ಕೊರೋನಾದಿಂದ ಏ.15ರ ವರೆಗೆ IPL ರದ್ದು, BCCI ನಿರ್ಧಾರಕ್ಕೆ ಕ್ರಿಕೆಟಿಗರ ಪ್ರತಿಕ್ರಿಯೆ!
ಕೊರೋನಾ ವೈರಸ್ನಿಂದ ಐಪಿಎಲ್ ಟೂರ್ನಿ ಎಪ್ರಿಲ್ 15ರ ವರೆಗೆ ರದ್ದಾಗಿದೆ. ಬಿಸಿಸಿಐ ನಿರ್ಧಾರಕ್ಕೆ ಐಪಿಎಲ್ ಫ್ರಾಂಚೈಸಿ, ಕ್ರಿಕೆಟಿಗರು ಹಾಗೂ ಅಭಿಮಾನಿಗಳು ಪ್ರತಿಕ್ರಿಯೆ ನೀಡಿದ್ದಾರೆ. ಈ ಕುರಿತ ಪ್ರಮುಖ ಪ್ರತಿಕ್ರಿಯೆ ವಿವರ ಇಲ್ಲಿದೆ.
ಮುಂಬೈ(ಮಾ.13): ಬಹುನಿರೀಕ್ಷಿತ ಐಪಿಎಲ್ 2020 ಟೂರ್ನಿಗೆ ಆರಂಭದಲ್ಲೇ ಕೊರೋನಾ ವೈರಸ್ ತಟ್ಟಿದೆ. ಮಾರ್ಚ್ 29ರಿಂದ ಆರಂಭವಾಗಬೇಕಿದ್ದ ಟೂರ್ನಿ ಇದೀಗ ಎಪ್ರಿಲ್ 15ರ ವರೆಗೆ ರದ್ದಾಗಿದೆ. ಆಟಗಾರರು, ಫ್ರಾಂಚೈಸಿ, ಅಭಿಮಾನಿಗಳ ಸುರಕ್ಷತೆಗಾಗಿ ಬಿಸಿಸಿಐ ಈ ನಿರ್ಧಾರ ಕೈಗೊಂಡಿದೆ.
ಕೊರೋನಾ ವೈರಸ್; IPL 2020 ಟೂರ್ನಿ ರದ್ದು ಮಾಡಿದ ಬಿಸಿಸಿಐ
8 ತಂಡಗಳ ಅಭಿಮಾನಿಗಳು ಐಪಿಎಲ್ ಟೂರ್ನಿಗಾಗಿ ಕಾಯುತ್ತಿದ್ದರು. ಆದರೆ ಕೊರೋನಾ ವೈರಸ್ ಹರಡುತ್ತಿರುವ ಕಾರಣ ಅಭಿಮಾನಿಗಳಿಗೆ ನಿರಾಸೆಯಾಗಿದೆ. ಇದೀಗ ಬಿಸಿಸಿಐ ನಿರ್ಧಾರ ಕುರಿತು ಐಪಿಎಲ್ ಫ್ರಾಂಚೈಸಿ, ಕ್ರಿಕೆಟಿಗರು ಹಾಗೂ ಅಭಿಮಾನಿಗಳು ಪ್ರತಿಕ್ರಿಯೆ ನೀಡಿದ್ದಾರೆ.