Winter Season 2022: 10 ರಾಜ್ಯಗಳಲ್ಲಿ ಶೀತಮಾರುತದ ಎಚ್ಚರಿಕೆ ನೀಡಿದ ಹವಾಮಾನ ಇಲಾಖೆ!
ಅಕ್ಟೋಬರ್ ತಿಂಗಳು ಇನ್ನೇನು ಮುಕ್ತಾಯವಾಗಿದೆ. ಈ ನಡುವೆಯೇ ಹವಮಾನ ಇಲಾಖೆಯ ಎಚ್ಚರಿಕೆಯೂ ಬಂದಿದ್ದು, ಮುಂದಿನ ಎಂಟು ದಿನಗಳಲ್ಲಿ ದೇಶದ ಕನಿಷ್ಠ 10 ರಾಜ್ಯಗಳಲ್ಲಿ ತಾಪಮಾನ ಸಾಕಷ್ಟು ಕುಗ್ಗಲಿದೆ. ಶೀತಮಾರುತದ ಬಗ್ಗೆ ಎಚ್ಚರಿಕೆಯಿಂದ ಇರುವಂತೆ ಹೇಳಿದೆ.
 )
Followನವದೆಹಲಿ (ಅ. 29): ಅಕ್ಟೋಬರ್ ತಿಂಗಳು ಕಳೆದಂತೆ ದೇಶಾದ್ಯಂತ ವಾತಾವರಣವೂ ಬದಲಾಗಲಿದೆ. ದೇಶದಲ್ಲಿ ಏಕಕಾಲದಲ್ಲಿ ಸಕ್ರಿಯವಾಗಿರುವ ಎರಡು ಹವಾಮಾನದ ಅಲೆಗಳ ಅಡಚಣೆಗಳು 10 ರಾಜ್ಯಗಳಲ್ಲಿ ತೀವ್ರ ಮಟ್ಟದ ಚಳಿಯನ್ನು ತರಲಿದೆ. ಪಂಜಾಬ್, ಹರಿಯಾಣ, ದೆಹಲಿ, ಉತ್ತರ ಪ್ರದೇಶ, ರಾಜಸ್ಥಾನ, ಗುಜರಾತ್, ಮಧ್ಯಪ್ರದೇಶ, ಮಹಾರಾಷ್ಟ್ರ, ಛತ್ತೀಸ್‌ಗಢ, ಒಡಿಶಾ ಮತ್ತು ತೆಲಂಗಾಣ ರಾಜ್ಯಗಳಲ್ಲಿ ನವೆಂಬರ್ 6 ಮತ್ತು 7 ರ ನಡುವೆ ತಾಪಮಾನವು ತೀವ್ರವಾಗಿ ಕುಸಿಯುತ್ತದೆ. ಹಗಲು ಮತ್ತು ರಾತ್ರಿ ತಾಪಮಾನದ ನಡುವಿನ ವ್ಯತ್ಯಾಸವು 11 ರಿಂದ 17 ಡಿಗ್ರಿ ವರೆಗೆ ಇರಲಿದೆ ಎಂದು ನಂಬಲಾಗಿದೆ. ಪ್ರಸ್ತುತ ಉತ್ತರ ಮತ್ತು ಪಶ್ಚಿಮದಿಂದ ಮಧ್ಯ ಭಾರತಕ್ಕೆ ಶುಷ್ಕ ವಾಯುವ್ಯ ಮಾರುತಗಳು ಬೀಸುತ್ತಿವೆ ಎಂದು ಹವಾಮಾನ ಇಲಾಖೆ ತಿಳಿಸಿದೆ. ಉತ್ತರದ ಪರ್ವತಗಳ ಮೇಲೆ ಹಿಮಬಿದ್ದ ನಂತರ, ಈ ಮಾರುತಗಳು ಹಿಮಭರಿತ ಪ್ರದೇಶಗಳ ಮೂಲಕ ಹಾದು ಹೋಗುತ್ತವೆ ಈ ಮಾರುಗಳು ಮತ್ತಷ್ಟು ತಂಪಾಗಿ ಮಧ್ಯ ಭಾರತವನ್ನು ತಲುಪುತ್ತವೆ. ಇವುಗಳಿಂದಾಗಿ, ನವೆಂಬರ್ 6 ರಿಂದ, ದೇಶದಲ್ಲಿ ಎರಡು ಹವಾಮಾನದ ಅಲೆಗಳ ಅವಾಂತರಗಳಿಂದಾಗಿ, ಉತ್ತರದಿಂದ ಮಧ್ಯ ಭಾರತದವರೆಗೆ ಹಗಲಿನಲ್ಲಿಯೂ ಚಳಿಯ ಅನುಭವವಾಗಲಿದೆ ಎಂದು ಎಚ್ಚರಿಸಿದ್ದಾರೆ.
