ಮುಂದಿನ ವರ್ಷಕ್ಕೆ iPhone 15, ಈ ಸಂಗತಿಗಳು ತಿಳಿದಿದೆಯಾ?
*ಐಫೋನ್ 14 ಸರಣಿ ಫೋನುಗಳ ಮಾರಾಟವಾಗುತ್ತಿರುವಾಗಲೇ ಹೊಸ ಐಫೋನ್ ಮಾಹಿತಿ?
*2023ರಲ್ಲಿ ಆಪಲ್‌ನಿಂದ ಐಫೋನ್ 15 ಸರಣಿ ಫೋನುಗಳ ಲಾಂಚ್ ಆಗಬಹದೆಂಬ ಮಾಹಿತಿ ಸೋರಿಕೆ
*ಈ ಹಿಂದಿನ ಎಲ್ಲ ಫೋನುಗಳಿಗಿಂತಲೂ ಭಿನ್ನ ಆಗಿರಲಿದೆಯಂತೆ ಈ ಹೊಸ ಐಫೋನ್!
ಇತ್ತೀಚೆಗಷ್ಟೇ ಬಿಡುಗಡೆಯಾಗಿರುವ ಆಪಲ್(Apple)ನ ಐಫೋನ್ 14 ಪ್ರೋ (iPhone-14 Pro) ಮತ್ತು ಐಫೋನ್ 14 ಪ್ರೋ ಮ್ಯಾಕ್ಸ್ (iPhone 14 Pro Max) ಫೋನುಗಳನ್ನು ನೀವು ಖರೀದಿಸಲು ಯೋಗ್ಯವಾಗಿರುವ ಫೋನ್‌ಗಳಾಗಿವೆ. ಇವು ಅತ್ಯುತ್ತಮ ಪ್ರೀಮಿಯಂ ಫೋನುಗಳು ಎಂಬುದರಲ್ಲಿ ಡೌಟೇ ಬೇಡ. ಇವು ಮಾರುಕಟ್ಟೆಯಲ್ಲಿರುವ ಹಾಟೆಸ್ಟ್ ಐಫೋನ್ಗಳು. ಅವುಗಳು ಅತ್ಯುತ್ತಮವಾದ ಕ್ಯಾಮೆರಾಗಳಿಂದಾಗಿ ಯಾವಾಗಲೂ ಬೇಡಿಕೆಯಲ್ಲಿರುತ್ತವೆ. ಈ ಫೋನುಗಳ ಡೈನಾಮಿಕ್ ಐಲ್ಯಾಂಡ್ ಫೀಚರ್ ಹೆಚ್ಚೆಚ್ಚು ಬಳಕೆದಾರರನ್ನು ಸೆಳೆಯುತ್ತಿದೆ. ಐಫೋನ್ 14 ಸರಣಿ ಫೋನುಗಳ ಭರ್ಜರಿ ಮಾರಾಟವಾಗುತ್ತಿರುವ ಹೊತ್ತಿನಲ್ಲೇ ಐಫೋನ್ 15 ಫೋನುಗಳ ಬಗ್ಗೆಯೂ ಮಾತುಕತೆಗಳು ಕೇಳಿಬರುತ್ತವೆ. 2023ರ ಐಫೋನ್ 15 ಸ್ಮಾರ್ಟ್‌ಫೋನ್ ಅನ್ನು ಕಂಪನಿ ಈಗಾಗಲೇ ಅಭಿವೃದ್ಧಿ ಮಾಡುತ್ತಿದೆಯಂತೆ. ಈ ಫೋನ್ ಐಫೋನ್ 14ಗಿಂತಲೂ ಗಮನಾರ್ಹವಾಗಿ ಭಿನ್ನವಾಗಿರುತ್ತದೆಯಂತೆ ಎಂದು ಹೇಳಲಾಗುತ್ತಿದೆ. ಈ ವಿಷಯದಲ್ಲಿ ಆ್ಯಪಲ್ ಕಂಪನಿಯು ಸಾಕಷ್ಟ ಗೌಪತ್ಯೆಯನ್ನು ಕಾಪಾಡಿಕೊಂಡಿದ್ದರೂ, ಐಫೋನ್ 15 ಸ್ಮಾರ್ಟ್‌ಫೋನ್‌ಗೆ ಸಂಬಂಧಿಸಿದಂತೆ ಕೆಲವು ಮಾಹಿತಿಗಲು ಸೋಷಿಯಲ್ ಮೀಡಿಯಾಗಳಲ್ಲಿ ಸೋರಿಕೆಯಾಗಿವೆ.
