ಟೆಲಿಕಾಂ ಕಂಪನಿಗಳು ಮೊಬೈಲ್ ಕರೆ ದರಗಳನ್ನು ಏರಿಕೆ ಮಾಡಿದ ಬೆನ್ನಲ್ಲೇ, ಬಳಕೆದಾರರಿಗೆ ಮತ್ತೊಂದು ಕಹಿಸುದ್ದಿ ಹೊರಬಿದ್ದಿದೆ. ಈವರೆಗೆ ಎಂಜಾಯ್ ಮಾಡುತ್ತಿದ್ದ ಸೌಲಭ್ಯ ಇನ್ಮುಂದೆ ಸಿಗಲ್ಲ! ಏನದು? ಇಲ್ಲಿದೆ ವಿವರ...
ನವದೆಹಲಿ (ಡಿ. 18): ಭಾರತದ ಪ್ರಮುಖ ಟೆಲಿಕಾಂ ಕಂಪನಿಗಳು ತಮ್ಮ ಮೊಬೈಲ್ ಕರೆ ದರಗಳನ್ನು ಏರಿಕೆ ಮಾಡಿದ ಬೆನ್ನಲ್ಲೇ, ಭಾರತೀಯ ದೂರ ಸಂಪರ್ಕ ನಿಯಂತ್ರಣಾ ಸಂಸ್ಥೆ- ಟ್ರಾಯ್ ಉಚಿತ ಮೊಬೈಲ್ ಕರೆಗಳಿಗೆ ಕಡಿವಾಣ ಹಾಕುವ ಪ್ರಕ್ರಿಯೆಗೆ ಚಾಲನೆ ನೀಡಿದೆ.
ಸಮಗ್ರ ಸುದ್ದಿ ಮೂಲವನ್ನಾಗಿ asianet suvarna news ಅನ್ನು ಆಯ್ಕೆ ಮಾಡಿಕೊಳ್ಳಿ
ಇದರಿಂದ ಉಚಿತ ಮೊಬೈಲ್ ಕರೆಗಳ ಜಮಾನಕ್ಕೆ ಸಂಪೂರ್ಣ ತೆರೆ ಬೀಳಲಿದೆ. ಮೊಬೈಲ್ ಪೋನ್ ಕರೆಗಳಿಗೆ ಕನಿಷ್ಠ ಮೂಲ ದರ ನಿಗದಿಗೊಳಿಸುವ ಕುರಿತಂತೆ ಸಮಾಲೋಚನೆ ಆರಂಭಿಸಿದೆ.
ಇದನ್ನೂ ಓದಿ | ಭಾರತದ ರೀತಿ ಯುಪಿಐ ಹಣ ವರ್ಗಾವಣೆ ಜಾರಿಗೆ ಅಮೆರಿಕಕ್ಕೆ ಗೂಗಲ್ ಶಿಫಾರಸು!
ಜಿಯೋದ ಉಚಿತ ಕರೆ ಮತ್ತು ಅಗ್ಗದ ಡೇಟಾ ಸ್ಪರ್ಧೆಯಿಂದಾಗಿ ಟೆಲಿಕಾಂ ವಲಯದ ಕಾರ್ಯಸಾಧ್ಯತೆ ಕ್ಷೀಣಿಸುತ್ತಿದೆ. ಹೀಗಾಗಿ ಮೂಲ ದರವನ್ನು ನಿಗದಿಪಡಿಸಬೇಕು ಎಂದು ಭಾರ್ತಿ ಏರ್ಟೆಲ್ ಬೇಡಿಕೆ ಇಟ್ಟಿತ್ತು.
ಈ ಬೇಡಿಕೆಗೆ ಸ್ಪಂದಿಸಿರುವ ಟ್ರಾಯ್, ನಿರ್ದಿಷ್ಟ ದರವನ್ನು ನಿಗದಿಪಡಿಸದೇ ಇರುವ ತನ್ನ ನಿಲುವನ್ನು ಪರಿಷ್ಕರಿಸಿದೆ.
ಇತ್ತೀಚೆಗೆ ಎಲ್ಲಾ ಟೆಲಿಕಾಂ ಆಪರೇಟರ್ಗಳು ಕಾಲ್ ಮತ್ತು ಡೇಟಾ ದರಗಳನ್ನು ಪರಿಷ್ಕರಿಸಿವೆ.