ಹಗಲಿನಲ್ಲಿ ಹವಾಮಾನವು ಸ್ಪಷ್ಟ: ಚಳಿಗಾಲವು ಬೆಳಿಗ್ಗೆ ಮತ್ತು ಸಂಜೆಯ ಸಮಯದಲ್ಲಿ ಹೆಚ್ಚಾಗುತ್ತದೆ. ಮುಂದಿನ ವಾರದಿಂದ, ಗುಜರಾತ್, ರಾಜಸ್ಥಾನ ಮತ್ತು ಮಧ್ಯಪ್ರದೇಶದಲ್ಲಿ ಸ್ಪಷ್ಟವಾದ ಆಕಾಶದಿಂದಾಗಿ, ಚಳಿಗಾಲದ ಅನುಭವವು ರಾತ್ರಿಯಿಂದ ಬೆಳಗಿನವರೆಗೆ ಇರುತ್ತದೆ. ಆದರೆ ಮಧ್ಯಾಹ್ನದ ತಾಪಮಾನವು 30 ರಿಂದ 35 ಡಿಗ್ರಿಗಳ ನಡುವೆ ಇರುತ್ತದೆ. ಮಧ್ಯ ಭಾರತದ ಭಾಗಗಳಲ್ಲಿ ಬೆಳಿಗ್ಗೆ ಮತ್ತು ಸಂಜೆಯ ಸಮಯದಲ್ಲಿ ಮಂಜು ಮತ್ತು ಮಂಜು ಮುಸುಕಿದ ವಾತಾವರಣ ಕಾಣಬಹುದು. ತುಂಬಾ ತೆರೆದ ಸ್ಥಳಗಳಲ್ಲಿ ಲಘು ಮಂಜಿನ ಮಳೆ ಸಹ ಬೀಳಬಹುದು. ಮತ್ತೊಂದೆಡೆ, ಬಿಹಾರ, ಜಾರ್ಖಂಡ್, ಪಶ್ಚಿಮ ಬಂಗಾಳ ಮತ್ತು ಇಡೀ ಈಶಾನ್ಯ ರಾಜ್ಯಗಳಲ್ಲಿ ಹವಾಮಾನ (Weather) ಶುಷ್ಕವಾಗಿರುತ್ತದೆ. ಮುಂದಿನ ಒಂದು ವಾರದಲ್ಲಿ ತಾಪಮಾನವು ಕ್ರಮೇಣ ಕಡಿಮೆಯಾಗುತ್ತದೆ.
ಹೆಚ್ಚು ಮಳೆಯಾದರೂ ಚಳಿಗಾಲದ ಮೇಲೆ ಪರಿಣಾಮವಿಲ್ಲ: ಹೆಚ್ಚು ಕಡಿಮೆ ಮಳೆಗೂ ಚಳಿಗಾಲಕ್ಕೂ ಸಂಬಂಧವಿಲ್ಲ ಎಂದು ಹವಾಮಾನ ಇಲಾಖೆ ( Indian Meteorological Department) ದಾಖಲೆಗಳು ಹೇಳುತ್ತವೆ. ಈ ಬಾರಿ ವಾಡಿಕೆಗಿಂತ ಶೇ.6ರಷ್ಟು ಹೆಚ್ಚು ಮಳೆಯಾಗಿದೆ. ಮುಂಗಾರು ನಂತರವೂ ಶೇ.65ರಷ್ಟು ಹೆಚ್ಚು ಮಳೆಯಾಗಿದೆ. ಮುಂಗಾರು ಹೊರಡುವುದು ತಡವಾದರೆ ಚಳಿಗಾಲವೂ ಜಾಸ್ತಿ ಆಗಲಿದೆ ಎಂದು ಹೇಳಲಾಗದು ಎಂದಿದೆ.
