ಹೊಸಬಾಳ ಹೊಸಿಲು ದಾಟಿದ ನವಜೋಡಿ ಹೊಣೆ ಇದು....

First Published 21, Jun 2018, 3:27 PM IST
Newly married couples must do this works
Highlights

ಅದೊಂದು ಶುಭ ಮುಹೂರ್ತದಲ್ಲಿ ಸಪ್ತಪದಿ ತುಳಿದು, ಸತಿ ಪತಿಗಳಾಗುವ ದಂಪತಿಗೆ ಕೂಡಲೇ ಹೊರಲೇಬೇಕಾದ ಜವಾಬ್ದಾರಿಗಳಿರುತ್ತವೆ. ತಕ್ಕ ಪ್ಲ್ಯಾನ್ ಮಾಡಿಕೊಂಡು ಹಸೆಮಣೆ ಏರುವ ವಧು-ವರರು, ಜೀವನವೂ ಪ್ಲ್ಯಾನ್‌ನಂತೆ ನಡೆಯುತ್ತದೆ ಎಂದುಕೊಳ್ಳಲಾಗುವುದಿಲ್ಲ. ಆದರೆ, ವ್ಯವಸ್ಥಿತವಾದ ಲೈಫ್‌ಸ್ಟೈಲ್ ರೂಢಿಸಿಕೊಂಡರೆ ತಕ್ಕಮಟ್ಟಿಗೆ ಬದುಕು ಹಸನಾಗುವುದರಲ್ಲಿ ಅನುಮಾನವೇ ಇಲ್ಲ

ಈ ನವಜೋಡಿ ತಕ್ಷಣವೇ ಮುಗಿಸಬೇಕಾದ ಜವಾಬ್ದಾರಿಗಳು ಇಂತಿವೆ....

  • ಮದುವೆಗೆ ಆಗಮಿಸಿದ ಗೆಳೆಯರು ಹಾಗೂ ಸಂಬಂಧಿಕರಿಗೆ ತಪ್ಪದೇ ಧನ್ಯವಾದ ತಿಳಿಸಿ, ಇದರಿಂದ ಅವರಿಗೂ ಮಹತ್ವ ನೀಡಿದ್ದೀರೆಂಬ ಭಾವನೆ ಅವರಲ್ಲಿ ಮೂಡುತ್ತದೆ. ನಿಮ್ಮನ್ನು ಸದಾ ನೆನಪಿನಲ್ಲಿಟ್ಟುಕೊಂಡು, ಕಷ್ಟಕಾಲದಲ್ಲಿ ಸಹಕರಿಸುತ್ತಾರೆ.
  • ಮದುವೆ ಸಂಭ್ರಮದಲ್ಲಿ ಸಹಜವಾಗಿಯೇ ಬೆಲೆಯುಳ್ಳ ಉಡುಗೆ ತೊಟ್ಟಿರುತ್ತಾರೆ. ಅದನ್ನು ಶುಭ್ರಗೊಳಿಸಿ, ಜೋಪಾನವಾಗಿಟ್ಟುಕೊಳ್ಳಿ. 
  • ಹನಿಮೂನ್‌ಗೆ ಅಗತ್ಯವಾದ ತಯಾರಿ ಮಾಡಿಕೊಳ್ಳಿ. ವಿದೇಶಕ್ಕೆ ತೆರಳುವುದಾದರೆ ಮೊದಲೇ ವೀಸಾ, ಪಾಸ್‌ಪೋರ್ಟ್ ಮೊದಲಾದ ಅಗತ್ಯ ದಾಖಲೆಗಳನ್ನು ಸಿದ್ಧವಾಗಿಟ್ಟುಕೊಳ್ಳಿ.
  • ಮದುವೆ ಆಲ್ಬಂ ಅನ್ನು ಸಾಧ್ಯವಾದಷ್ಟು ಬೇಗ ತರಿಸಿಕೊಳ್ಳಿ. ಜೀವನದ ಅತ್ಯಂತ ಅಪ್ಯಾಯಮಾನವಾದ ಘಟನೆಗಳನ್ನು ನೆನಪಿಸುವಂಥ ಫೋಟೋಗಳನ್ನು ಪ್ರತ್ಯೇಕವಾಗಿ ಎತ್ತಿಟ್ಟುಕೊಳ್ಳುವುದನ್ನು ಮರೆಯದಿರಿ.
  • ಅಗತ್ಯವಿದ್ದರೆ ಕಾನೂನಾತ್ಮಕವಾಗಿ ನಿಮ್ಮ ಹೆಸರನ್ನು ಬದಲಾಯಿಸಿಕೊಳ್ಳಿ. ಮದುವೆ ಸರ್ಟಿ‌ಫಿಕೇಟ್ ಮಾಡಿಸಿಕೊಳ್ಳಿ. ಪಾಸ್‌ಪೋರ್ಟ್, ಎಲೆಕ್ಷನ್ ಕಾರ್ಡ್, ಆಧಾರ್ ಕಾರ್ಡ್...ಹೀಗೆ ಅಗತ್ಯ ದಾಖಲೆಗಳಲ್ಲಿ ವಿಳಾಸ ಬದಲಿಸುವುದನ್ನು ಮರೆಯದಿರಿ. 
  • ಹಣದ ವಿಚಾರವಾಗಿಯೂ ವ್ಯವಸ್ಥಿತ ಪ್ಲ್ಯಾನ್ ಮಾಡಬೇಕು. ಮನೆ, ಮಕ್ಕಳು ಮಾಡುವಾಗ ಉಳಿತಾಯ ಮಾಡಿದ ಹಣ ನೆರವಿಗೆ ಬರುತ್ತದೆ. 
  • ಮದುವೆ ಎಂದರೆ ಜವಾಬ್ದಾರಿ. ಎಲ್ಲವನ್ನೂ ಸೂಕ್ತವಾಗಿ ನಿಭಾಯಿಸಿದಾಗ ಜೀವನ ಸುಸೂತ್ರವಾಗುತ್ತದೆ. ಬಾಳು ಬಂಗಾರವಾಗುತ್ತದೆ. 
loader