ಟೈಟಾನಿಯಂನಿಂದ ನಿರ್ಮಿತ
ಆಪಲ್ ವಾಚ್ ಅಲ್ಟ್ರಾ ಟೈಟಾನಿಯಂ ಕೇಸ್ ಅನ್ನು ಹೊಂದಿದೆ. ಹಾಗಾಗಿ ಮುಂಬರುವ ಐಫೋನ್ 15 ಸರಣಿ ಫೋನುಗಳು ಕೂಡ ಅಲ್ಟ್ರಾ ಟೈಟಾನಿಯಮ್ ಕೇಸ್‌ಗಳನ್ನು ಹೊಂದಿರುವ ಸಾಧ್ಯತೆಗಳಿವೆ. ಹಿಂಭಾಗದ ಫಲಕವನ್ನು ಇನ್ನೂ ಗಾಜಿನಿಂದ ಮಾಡಲಾಗುವುದು. ಐಫೋನ್ 14 ಮತ್ತು ಐಫೋನ್ 13 ಸರಣಿಯ ಫೋನ್‌ಗಳಂತೆ ಫ್ಲಾಟ್ ರಿಯರ್ ಪ್ಯಾನೆಲ್ ಬದಲಿಗೆ, ಐಫೋನ್ 15 ಪ್ರೊ ದುಂಡಾದ ಒಂದನ್ನು ನೋಡಬಹುದು.
iPhone 15 ಮತ್ತು iPhone 15 Pro ವಿಭಿನ್ನ USB-C ಪೋರ್ಟ್?
'ಅಲ್ಟ್ರಾ' (Ultra) ಎಂದು ಕರೆಯುವ ಸಾಧ್ಯತೆ
ಕೆಲವು ಮಾಹಿತಿಗಳ ಪ್ರಕಾರ, ಆಪಲ್ನ ಮುಂದಿನ ಪ್ರೊ ಮ್ಯಾಕ್ಸ್ ರೂಪಾಂತರವನ್ನು "ಐಫೋನ್ 15 ಅಲ್ಟ್ರಾ" ಎಂದು ಕರೆಯಲಾಗುತ್ತದೆ. ಇನ್ನೂ ನಿರ್ದಿಷ್ಟವಾಗಿ ಹೇಳುವುದಾದರೆ, ಆಪಲ್ ವಾಚ್ ಅಲ್ಟ್ರಾದ ಪರಿಚಯವು ಮಾರ್ಕೆಟಿಂಗ್ ಮಾನಿಕರ್ನಲ್ಲಿ ಬದಲಾವಣೆಗೆ ಕೊಡುಗೆ ನೀಡಿರಬಹುದು ಎಂದು ಬ್ಲೂಮ್ಬರ್ಗ್ನ ಮಿಂಗ್-ಚಿ ಕುವೊ ಪ್ರತಿಪಾದಿಸುತ್ತಾರೆ. ಐಫೋನ್ 15 ಪ್ರೊ ಅಗ್ಗದ ಐಫೋನ್ 15 ಮಾದರಿಯಿಂದ ಎದ್ದು ಕಾಣಬೇಕೆಂದು ಆಪಲ್ ಬಯಸುತ್ತದೆ ಎಂಬುದು ಸ್ಪಷ್ಟವಾಗಿದೆ. ಹೀಗಾಗಿ ಹೆಸರನ್ನು "ಪ್ರೊ ಮ್ಯಾಕ್ಸ್" ನಿಂದ "ಅಲ್ಟ್ರಾ" ಗೆ ಬದಲಾಯಿಸುವುದು ಪರಿಪೂರ್ಣ ಅರ್ಥವನ್ನು ನೀಡುತ್ತದೆ.
