ತರಕಾರಿ ಒಣಗಿ ಹೋಗಿದ್ಯಾ ಚಿಂತೆ ಬಿಡಿ..! ಬೆಸ್ಟ್ ಕಿಚನ್ ಟಿಪ್ಸ್ ಇಲ್ಲಿದೆ ನೋಡಿ..!

First Published 1, Feb 2018, 4:30 PM IST
Best Kichen Tips
Highlights

ಅಡುಗೆ ಮಾಡುವಾಗ  ಎಲ್ಲವೂ ಫರ್ಫೆಕ್ಟ್ ಆಗಿ ತನ್ನ ಅಡುಗೆಯನ್ನು ಊಟ ಮಾಡಿದವರು ಮೆಚ್ಚಬೇಕು ಎನ್ನುವುದು ಪ್ರತೀ ಮಹಿಳೆಯರ ಬಯಕೆ ಆಗಿರುತ್ತದೆ. ಅದರಂತೆ ನಿಮ್ಮ ಅಡುಗೆಯ ಫರ್ಫೆಕ್ಟ್’ನೆಸ್’ಗೆ ಸಹಾಯ ಆಗುವಂತಹ ಕೆಲವು ಕಿಚನ್ ಟಿಪ್ಸ್’ಗಳನ್ನು ನಿಮಗೆ ನೀಡುತ್ತಿದ್ದೇವೆ.

ಬೆಂಗಳೂರು : ಅಡುಗೆ ಮಾಡುವಾಗ  ಎಲ್ಲವೂ ಫರ್ಫೆಕ್ಟ್ ಆಗಿ ತನ್ನ ಅಡುಗೆಯನ್ನು ಊಟ ಮಾಡಿದವರು ಮೆಚ್ಚಬೇಕು ಎನ್ನುವುದು ಪ್ರತೀ ಮಹಿಳೆಯರ ಬಯಕೆ ಆಗಿರುತ್ತದೆ. ಅದರಂತೆ ನಿಮ್ಮ ಅಡುಗೆಯ ಫರ್ಫೆಕ್ಟ್’ನೆಸ್’ಗೆ ಸಹಾಯ ಆಗುವಂತಹ ಕೆಲವು ಕಿಚನ್ ಟಿಪ್ಸ್’ಗಳನ್ನು ನಿಮಗೆ ನೀಡುತ್ತಿದ್ದೇವೆ.

-ಮನೆಯಲ್ಲಿ ತಂದಿಟ್ಟ ತರಕಾರಿ ಒಣಗಿ ಹೋಗಿದ್ಯಾ..? ಬೇಜಾರು ಮಾಡಿಕೊಳ್ಳಬೇಡಿ. ತರಕಾರಿಗಳನ್ನು ಚೆನ್ನಾಗಿ ತೊಳೆಯಿರಿ. ನೀರಿಗೆ ಸ್ವಲ್ಪ ಕಲ್ಲುಪ್ಪು ಹಾಕಿ. ಅದಕ್ಕೆ ತರಕಾರಿಗಳನ್ನು ಹಾಕಿ ರಾತ್ರಿ ಪೂರಾ ನೆನೆಸಿದರೆ ಬೆಳಗ್ಗೆ ತರಕಾರಿ ತಾಜವಾಗಿ ಮಿನುಗುತ್ತದೆ.

-ಸೊಪ್ಪು ಮತ್ತು ಹಸಿರು ತರಕಾರಿಗಳನ್ನು ಬಾಡಿಸುವಾಗ ಬಣ್ಣ ಮಾಸಿಹೋಗುತ್ತದೆ. ಹಸಿರು ಬಣ್ಣ ಹಾಗೆ ಉಳಿಯಬೇಕೆಂದರೆ ಚಿಟಿಕೆ ಪುಡಿ ಉಪ್ಪು ಹಾಕಿ ಬಾಡಿಸಿ.

-ಒಂದು ಸಣ್ಣ ಬಾಟಲ್’ನಲ್ಲಿ 2 ಚಮಚ ವಿನಿಗರ್ ಹಾಕಿ ಮುಚ್ಚಳ ಮುಚ್ಚಿ ಅಡುಗೆ ಮನೆಯಲ್ಲಿ ಇಡಿ. ಹುಳುಗಳು ಅಡುಗೆ ಮನೆಗೆ ಬರುವುದಿಲ್ಲ.

-ಗ್ಯಾಸ್ ಸ್ಟವ್, ಮಿಕ್ಸರ್ ಗ್ರೈಂಡರ್ ಸ್ವಚ್ಛ ಮಾಡುವಾಗ ಸ್ಕ್ರಬ್ ಸ್ವಲ್ಪ ಅಡುಗೆ ಸೋಡ ಹಾಕಿ ಸ್ವಚ್ಛ ಮಾಡುವುದರಿಂದ ಹೊಳೆಯುತ್ತವೆ.

-ದೋಸೆ ಹಾಕುವ ಮುನ್ನ ದೋಸೆ ಹಿಟ್ಟಿಗೆ ಸ್ವಲ್ಪ ಸಕ್ಕರೆ ಸೇರಿಸಿ ದೋಸೆ ಮಾಡಿದರೆ ದೋಸೆ ಬಣ್ಣ ಚನ್ನಾಗಿ ಬರುತ್ತದೆ.

-ಎಲ್ಲಾ ತರಹದ ಆಹಾರ ಪದಾರ್ಥಗಳನ್ನು ಫ್ರಿಜ್ನಲ್ಲಿ ಇಡುವುದರಿಂದ ವಾಸನೆ ಬರುತ್ತಿರುತ್ತದೆ. ಇದನ್ನು ಹೋಗಲಾಡಿಸಲು ಸಿಪ್ಪೆ ಸುಲಿದ ಹಸಿ ಆಲೂಗಡ್ಡೆಗೆ  ಉಪ್ಪು ಸವರಿ ಒಂದು ನೀರಿರುವ ಬಟ್ಟಲಿನಲ್ಲಿ ಹಾಕಿ ಇಡಿ.

-ಹಾಲನ್ನು ಕಾಯಿಸುವ ಮುನ್ನ ಹಾಲಿನ ಪಾತ್ರೆಯ ಒಳಭಾಗವನ್ನು ಸಂಪೂರ್ಣವಾಗಿ ಒದ್ದೆ ಮಾಡಿ ಕಾಯಿಸಿ ಇದರಿಂದ ಹಾಲಿನ ಕೆನೆ ಪಾತ್ರೆಗೆ ಅಂಟುವುದಿಲ್ಲ. ಪಾತ್ರೆಯನ್ನೂ ಕೂಡ ಸುಲಭವಾಗಿ ತೊಳೆಯಬಹುದಾಗಿದೆ.

-ಪುಳಿಯೊಗರೆ, ಚಿತ್ರಾನ್ನ, ವಾಂಗೀಬಾತ್ ಮಾಡಲು ಅನ್ನ ಉದುರಾಗಿರಲು  ಅನ್ನ ಮಾಡುವಾಗ ಸ್ವಲ್ಪ ಎಣ್ಣೆ ಅಥವಾ ನಿಂಬೆರಸ ಹಾಕಿದರೆ ಅನ್ನ ಬಿಡಿಬಿಡಿಯಾಗಿ ಹದವಾಗಿ ಆಗುತ್ತದೆ.

loader