ಹುಮನಾಬಾದ(ಮಾ.18): ಕೊರೋನಾ, ಹಕ್ಕಿಜ್ವರ ಆತಂಕದ ನಡುವೆಯೇ ಬೀದರ್‌ ಜಿಲ್ಲೆಯ ಹುಮನಾಬಾದ್‌ ತಾಲೂಕಿನ ನಂದಗಾಂವ ಗ್ರಾಮದಲ್ಲಿ 100ಕ್ಕೂ ಅಧಿಕ ಹಂದಿಗಳು ಮೃತಪಟ್ಟಿದ್ದು, ಈ ಭಾಗದ ಜನರ ತಲ್ಲಣಗೊಳಿಸಿದೆ. 

ಕಳೆದ 3-4 ದಿನಗಳಿಂದ ಗ್ರಾಮದಲ್ಲಿ ಹಂದಿಗಳು ಪ್ರತಿನಿತ್ಯ ಸಾಯುತ್ತಿದ್ದು, ಸದ್ಯ ಗ್ರಾಮದ ಹೊರ ಭಾಗದಲ್ಲಿ ಹಳ್ಳ ತೆಗೆದು ಹಂದಿಗಳನ್ನು ಹೂಳಲಾಗುತ್ತಿದೆ. 

ಕೊರೋನಾ ಕಾಟ ಅಷ್ಟಿಷ್ಟಲ್ಲ: ಬರೀ ಕೆಮ್ಮಿದ್ದಕ್ಕೆ ಆ್ಯಂಬುಲೆನ್ಸ್‌ನಲ್ಲಿ ಆಸ್ಪತ್ರೆಗೆ ಸಾಗಿಸಿದ ಜನ!

ಗ್ರಾಪಂ ಅಧ್ಯಕ್ಷರು, ಉಪಾಧ್ಯಕ್ಷರು, ಪಿಡಿಒ ಸೇರಿದಂತೆ ಇತರ ಅಧಿಕಾರಿಗಳು ಗ್ರಾಮದಲ್ಲಿನ ಹಂದಿಗಳನ್ನು ಬೇರೆಡೆ ಸಾಗಿಸುವಂತೆ ಮಾಲೀಕರ ಮನವೊಲಿಸುತ್ತಿದ್ದು, ಕೂಡಲೇ ಮೇಲಾಧಿಕಾರಿಗಳು ಈ ಸಂಬಂಧ ಕಟ್ಟುನಿಟ್ಟಿನ ಕ್ರಮಕೈಗೊಳ್ಳಬೇಕೆಂದು ಗ್ರಾಮಸ್ಥರು ಆಗ್ರಹಿಸಿದ್ದಾರೆ.