6,000mAh ಬ್ಯಾಟರಿಯೊಂದಿಗೆ ಬಜೆಟ್‌ ಬೆಲೆಯಲ್ಲಿ Samsung Galaxy M33 5G ಭಾರತದಲ್ಲಿ ಲಾಂಚ್
Samsung Galaxy M33 5G 8GB RAM ಮತ್ತು ಗರಿಷ್ಠ 128GB ಆನ್‌ಬೋರ್ಡ್ ಸಂಗ್ರಹಣೆಯನ್ನು ನೀಡುತ್ತದೆ. ಸ್ಮಾರ್ಟ್ಫೋನ್ ಕ್ವಾಡ್ ರಿಯರ್ ಕ್ಯಾಮೆರಾ ಸೆಟಪನ್ನು ಹೊಂದಿದೆ.
Samsung Galaxy M33 5G: ಗ್ಯಾಲಕ್ಸಿ M-ಸರಣಿಯಲ್ಲಿ ಇತ್ತೀಚಿನ ಮಾದರಿಯಾಗಿ Samsung Galaxy M33 5G ಭಾರತದಲ್ಲಿ ಶನಿವಾರ ಬಿಡುಗಡೆ ಮಾಡಲಾಗಿದೆ. ಹೊಸ ಸ್ಯಾಮ್‌ಸಂಗ್ ಸ್ಮಾರ್ಟ್ಫೋನ್ 120Hz ರಿಫ್ರೆಶ್-ರೇಟ್ ಡಿಸ್‌ಪ್ಲೇಯೊಂದಿಗೆ ಬರುತ್ತದೆ ಮತ್ತು 5nm ಆಕ್ಟಾ-ಕೋರ್ Exynos ಪ್ರೊಸೆಸರ್‌ನಿಂದ ಚಾಲಿತವಾಗಿದೆ. Samsung Galaxy M33 5G 8GB RAM ಮತ್ತು ಗರಿಷ್ಠ 128GB ಆನ್‌ಬೋರ್ಡ್ ಸಂಗ್ರಹಣೆಯನ್ನು ನೀಡುತ್ತದೆ. ಸ್ಮಾರ್ಟ್ಫೋನ್ ಕ್ವಾಡ್ ರಿಯರ್ ಕ್ಯಾಮೆರಾ ಸೆಟಪನ್ನು ಹೊಂದಿದೆ, ಇದು 50-ಮೆಗಾಪಿಕ್ಸೆಲ್ ಮುಖ್ಯ ಕ್ಯಾಮೆರಾ ಹೊಂದಿದೆ. ಆಬ್ಜೆಕ್ಟ್ ಎರೇಸರ್ ವೈಶಿಷ್ಟ್ಯ ಮತ್ತು ಬೊಕೆ ಮೋಡ್ ಸೇರಿದಂತೆ ಕ್ಯಾಮೆರಾ ಮೋಡ್‌ಗಳ ಪಟ್ಟಿಯೊಂದಿಗೆ ಸ್ಮಾರ್ಟ್ಫೋನ್ ಪ್ರಿ ಲೋಡ್ ಆಗಿದೆ.
ಇದಲ್ಲದೆ, ಇದು ವಾಯ್ಸ್ ಫೋಕಸ್ ವೈಶಿಷ್ಟ್ಯವನ್ನು ನೀಡುತ್ತದೆ, ಇದು ಹಿನ್ನೆಲೆ ಶಬ್ದವನ್ನು ತೊಡೆದುಹಾಕಲು ಮತ್ತು ಕರೆಗಳ ಸಮಯದಲ್ಲಿ ಇನ್ನೊಬ್ಬರ ಧ್ವನಿಯನ್ನು ವರ್ಧಿಸುತ್ತದೆ. ಹಳೆಯ Galaxy M-ಸರಣಿ ಫೋನ್‌ಗಳಂತೆ, ಹೊಸ Galaxy M33 5G 25W ಚಾರ್ಜಿಂಗ್‌ಗೆ ಬೆಂಬಲದೊಂದಿಗೆ ಬೃಹತ್ 6,000mAh ಬ್ಯಾಟರಿಯನ್ನು ಹೊಂದಿದೆ.
ಭಾರತದಲ್ಲಿ Samsung Galaxy M33 5G ಬೆಲೆ, ಲಭ್ಯತೆ: ಭಾರತದಲ್ಲಿ Samsung Galaxy M33 5G ಬೆಲೆಯು ಮೂಲ 6GB + 128GB ಸ್ಟೋರೇಜ್ ಮಾದರಿಗೆ ರೂ.18,999 ರಿಂದ ಪ್ರಾರಂಭವಾಗುತ್ತದೆ. ಫೋನ್ 8GB + 128GB ಸ್ಟೋರೇಜ್ ಆವೃತ್ತಿಯಲ್ಲಿ ರೂ. 20,499 ಬೆಲೆಯಲ್ಲಿ ಲಭ್ಯವಿದೆ.