Winter Food: ಚಳಿಗಾಲದಲ್ಲಿ ನಿಮ್ಮನ್ನು ಬೆಚ್ಚಗಿರಿಸುವ ಸ್ವಾದಿಷ್ಟ ತಿನಿಸುಗಳಿವು
ಈ ಬಾರಿ ಹೆಚ್ಚು ಚಳಿಗಾಲಕ್ಕೆ ಲಾ-ನಿನಾ ಕಾರಣ : ವಿಶ್ವ ಹವಾಮಾನ ಸಂಸ್ಥೆಯ (World Meteorological Organization) ಪ್ರಕಾರ, ಉತ್ತರ ಗೋಳಾರ್ಧದಲ್ಲಿ 2022-23 ರ ಚಳಿಗಾಲದಲ್ಲಿ ಲಾ-ನಿನಾ ಚಟುವಟಿಕೆಗಳು ಮುಂದುವರಿಯುತ್ತವೆ. ಅಂದರೆ 2023ರ ಮಾರ್ಚ್ ವರೆಗೆ ಉಳಿಯುವ ಸಾಧ್ಯತೆ ಇದೆ.ಇದರಿಂದ ಮುಂದಿನ ನಾಲ್ಕು ತಿಂಗಳ ಕಾಲ ಚಳಿ ಇರಬಹುದು.
ದೆಹಲಿ ವಾಯು ಗುಣಮಟ್ಟ ತೀರಾ ಕುಸಿತ : ನಿನ್ನೆ ಈ ವರ್ಷದ ಅತಿ ಮಲಿನ ದಿನ
ಕಳೆದ ಬಾರಿಗಿಂತ ಚಳಿಯ ದಿನಗಳು ಹೆಚ್ಚಲಿವೆ: ಈ ವರ್ಷ ಚಳಿಯ (Winter Days) ದಿನಗಳು ಸರಾಸರಿಗಿಂತ ಹೆಚ್ಚಾಗಿರುತ್ತದೆ. ಲಾ ನಿನಾ ಪರಿಸ್ಥಿತಿಗಳು ಮುಂದುವರಿದ ಕಾರಣ ಸತತ ಮೂರನೇ ಚಳಿಗಾಲ ಇದಾಗಿದೆ. ಇದರ ಪರಿಣಾಮ ಬಂಗಾಳಕೊಲ್ಲಿಯಲ್ಲೂ ಗೋಚರಿಸಲಿದೆ. ಇತ್ತೀಚಿಗೆ ಹಾದುಹೋದ ಚಂಡಮಾರುತದ ಸಿತ್ರಂಗ್‌ದಂತೆಯೇ, ಮುಂದಿನ ಎರಡು ಮೂರು ತಿಂಗಳಲ್ಲಿ ಹಲವಾರು ಚಂಡಮಾರುತಗಳು ಅಭಿವೃದ್ಧಿಗೊಳ್ಳುವ ಸಾಧ್ಯತೆಯಿದೆ.
2019 ಶತಮಾನದ ಎರಡನೇ ಅತ್ಯಂತ ಶೀತ ವರ್ಷ: ಹಿಂದೂ ಮಹಾಸಾಗರದ ದ್ವಿಧ್ರುವಿ (IOD) ಪರಿಸ್ಥಿತಿಗಳು ಈ ವರ್ಷ ತಟಸ್ಥವಾಗಿವೆ. ಹವಾಮಾನ ತಜ್ಞರು ಇತ್ತೀಚಿನ ವರ್ಷಗಳಲ್ಲಿ, 2020 ರಿಂದ 2022 ರವರೆಗಿನ ಮೂರು ಲಾ ನಿನಾ ವರ್ಷಗಳ ಮೊದಲು, 2019 ಶತಮಾನದ ಎರಡನೇ ಅತ್ಯಂತ ಶೀತ ವರ್ಷವಾಗಿತ್ತು, ಆ ವರ್ಷ ದೇಶದ ಅನೇಕ ಭಾಗಗಳಲ್ಲಿ ಶೀತ ದಿನಗಳ ಸಂಖ್ಯೆಯು ಎರಡು ಪಟ್ಟು ಹೆಚ್ಚು ಎಂದು ಎಚ್ಚರಿಸಿದ್ದಾರೆ. ಆದರೆ, 2019ರಷ್ಟಿಲಿಕ್ಕಿರಲಿಲ್ಲ ಎಂದಿದ್ದಾರೆ.
