ಕನ್ನಡದಲ್ಲಿ 500 ರೂ., ಇಂಗ್ಲಿಷ್‌ನಲ್ಲಿ 100 ರೂ. ದಂಡ, ಎಲ್ಲಪ್ಪಾ ಇದು?
ಸದ್ಯ ಸೋಶಿಯಲ್ ಮೀಡಿಯಾದಲ್ಲಿ ಈ ಬೋರ್ಡ್ ಒಂದು ಫುಲ್ ವೈರಲ್ ಆಗ್ತಿದೆ. ಹಾಗಾದರೆ ಆ ಬೋರ್ಡ್ ನಲ್ಲಿ ಅಂಥಾದ್ದೇನಿದೆ? ಕನ್ನಡದಲ್ಲಿ ಒಂದು ಸಂದೇಶ ಸಾರುತ್ತಿದ್ದರೆ ಇಂಗ್ಲಿಷ್ ನಲ್ಲಿ ಮತ್ತೊಂದು ಸಂದೇಶವಿದೆ. ಏನಪ್ಪಾ ಕತೆ ಮುಂದೆ ಓದಿ..
ಬೆಂಗಳೂರು(ಅ.23) ಇಲ್ಲಿ ಧೂಮಪಾನ ನಿಷೇಧಿಸಲಾಗಿದೆ, ಇಲ್ಲಿ ಕಸ ಎಸೆದರೆ ದಂಡ ವಿಧಿಸಲಾಗುವುದು, ಮದ್ಯಪಾನ ಮಾಡಿ ವಾಹನ ಚಾಲನೆ ಮಾಡಬೇಡಿ,, ಈ ರೀತಿಯ ಜಾಗೃತಿ ಮೂಡಿಸುವ ಫಲಕಗಳಿಗೆ ಮಹಾನಗರದಲ್ಲಿ ಕೊರತೆ ಇಲ್ಲ.
ಮೊದಲು ಇಂಗ್ಲಿಷ್ ನಲ್ಲಿ ಇರುತ್ತಿದ್ದ ಫಲಕಗಳು ಕನ್ನಡ ಪರ ಹೋರಾಟದ ನಂತರ ಇಂಗ್ಲಿಷ್ ಮತ್ತು ಕನ್ನಡ ಎರಡೂ ಭಾಷೆಯಲ್ಲಿ ಬರಲಾರಂಭಿಸಿದವು. ಆದರೆ ಈ ಬೋರ್ಡ್ ಮಾತ್ರ ಎಲ್ಲಕ್ಕಿಂತ ಭಿನ್ನ .. ಬೆಂಗಳೂರು ಬನಶಂಕರಿ ಬಸ್ ನಿಲ್ದಾಣದಲ್ಲಿ ಅಳವಡಿಕೆ ಮಾಡಿರುವ ಬೋರ್ಡ್ ನ ಕತೆ ಇದು.
ಇಲ್ಲಿ ಉಗುಳುವುದನ್ನು ನಿಷೇಧೀಸಲಾಗಿದೆ ಎಂದು ಬೋರ್ಡ್ ಹೇಳುತ್ತಿದೆ. ಆದರೆ ಮುಂದುವರಿದ ಭಾಗವಾಗಿ ಈ ನಿಯಮ ಉಲ್ಲಂಘಿಸಿದರೆ 500 ರೂ. ದಂಡ ವಿಧಿಸಲಾಗುವುದು ಎಂದು ಕನ್ನಡದಲ್ಲಿದ್ದರೆ ಇಂಗ್ಲಿಷ್ ನಲ್ಲಿ 100 ರೂ. ದಂಡ ಎಂದಿದೆ. ಹಾಗಾದರೆ ಕನ್ನಡದಲ್ಲಿ ಉಗುಳಿದರೆ 500 ರೂ. ದಂಡ ಇಂಗ್ಲಿಷ್ ನಲ್ಲಿ ಉಗುಳಿದರೆ 100 ರೂ. ದಂಡವೇ? ಎಂದು ಜಾಲತಾಣಗಳಲ್ಲಿ ಅಣಕವಾಡಲಾಗುತ್ತಿದೆ.