ಬಿಡುಗಡೆಯ ಭಾಗವಾಗಿ ಸ್ಯಾಮಸಂಗ್ ಎರಡೂ ಮಾದರಿಗಳನ್ನು ಕ್ರಮವಾಗಿ ರೂ. 17,999 ಮತ್ತು ರೂ. 19,999 ಪರಿಚಯಾತ್ಮಕ ಬೆಲೆಯಲ್ಲಿ ನೀಡುತ್ತಿದೆ. ಈ ಪರಿಚಯಾತ್ಮಕ ಬೆಲೆ ಎಷ್ಟು ಕಾಲ ಉಳಿಯಲಿದೆ ಎಂಬುದರ ಕುರಿತು ಯಾವುದೇ ಮಾಹಿತಿಯಿಲ್ಲ.
ಇದನ್ನೂ ಓದಿ: Samsung Galaxy A ಸರಣಿಯ 5 ಹೊಸ ಸ್ಮಾರ್ಟ್ಫೋನ್ ಭಾರತದಲ್ಲಿ ಲಾಂಚ್: ಬೆಲೆ ₹14,999ರಿಂದ ಪ್ರಾರಂಭ
Samsung Galaxy M33 5G ಎರಡು ಬಣ್ಣ ಆಯ್ಕೆಗಳಲ್ಲಿ ಬರುತ್ತದೆ ಮತ್ತು ಏಪ್ರಿಲ್ 8 ರಿಂದ ಅಮೆಝಾನ್ ಮತ್ತು ಸ್ಯಾಮಸಂಗ್ ಇಂಡಿಯಾ ಆನ್‌ಲೈನ್ ಸ್ಟೋರ್ ಮೂಲಕ ಖರೀದಿಗೆ ಲಭ್ಯವಿರುತ್ತದೆ.
ಅಲ್ಲದೇ Samsung Galaxy M33 5G ಯ ಬಿಡುಗಡೆಯ ಕೊಡುಗೆಯಾಗಿ ICICI ಬ್ಯಾಂಕ್ ಕಾರ್ಡ್‌ಗಳೊಂದಿಗೆ ಖರೀದಿಸುವ ಗ್ರಾಹಕರಿಗೆ ರೂ. 2,000 ತ್ವರಿತ ಕ್ಯಾಶ್‌ಬ್ಯಾಕ್ nನೀಡುತ್ತಿದೆ. ಯಾವುದೇ ವೆಚ್ಚವಿಲ್ಲದ ಇಎಮ್‌ಐ ಆಯ್ಕೆಗಳು ಮತ್ತು ವಿನಿಮಯ ರಿಯಾಯಿತಿಗಳೊಂದಿಗೆ ಫೋನ್ ಲಭ್ಯವಿರುತ್ತದೆ.
Samsung Galaxy M33 5G ಫೀಚರ್ಸ್: ಡ್ಯುಯಲ್-ಸಿಮ್ ಸ್ಯಾಮ್‌ಸಂಗ್ ಗ್ಯಾಲಕ್ಸಿ M33 5G ಆಂಡ್ರಾಯ್ಡ್ 12, One UI 4.1 ಜೊತೆಗೆ ರನ್ ಮಾಡುತ್ತದೆ. ಇದು 6.6-ಇಂಚಿನ Full HD+ ಇನ್ಫಿನಿಟಿ-V ಡಿಸ್ಪ್ಲೇ ಜೊತೆಗೆ 120Hz ರಿಫ್ರೆಶ್ ದರವನ್ನು ಹೊಂದಿದೆ. ಡಿಸ್ಪ್ಲೇ ಗೊರಿಲ್ಲಾ ಗ್ಲಾಸ್ 5 ರಕ್ಷಣೆಯನ್ನು ಹೊಂದಿದೆ.
ಸ್ಮಾರ್ಟ್ಫೋನ್ ಹೆಸರಿಸದ ಆಕ್ಟಾ-ಕೋರ್ 5nm Exynos ಪ್ರೊಸೆಸರನ್ನು ಹೊಂದಿದೆ, ಇದು 8GB RAM ಮತ್ತು 128GB ಅಂತರ್ಗತ ಸಂಗ್ರಹಣೆಯೊಂದಿಗೆ ಜೋಡಿಯಾಗಿದೆ. ಸ್ಯಾಮ್‌ಸಂಗ್‌ನ ರ‍್ಯಾಮ್ ಪ್ಲಸ್ ವೈಶಿಷ್ಟ್ಯದೊಂದಿಗೆ, Galaxy M33 5Gಯಲ್ಲಿನ ರ‍್ಯಾಮನ್ನು ಅದರ ಅಂತರ್ಗತ ಸಂಗ್ರಹಣೆಯನ್ನು ಬಳಸಿಕೊಂಡು ವಾಸ್ತವಿಕವಾಗಿ 16GB ವರೆಗೆ ವಿಸ್ತರಿಸಬಹುದು.
