದೆ.
ಈ ಪ್ರಾಧಿಕಾರದಿಂದ ಡ್ಯಾಂಗಳ ಸಮರ್ಪಕ ಮೇಲ್ವಿಚಾರಣೆ, ನಿರ್ವಹಣೆ, ತಪಾಸಣೆ, ಸಮಸ್ಯೆ ಏರ್ಪಟ್ಟಲ್ಲಿ ಅವುಗಳ ನಿವಾರಣೆ ಹಾಗೂ ಅಂತಾರಾಜ್ಯ ವಿವಾದ ಬಗೆಹರಿಸಲು ಸುಲಭವಾಗಲಿದೆ ಎಂದು ಕೇಂದ್ರ ಸಚಿವ ಗಜೇಂದ್ರ ಸಿಂಗ್‌ ಶೇಖಾವತ್‌ ತಿಳಿಸಿದ್ದಾರೆ.
ಇನ್ನು 1,041 ಜಲಾಶಯಗಳ ಪೈಕಿ ಶೇ.20ರಷ್ಟುಡ್ಯಾಂಗಳು 50ರಿಂದ 100 ವರ್ಷಗಳ ಒಳಗೆ ನಿರ್ಮಾಣವಾಗಿವೆ. ಶೇ.92ರಷ್ಟುಜಲಾಶಯಗಳು ಅಂತಾರಾಜ್ಯ ನದಿಗಳಿಗೆ ಸಂಬಂಧಿಸಿದ್ದು ಎಂದರು.
