Shyam Rangeela: ಮೋದಿಯನ್ನು ಅನುಕರಿಸಿ ಪೇಚಿಗೆ ಸಿಲುಕಿದ ಕಾಮಿಡಿಯನ್ಗೆ ಬಂತು ನೋಟಿಸ್!
ಪ್ರಧಾನಿ ನರೇಂದ್ರ ಮೋದಿಯವರನ್ನು ಅನುಕರಿಸಿ ಮೃಗಾಲಯದಲ್ಲಿ ಪ್ರಾಣಿಗೆ ತಿನಿಸು ತಿನ್ನಿಸಿ ಪೇಚಿಗೆ ಸಿಲುಕಿದ್ದಾರೆ ಜನಪ್ರಿಯ ಸ್ಟ್ಯಾಂಡ್-ಅಪ್ ಕಾಮಿಡಿಯನ್ ಶ್ಯಾಮ್ ರಂಗೀಲಾ. ಆಗಿದ್ದೇನು?
ಜನಪ್ರಿಯ ಸ್ಟ್ಯಾಂಡ್-ಅಪ್ ಕಾಮಿಡಿಯನ್ ಶ್ಯಾಮ್ ರಂಗೀಲಾ (Shyam Rangeela) ದೊಡ್ಡ ಸಮಸ್ಯೆಯಲ್ಲಿದ್ದಾರೆ. ಪ್ರಧಾನಿ ನರೇಂದ್ರ ಮೋದಿಯವರನ್ನು ಅನುಕರಿಸಿದ್ದು ಶ್ಯಾಮ್ ರಂಗೀಲಾ ಅವರನ್ನು ಸಂಕಷ್ಟಕ್ಕೆ ಸಿಲುಕಿಸಿದೆ. ಇದಾಗಲೇ ಪ್ರಧಾನಿ ಮೋದಿಯನ್ನು ನಿಖರವಾಗಿ ಅನುಕರಿಸಿ ಅವರ ಧ್ವನಿಯನ್ನು ಮಾಡುವಲ್ಲಿ ನಿಸ್ಸೀಮರು. ಆದರೆ ಈಚೆಗೆ ಮಾಡಿದ ಕೃತ್ಯ ಮಾತ್ರ ಅವರನ್ನು ಪೇಚಿಗೆ ಸಿಲುಕಿಸಿದೆ. ಆಗಿದ್ದೇನೆಂದರೆ, ಇತ್ತೀಚೆಗಷ್ಟೇ ಶ್ಯಾಮ್ ರಂಗೀಲಾ ಜೈಪುರದ ಝಲಾನಾ ಕಾಡಿಗೆ ಹೋಗಿ ನೀಲಗಾಯಿಗೆ ಊಟ ಹಾಕಿದ್ದರು. ನಂತರ ಪ್ರಧಾನಿ ಮೋದಿಯನ್ನು ಅನುಕರಿಸುವ ವಿಡಿಯೋ ಮಾಡಿದ್ದರು. ಅದೀಗ ಭಾರಿ ವೈರಲ್ ಆಗಿದ್ದು, ವಿವಾದಕ್ಕೆ ಕಾರಣವಾಗಿದೆ. ಇದೀಗ ಅರಣ್ಯ ಇಲಾಖೆ ಶ್ಯಾಮ್ ರಂಗೀಲಾ ಅವರಿಗೆ ನೋಟಿಸ್ ಕಳುಹಿಸಿದೆ, ಈ ನೋಟಿಸ್ ಅನ್ನು ಪ್ರಾದೇಶಿಕ ಅರಣ್ಯಾಧಿಕಾರಿ ಶ್ಯಾಮ್ ರಂಗೀಲಾ ಅವರಿಗೆ ಕಳುಹಿಸಿದ್ದಾರೆ.