USB-C ಚಾರ್ಜಿಂಗ್ ಪೋರ್ಟ್
iPhone 15 Proನಲ್ಲಿ USB-C ಪೋರ್ಟ್ ನೋಡಬಹುದಾಗಿದೆ. ಯುರೋಪಿಯನ್ ಒಕ್ಕೂಟದ(ಇಯು)ಲ್ಲಿನ ಹೊಸ ಕಾನೂನಿನ ಪರಿಣಾಮವಾಗಿ iPhone ಗೆ USB-C ಚಾರ್ಜಿಂಗ್ ಕನೆಕ್ಟರ್ ಅನ್ನು ಸೇರಿಸಲು Apple ಅನ್ನು ಒತ್ತಾಯಿಸಲಾಗುತ್ತಿದೆ. ಹಾಗಾಗಿ, 2024ರಿಂದ ಪ್ರಾರಂಭವಾಗುವ ಪೋರ್ಟ್‌ನೊಂದಿಗೆ ಐಫೋನ್ ಮಾದರಿಯ ಉತ್ಪಾದನೆಯನ್ನು ಪ್ರಾರಂಭಿಸಲು ಕಂಪನಿಯು ಮುಂದಾಗಿದೆ.
ಅದ್ಭುತ ಪೆರಿಸ್ಕೋಪ್ ಲೆನ್ಸ್ (Periscope Lense)
ಹೆಚ್ಚುವರಿಯಾಗಿ, iPhone 15 Proಗಾಗಿ ಪೆರಿಸ್ಕೋಪ್ ಲೆನ್ಸ್ಗಳನ್ನು ಅಳವಡಿಸುವ ಮಾಹಿತಿಗಳಿವೆ. ಪೆರಿಸ್ಕೋಪ್ ಕ್ಯಾಮೆರಾವು ಪ್ರಿಸ್ಮ್ ಅಥವಾ ಕನ್ನಡಿಗಳ ಗುಂಪನ್ನು ಬಳಸಿಕೊಂಡು ಬೆಳಕನ್ನು ಪ್ರತಿಫಲಿಸುತ್ತದೆ. ಆಪಲ್ ತನ್ನ ಐಫೋನ್ ಲೈನ್ಗಾಗಿ ಪೆರಿಸ್ಕೋಪ್ ಲೆನ್ಸ್ಗಳನ್ನು ವರ್ಷಗಳಿಂದ ಅಭಿವೃದ್ಧಿಪಡಿಸುತ್ತಿದೆ ಎಂದು ಹೇಳಲಾಗಿದೆ, ಆದರೆ ಯಾವುದೇ ಸಾಧನಗಳು ಇನ್ನೂ ತಂತ್ರಜ್ಞಾನವನ್ನು ಒಳಗೊಂಡಿಲ್ಲ. ಒಂದು ವೇಳೆ, ಈ ಮಾಹಿತಿಯು ನಿಜವೇ ಆಗಿದ್ದರೆ, ನಷ್ಟವಿಲ್ಲದ ಆಪ್ಟಿಕಲ್ ಜೂಮ್ ಹೊಂದಲು Appleಗೆ ಸಾಧ್ಯವಾಗುತ್ತದೆ ಮತ್ತು ಜೂಮ್ ಮಾಡುವಾಗ ಚಿತ್ರದ ಗುಣಮಟ್ಟವನ್ನು ಪರಿಣಾಮ ನಿರೀಕ್ಷಿಸಲಾಗುವುದಿಲ್ಲ ಎಂದು ಹೇಳಬಹುದು.
Lava Blaze 5G, ಇದು ದೇಶದ ಅತ್ಯಂತ ಅಗ್ಗದ 5ಜಿ ಫೋನ್!
ಐಫೋನ್ 15 ಸ್ಮಾರ್ಟ್‌ಫೋನ್ ಬಗ್ಗೆ ಕಂಪನಿಯು ಇನ್ನೂ ಯಾವುದೇ ಖಚಿತ ಮಾಹಿತಿಯನ್ನು ಹೊರ ಹಾಕಿಲ್ಲ. ಪ್ರತಿ ವರ್ಷವೂ ಆಪಲ್ ನಕ್ಸೆಟ್ ವರ್ಷನ್ ಫೋನುಗಳನ್ನು ಲಾಂಚ್ ಮಾಡುತ್ತದೆ. ಹಾಗಾಗಿ, ಮುಂದಿನ ವರ್ಷದ ಫೋನಿಗಾಗಿ ಕಂಪನಿಯು ಈಗಾಗಲೇ ಕೆಲಸ ಮಾಡುತ್ತಿದೆ ಎಂದು ಹೇಳಲಾಗುತ್ತಿದೆ. ಆ ಬಗ್ಗೆ ಒಂದಿಷ್ಟು ಮಾಹಿತಿಗಳು ಸೋಷಿಯಲ್ ಮೀಡಿಯಾದಲ್ಲಿ ಷೇರ್ ಆಗುತ್ತಿವೆ.
