Asianet Suvarna News Asianet Suvarna News

ಹೊಸಪೇಟೆ: ಹಂಪಿಯಲ್ಲಿ ಮತ್ತೆರಡು ಬ್ಯಾಟರಿ ಚಾಲಿತ ವಾಹ​ನ​ ಸೇವೆಗೆ ಸಿದ್ಧ

ಹಂಪಿಯಲ್ಲಿ ಪ್ರವಾಸಿಗರನ್ನು ಸಾಗಿ​ಸಲು ಎರಡು ಬ್ಯಾಟರಿ ಚಾಲಿತ ವಾಹ​ನ​ಗ​ಳ ಸಂಚಾ​ರಕ್ಕೆ ಸಿದ್ಧ|  ಬುಧ​ವಾ​ರ​ದಿಂದ ಪ್ರವಾ​ಸಿ​ಗ​ರ ಸೇವೆಗೆ| ಹಂಪಿಯಲ್ಲಿ ಎರಡು ಬ್ಯಾಟರಿ ಚಾಲಿತ ವಾಹನಗಳನ್ನು ಪ್ರವಾಸಿಗರಿಗೆ ಅನುಕೂಲ ಕಲ್ಪಿಸಿಕೊಟ್ಟಿರುವುದಕ್ಕೆ ಪ್ರವಾಸಿಗರಿಗೆ ಸಂತಸ|

Ready to Service the Battery Operated Vehicle in Hampi in Ballari District
Author
Bengaluru, First Published Jan 8, 2020, 12:42 PM IST
  • Facebook
  • Twitter
  • Whatsapp

ಹೊಸಪೇಟೆ(ಜ.08): ವಿಶ್ವವಿಖ್ಯಾತ ಹಂಪಿ​ಯಲ್ಲಿ ಬ್ಯಾಟರಿ ಚಾಲಿತ ವಾಹನ ಸಮಸ್ಯೆ ಅಧಿಕವಾಗಿರುವ ಹಿನ್ನೆಲೆಯಲ್ಲಿ ಹಂಪಿ ವಿಶ್ವ ಪರಂಪರೆ ಅಭಿ​ವೃದ್ಧಿ ನಿರ್ವ​ಹಣಾ ಪ್ರಾಧಿ​ಕಾರ ತಾತ್ಕಾ​ಲಿ​ಕ​ವಾಗಿ ಈಗ ಎರಡು ಬ್ಯಾಟರಿ ಚಾಲಿತ ವಾಹ​ನ​ಗಳ ಚಾಲ​ನೆಗೆ ಮುಂದಾಗಿದೆ.

ಹಂಪಿಯ ಗೆಜ್ಜಲ ಮಂಟ​ಪದಿಂದ ವಿಜ​ಯ​ವಿ​ಠಲ ದೇವಸ್ಥಾನ, ಸಪ್ತಸ್ವರ ಮಂಟಪ, ಕಲ್ಲಿನ ತೇರು ನೋಡಲು ಹೋಗುವಂತಹ ಪ್ರವಾಸಿಗರನ್ನು ಸಾಗಿ​ಸಲು ಎರಡು ಬ್ಯಾಟರಿ ಚಾಲಿತ ವಾಹ​ನ​ಗ​ಳ ಸಂಚಾ​ರಕ್ಕೆ ಹಂಪಿ ಪ್ರಾಧಿ​ಕಾರ ಈಗ ಕ್ರಮ ಕೈಗೊಂಡಿದ್ದು, ಮಂಗ​ಳ​ವಾರ ಎರಡೂ ವಾಹ​ನ​ಗಳು ಗೆಜ್ಜಲ ಮಂಟ​ಪ​ದಲ್ಲಿ ಬಂದು ಇಳಿ​ದಿದ್ದು, ಬುಧ​ವಾ​ರ​ದಿಂದ ಪ್ರವಾ​ಸಿ​ಗ​ರ ಸೇವೆಗೆ ಮುಂದಾಗಲಿದೆ.

ಹೊಸಪೇಟೆ: ಹಂಪಿಯಲ್ಲಿ ಮೂಲೆಗುಂಪಾದ ಬ್ಯಾಟರಿ ಚಾಲಿತ ವಾಹನ

ಜ. 10 ಮತ್ತು 11ರಂದು ಎರಡು ದಿನಗಳ ಕಾಲ ನಡೆ​ಯ​ಲಿ​ರುವ ಹಂಪಿ ಉತ್ಸವದ ಅಂಗ​ವಾಗಿ ದೇಶ-ವಿದೇ​ಶಿ ಪ್ರವಾ​ಸಿ​ಗರು, ಹೆಚ್ಚಿನ ಸಂಖ್ಯೆ​ಯಲ್ಲಿ ಹಂಪಿಗೆ ಆಗ​ಮಿ​ಸು​ತ್ತಿದ್ದಾರೆ. ಈ ಹಿನ್ನೆಲೆ​ಯಲ್ಲಿ ಹಂಪಿ ಪ್ರಾಧಿ​ಕಾರ ಒಟ್ಟು ಐದು ತಾತ್ಕಾ​ಲಿಕ ಬ್ಯಾಟರಿ ಚಾಲಿತ ವಾಹ​ನ​ಗ​ಳ ಸಂಚಾ​ರಕ್ಕೆ ಕ್ರಮ ಕೈಗೊಂಡಿ​ದೆ. ಇದರಲ್ಲಿ ಈಗ ಸಧ್ಯಕ್ಕೆ ಎರಡು ವಾಹನಗಳಿಗೆ ಚಾಲನೆ ನೀಡಲಿದ್ದಾರೆ. ಹಂಪಿಯಲ್ಲಿ ಎರಡು ಬ್ಯಾಟರಿ ಚಾಲಿತ ವಾಹನಗಳನ್ನು ಪ್ರವಾಸಿಗರಿಗೆ ಅನುಕೂಲ ಕಲ್ಪಿಸಿಕೊಟ್ಟಿರುವುದಕ್ಕೆ ಪ್ರವಾಸಿಗರು ಸ್ವಲ್ಪಮಟ್ಟಿಗೆ ಸಂತಸ ವ್ಯಕ್ತಪಡಿಸಿದ್ದಾರೆ.

ಈ ಕುರಿತು ಹಂಪಿ ‘ಮೂಲೆ ಸೇರಿದ 21 ಬ್ಯಾಟರಿ ಚಾಲಿತ ವಾಹನ’ ಎಂಬ ಶಿರ್ಷಿಕೆ ಅಡಿಯಲ್ಲಿ ಕನ್ನಡಪ್ರಭ ಹಾಗೂ ಸುವರ್ಣ ನ್ಯೂಸ್‌ನಲ್ಲಿ ಜ. 1 ರಂದು ವರದಿ ಪ್ರಕಟಿಸಿತ್ತು. ಈಗ ಹಂಪಿ ಪ್ರಾಧಿಕಾರ ಎಚ್ಚೆತ್ತುಕೊಂಡು ಎರಡು ಬ್ಯಾಟರಿ ಚಾಲಿತ ವಾಹನಗಳನ್ನು ಪ್ರವಾಸಿಗರ ಸಂಚಾರಕ್ಕೆ ವ್ಯವಸ್ಥೆ ಕಲ್ಪಿಸಿದ್ದಾರೆ.
 

Follow Us:
Download App:
  • android
  • ios