ಅಷ್ಟಕ್ಕೂ ಅವರಿಗೆ ನೋಟಿಸ್ ಬಂದದ್ದು ಪ್ರಧಾನಿಯವರನ್ನು ಅನುಕರಿಸಿದ್ದಕ್ಕಾಗಿ ಅಲ್ಲ. ಶ್ಯಾಮ್ ಮಾಡಿದ್ದೇನೆಂದರೆ, ಇತ್ತೀಚೆಗಷ್ಟೇ ಹುಲಿ ಯೋಜನೆಗೆ 50 ವರ್ಷ ಪೂರೈಸಿದ ಹಿನ್ನೆಲೆಯಲ್ಲಿ ಪ್ರಧಾನಿ ಮೋದಿ ಕರ್ನಾಟಕದ ಮುದುಮಲೈ ಮತ್ತು ಬಂಡೀಪುರ ಹುಲಿ ಸಂರಕ್ಷಿತ ಪ್ರದೇಶಗಳಿಗೆ ಭೇಟಿ ನೀಡಿದ್ದು ಗೊತ್ತೇ ಇದೆ. ಈ ಸಮಯದಲ್ಲಿ ಅವರು ಕ್ಯಾಪ್ ಧರಿಸಿದ್ದರು, ಕೈಯಲ್ಲಿ ದುರ್ಬೀನುಗಳನ್ನು ಹೊಂದಿದ್ದರು. ಪ್ರಧಾನಿ ಮೋದಿಯವರ (Narendra modi) ಈ ಭೇಟಿಯ ರೀತಿಯಲ್ಲಿ ಶ್ಯಾಮ್ ರಂಗೀಲಾ ಅವರು ಜಲಾನಾ ಜಂಗಲ್‌ಗೆ ಪ್ರವಾಸ ಕೈಗೊಂಡಿದ್ದರು. ಏಪ್ರಿಲ್ 13 ರಂದು ಜೈಪುರದ ಝಲಾನಾ ಜಂಗಲ್‌ನಲ್ಲಿ ಚಿರತೆ ಸಫಾರಿಗೆ ತೆರಳಿದ್ದ ಶ್ಯಾಮ್, ಈ ಸಮಯದಲ್ಲಿ, ತಮ್ಮ ಕರ್ನಾಟಕ ಸಫಾರಿಯಲ್ಲಿ ಪ್ರಧಾನಿ ಮೋದಿ ಧರಿಸಿದ್ದ ಬಟ್ಟೆಯನ್ನೇ ಧರಿಸಿದ್ದರು. ಅಲ್ಲಿ ಶ್ಯಾಮ್ ರಂಗೀಲಾ, ಪ್ರಧಾನಿ ನರೇಂದ್ರ ಮೋದಿಯವರನ್ನು ಅನುಕರಿಸಿ, ನೀಲಗಾಯಿಗೆ ತಿನ್ನಿಸಿ ವಿಡಿಯೋ ಮಾಡಿದ್ದಾರೆ. ಈ ವಿಡಿಯೋ ವಿವಾದಕ್ಕೆ ಕಾರಣವಾಗಿದೆ.
ಭಾರತಕ್ಕೆ 5 ಚಿನ್ನದ ಪದಕ ತಂದುಕೊಟ್ಟ ಮಾಧವನ್ ಪುತ್ರ; ಸೂರ್ಯ, ಅನುಷ್ಕಾ ಸೇರಿದಂತೆ ಅನೇಕರಿಂದ ಅಭಿನಂದನೆಯ ಮಹಾಪೂರ
ನಂತರ ಅವರು ಸಾಮಾಜಿಕ ಜಾಲತಾಣದಲ್ಲಿ (Social Media) ವಿಡಿಯೋ ಹಂಚಿಕೊಂಡಿದ್ದಾರೆ. ಶ್ಯಾಮ್ ರಂಗೀಲಾ ಅವರು ಸಫಾರಿಯಿಂದ ಕೆಳಗಿಳಿದು ನೀಲಗಾಯ್‌ಗೆ ಆಹಾರ ನೀಡಿ, ಮೀಸಲು ನಿಯಮಗಳಿಗೆ ವಿರುದ್ಧವಾದ ವಿಡಿಯೋ ಮಾಡಿದ್ದಾರೆ. ಈ ರೀತಿ ನೀಲಗಾಯ್‌ಗೆ ಆಹಾರ ನೀಡುವುದು ಅರಣ್ಯ ಕಾಯಿದೆ 1953 ಮತ್ತು ವನ್ಯಜೀವಿ ಸಂರಕ್ಷಣಾ ಕಾಯ್ದೆ 1972 ರ ಉಲ್ಲಂಘನೆಯಾಗಿದೆ. ಪ್ರಾದೇಶಿಕ ಅರಣ್ಯಾಧಿಕಾರಿ ಮಾತನಾಡಿ, ಕಾಡುಪ್ರಾಣಿಗಳಿಗೆ ಯಾವುದೇ ರೀತಿಯ ಆಹಾರ ಮತ್ತು ಪಾನೀಯವನ್ನು ನೀಡುವುದರಿಂದ ಗಂಭೀರ ಕಾಯಿಲೆಗಳ ಜೊತೆಗೆ ಜೀವಕ್ಕೂ ಅಪಾಯವಿದೆ. ಅದಕ್ಕಾಗಿಯೇ ಝಲಾನಾ ಅರಣ್ಯದಲ್ಲಿ ವಿವಿಧೆಡೆ ಬೋರ್ಡ್‌ಗಳನ್ನು ಅಳವಡಿಸಲಾಗಿದೆ. ಇವುಗಳ ಮೇಲೆ ಪ್ರಾಣಿಗಳಿಗೆ ತಿನ್ನಲು ಅಥವಾ ಕುಡಿಯಲು ಏನನ್ನೂ ನೀಡಬೇಡಿ ಎಂದು ಸ್ಪಷ್ಟವಾದ ಪದಗಳಲ್ಲಿ ಎಚ್ಚರಿಕೆಯನ್ನು ಬರೆಯಲಾಗಿದೆ.