ಇದನ್ನೂ ಓದಿ: Mobile Exports ಪ್ರಸಕ್ತ ಹಣಕಾಸು ವರ್ಷದಲ್ಲಿ 43,500 ಕೋಟಿ ರೂ ಸ್ಮಾರ್ಟ್ಫೋನ್ ರಫ್ತು!
Samsung Galaxy M33 5G ಕ್ಯಾಮೆರಾ: ಫೋಟೋಗಳು ಮತ್ತು ವೀಡಿಯೊಗಳಿಗಾಗಿ, Galaxy M33 5G ಕ್ವಾಡ್ ರಿಯರ್ ಕ್ಯಾಮೆರಾ ಸೆಟಪನ್ನು ಹೊಂದಿದ್ದು f/1.8 ಲೆನ್ಸ್‌ನೊಂದಿಗೆ 50-ಮೆಗಾಪಿಕ್ಸೆಲ್ ಪ್ರಾಥಮಿಕ ಕ್ಯಾಮೆರಾ ಹೊಂದಿದೆ. ಕ್ಯಾಮರಾ ಘಟಕವು120-ಡಿಗ್ರಿ ಫೀಲ್ಡ್-ಆಫ್-ವ್ಯೂ ಮತ್ತು ಎಫ್/2.4 ಅಪರ್ಚರ್ ಜತೆಗೆ 5-ಮೆಗಾಪಿಕ್ಸೆಲ್ ಅಲ್ಟ್ರಾ-ವೈಡ್-ಆಂಗಲ್ ಕ್ಯಾಮೆರಾ ಹೊಂದಿದೆ.
ಜತಗೆ ಎಫ್/2.2 ಅಪರ್ಚರ್ ಹೊಂದಿರುವ 2-ಮೆಗಾಪಿಕ್ಸೆಲ್ ಮ್ಯಾಕ್ರೋ ಶೂಟರ್ ಮತ್ತು ಎಫ್/2.2 ಅಪರ್ಚರ್ ಹೊಂದಿರುವ 2-ಮೆಗಾಪಿಕ್ಸೆಲ್ ಡೆಪ್ತ್‌ ಕ್ಯಾಮೆರಾ ಒಳಗೊಂಡಿದೆ. ಹಿಂಬದಿಯ ಕ್ಯಾಮರಾವು ಬೊಕೆ ಎಫೆಕ್ಟ್, ಸಿಂಗಲ್ ಟೇಕ್, ಆಬ್ಜೆಕ್ಟ್ ಎರೇಸರ್ ಮತ್ತು ವೀಡಿಯೋ TNR (ಟೆಂಪೊರಲ್ ನಾಯ್ಸ್ ರಿಡಕ್ಷನ್) ನಂತಹ ವಿಭಿನ್ನ ವೃತ್ತಿಪರ ಛಾಯಾಗ್ರಹಣ ಮತ್ತು ವೀಡಿಯೋಗ್ರಫಿ ಮೋಡ್‌ಗಳನ್ನು ಬೆಂಬಲಿಸುತ್ತದೆ. ಮುಂಭಾಗದಲ್ಲಿ, ಹ್ಯಾಂಡ್ಸೆಟ್ 8-ಮೆಗಾಪಿಕ್ಸೆಲ್ ಸೆಲ್ಫಿ ಶೂಟರನ್ನು ಹೊಂದಿದೆ.
Samsung Galaxy M33 5Gಯಲ್ಲಿನ ಸಂಪರ್ಕ ಆಯ್ಕೆಗಳು 5G, Wi-Fi, ಬ್ಲೂಟೂತ್ ಮತ್ತು GPS ಒಳಗೊಂಡಿವೆ. Samsung Galaxy M33 5G ಸೈಡ್-ಮೌಂಟೆಡ್ ಫಿಂಗರ್‌ಪ್ರಿಂಟ್ ಸ್ಕ್ಯಾನರ್‌ನೊಂದಿಗೆ ಬರುತ್ತದೆ. ಇದು 25W ವೇಗದ ಚಾರ್ಜಿಂಗ್ ಅನ್ನು ಬೆಂಬಲಿಸುವ 6,000mAh ಬ್ಯಾಟರಿಯಿಂದ ಬೆಂಬಲಿತವಾಗಿದೆ.
