Asianet Suvarna News Asianet Suvarna News

ನಡಿಗೆಯಲ್ಲಿ ವೇಗವಿದ್ದರೆ ಆಯಸ್ಸು ಹೆಚ್ಚಳ!

ನಡಿಗೆ ಆರೋಗ್ಯದೆಡೆಗೆ ಎನ್ನುವ ಮಾತಿಗೆ ಹೊಸ ಅಧ್ಯಯನವೊಂದುಪ ಪುಷ್ಠಿ ನೀಡಿದೆ. ವೇಗವಾಗಿ ನಡೆಯುವವರು ಧೀರ್ಘಾಯುಷಿಗಳು ಎನ್ನುತ್ತಿದೆ ಈ ಅಧ್ಯಯನ.

Fast walkers could live up to 15 years longer than slow walkers
Author
Bangalore, First Published May 25, 2019, 11:40 AM IST

ವೇಗವಾಗಿ ನಡೆಯುವವರು ಆಮೆ ನಡಿಗೆಯವರಿಗಿಂತ 15 ವರ್ಷದಷ್ಟು ಹೆಚ್ಚು ಕಾಲ ಬದುಕುತ್ತಾರೆ ಎಂಬ ಆಸಕ್ತಿಕರ ಸಂಗತಿಯೊಂದು ಹೊರಬಿದ್ದಿದೆ. ಲೈಸೆಸ್ಟರ್ ಯುನಿವರ್ಸಿಟಿ ನಡೆಸಿದ ಅಧ್ಯಯನ ಈ ವಿಷಯ ಕಂಡುಕೊಂಡಿದೆ. 

ಸುಮಾರು 4 ಲಕ್ಷದ 75 ಸಾವಿರ ಜನರನ್ನು ಅಧ್ಯಯನಕ್ಕೊಳಪಡಿಸಲಾಗಿದ್ದು, ವೇಗವಾಗಿ ನಡೆವ ಅಭ್ಯಾಸ ಹೊಂದಿದವರು ಸರಾಸರಿ 86-87 ವರ್ಷ ಬದುಕುತ್ತಾರಾದರೆ, ನಿಧಾನಗತಿಯವರ ಸರಾಸರಿ ಜೀವಿತಾವಧಿ 64ರಿಂದ 78 ವರ್ಷ.

ಯಾವ ಬಗೆಯ ನಡಿಗೆ ನಿಮ್ಮದು? 

ಈ ಹಿಂದೆ ಸಿಡ್ನಿ ಯುನಿವರ್ಸಿಟಿ ನಡೆಸಿದ ಅಧ್ಯಯನ ಕೂಡಾ ವೇಗವಾಗಿ ನಡೆಯುವವರು ಅಕಾಲಿಕ ಮರಣವನ್ನು ತಪ್ಪಿಸಿಕೊಳ್ಳಬಲ್ಲರು ಎಂದು ಹೇಳಿತ್ತು. ಹಾಗಿದ್ದರೆ ಸ್ಪೀಡ್ ವಾಕಿಂಗ್‌ನ ಇತರೆ  ಆರೋಗ್ಯ ಲಾಭಗಳೇನೇನು? 

- ವಾಕಿಂಗ್‌ನಿಂದ ಫ್ಯಾಟ್ ಕರಗುತ್ತದೆ, ಆದರೆ ಸ್ನಾಯುಗಳು ಬಲಿಷ್ಠವಾಗುತ್ತವೆ. ನಡಿಗೆ ವೇಗವಾಗಿದ್ದಷ್ಟೂ ಹೆಚ್ಚಿನ ಕ್ಯಾಲೋರಿ ಕಳೆದುಕೊಳ್ಳಬಹುದು. ಇದರಿಂದ ತೂಕ ಇಳಿಕೆಯ ಗುರಿ ಬೇಗ ತಲುಪಬಹುದು.

- ವೇಗದ ನಡಿಗೆಯು ಮನಸ್ಸಿಗೆ ಹಿತ ನೀಡುತ್ತದೆ. ಒತ್ತಡ ನಿವಾರಿಸಿ ಮನಸ್ಸು ರಿಲ್ಯಾಕ್ಸ್ ಆಗಿ, ಯೋಚನೆಗಳ ಹಾದಿ ಸುಗಮವಾಗುತ್ತದೆ. ನೆನಪಿನ ಶಕ್ತಿಯೂ ಹೆಚ್ಚುತ್ತದೆ. ಹೀಗಾಗಿ, ನೀವು ಹೆಚ್ಚು ಬುದ್ದಿವಂತರಾಗಿ ಕಾಣಬಹುದು ಕೂಡಾ!

- ವೇಗದ ನಡಿಗೆಯಿಂದ ಜೀರ್ಣಾಂಗ ವ್ಯವಸ್ಥೆ ಆರೋಗ್ಯಯುತವಾಗಿದ್ದು, ಗ್ಯಾಸ್ಟ್ರಿಕ್, ಮಲಬದ್ಧತೆ, ಅತಿಸಾರ ಮುಂತಾದ ಜೀರ್ಣಸಂಬಂಧಿ ಕಾಯಿಲೆಗಳನ್ನು ದೂರವಿಡಬಹುದು.

40 ನಿಮಿಷ ವಾಕ್ ಮಾಡಿ, ಕ್ಯಾನ್ಸರ್, ಹೃದ್ರೋಗ ದೂರವಿಡಿ

- ವೇಗದ ನಡಿಗೆ ಮೂಡ್ ಬೂಸ್ಟರ್ ಚಟುವಟಿಕೆಯಾದ್ದರಿಂದ ರಕ್ತದೊತ್ತಡದಂಥ ಜೀವನಶೈಲಿ ಕಾಯಿಲೆಗಳನ್ನೂ ದೂರವಿಡಬಹುದು. 

- ವಾಕಿಂಗ್ ಮೂಳೆಗಳ ಮೇಲೆ ಹೆಚ್ಚು ಒತ್ತಡ ಹಾಕುವುದಿಲ್ಲ. ಹೀಗಾಗಿ, ಆರ್ಥ್ರೈಟಿಸ್ ಇರುವವರೂ ವಾಕ್ ಮಾಡಬಹುದು.

-ಹೃದಯ ಹಾಗೂ ಶ್ವಾಸಕೋಶದ ಆರೋಗ್ಯ ಕಾಪಾಡುತ್ತದೆ. ಅಲ್ಲದೆ, ಉದ್ಯಾನದಲ್ಲಿ ನಡೆಯುವುದರಿಂದ ಒಳ್ಳೆಯ ಗಾಳಿಯನ್ನೂ ಉಸಿರಾಡಬಹುದು. 

Follow Us:
Download App:
  • android
  • ios