ಅದೇ ಸಮಯದಲ್ಲಿ, ಈ ಸಂಪೂರ್ಣ ವಿಷಯದ ಬಗ್ಗೆ ಶ್ಯಾಮ್ ರಂಗೀಲಾ ಅವರ ಪ್ರತಿಕ್ರಿಯೆಯೂ ಬಂದಿತು. ಅವರು ತಮ್ಮ ಇನ್‌ಸ್ಟಾಗ್ರಾಮ್ (Instagram) ಖಾತೆಯಲ್ಲಿ ಬರೆದುಕೊಂಡಿದ್ದಾರೆ, 'ಹೇ ನೀಲಗಾಯ್, ನೀವು ಸ್ವಲ್ಪ ಭಯದಿಂದ ಅಲ್ಲಿ ಇಲ್ಲಿಗೆ ಹೋಗುತ್ತಿದ್ದಾಗ ನನಗೆ ನೆನಪಿದೆ, ಆದರೆ ನಾನು ಮೋದಿಜಿ ಧ್ವನಿಯಲ್ಲಿ ನಿಮ್ಮನ್ನು ಕರೆದ ತಕ್ಷಣ, ನೀವು ಓಡಿ ಬಂದಿದ್ದೀರಿ ಮತ್ತು ಬಹುಶಃ ನೀವು ಸಹ ತಿಳಿದಿದ್ದೀರಿ, ನನ್ನದು 56 ಇಂಚು ಅಲ್ಲ ಆದರೆ 56 ಕೆ.ಜಿ. ಹೇ ನೀಲಗಾಯ್, ನಾನು ನಿನಗೆ ಏನಾದರೂ ತಿನ್ನಿಸಿದ್ದೇನೆ, ಕ್ಷಮಿಸಿ ನಾನು ನಿಜವಾಗಿರಲಿಲ್ಲ' ಎಂದಿದ್ದಾರೆ. ಆದರೆ ಮೃಗಾಲಯ ನಿಯಮ ಉಲ್ಲಂಘಿಸಿದ್ದಕ್ಕೆ ನೋಟಿಸ್ ಜಾರಿಯಾಗಿದೆ.
ಗೋಶಾಲೆಯಲ್ಲಿ ಮಗನ 4ನೇ ಹುಟ್ಟುಹಬ್ಬ ಆಚರಿಸಿದ ಕಾಂತಾರ ರಿಷಬ್ ಶೆಟ್ಟಿ!
ಶ್ಯಾಮ್ ರಂಗೀಲಾ ಯಾರು?
ಶ್ಯಾಮ್ ರಂಗೀಲಾ ಹಾಸ್ಯನಟ ಮಾತ್ರವಲ್ಲದೆ ಆಮ್ ಆದ್ಮಿ ಪಕ್ಷದ ಸದಸ್ಯರೂ ಹೌದು. ಈತ ರಾಜಸ್ಥಾನದ ಹನುಮಾನ್‌ಗಢ ನಿವಾಸಿ. ಶ್ಯಾಮ್ ರಂಗೀಲಾ 12ನೇ ತರಗತಿವರೆಗೆ ಓದಿದ್ದು, ಅನಿಮೇಷನ್ ಕೋರ್ಸ್ ಕೂಡ ಮಾಡಿದ್ದಾರೆ. ಶ್ಯಾಮ್ ರಂಗೀಲಾ ಬಾಲ್ಯದಿಂದಲೂ ಹಾಸ್ಯನಟನಾಗಬೇಕೆಂದು (Commedian) ಬಯಸಿದ್ದರು. ಈ ಕನಸಿನೊಂದಿಗೆ, ಅವರು ದಿ ಗ್ರೇಟ್ ಇಂಡಿಯನ್ ಲಾಫ್ಟರ್ ಚಾಲೆಂಜ್‌ಗೆ ಸಹ ಹೋದರು. ಇಲ್ಲಿ ಅವರು ಪ್ರಧಾನಿ ಮೋದಿಯನ್ನು ಅನುಕರಿಸುವ ಮೂಲಕ ಪ್ರಾಬಲ್ಯ ಸಾಧಿಸಿದರು. ಶ್ಯಾಮ್ ರಂಗೀಲಾ ಕೂಡ ರಾಹುಲ್ ಗಾಂಧಿಯನ್ನು ಅನುಕರಿಸುತ್ತಾರೆ. ಶ್ಯಾಮ್ ರಂಗೀಲಾ ಅವರು ಬಲವಾದ ಅಭಿಮಾನಿಗಳನ್ನು ಹೊಂದಿದ್ದಾರೆ. ಪ್ರಧಾನಿ ಮೋದಿಯವರ ಮಿಮಿಕ್ರಿಯನ್ನು ಲಕ್ಷಾಂತರ ಜನರು ಇಷ್ಟಪಡುತ್ತಾರೆ. ಶ್ಯಾಮ್ ರಂಗೀಲಾ ಅವರು Instagram ನಲ್ಲಿ 130k ಅನುಯಾಯಿಗಳನ್ನು ಹೊಂದಿದ್ದಾರೆ.
