ಗುರುವಾರ, ಏಪ್ರಿಲ್ 10, 2025 ರಂದು, 26/11 ಮುಂಬೈ ಭಯೋತ್ಪಾದಕ ದಾಳಿಯ ಮಾಸ್ಟರ್ಮೈಂಡ್ ತಹವ್ವೂರ್ ರಾಣಾನನ್ನು ಅಮೆರಿಕದಿಂದ ಭಾರತಕ್ಕೆ ಕರೆತರಲಾಗಿದೆ. ರಾಷ್ಟ್ರೀಯ ತನಿಖಾ ಸಂಸ್ಥೆ (ಎನ್ಐಎ) ಹೇಳಿಕೆಯ ಪ್ರಕಾರ, ಹಲವು ವರ್ಷಗಳ ರಾಜತಾಂತ್ರಿಕ ಮತ್ತು ಕಾನೂನು ಪ್ರಯತ್ನಗಳ ನಂತರ ಈ ಹಸ್ತಾಂತರ ಯಶಸ್ವಿಯಾಗಿದೆ. ರಾಣಾನನ್ನು ದೆಹಲಿಯ ಎನ್ಐಎ ವಿಶೇಷ ನ್ಯಾಯಾಲಯದಲ್ಲಿ ಶೀಘ್ರದಲ್ಲೇ ಹಾಜರುಪಡಿಸಲಾಗುವುದು.
Tahawwur Rana extradition updates: ಗುರುವಾರ, ಏಪ್ರಿಲ್ 10, 2025 ರಂದು, 26/11 ಮುಂಬೈ ಭಯೋತ್ಪಾದಕ ದಾಳಿಯ ಮಾಸ್ಟರ್ಮೈಂಡ್ ತಹವ್ವೂರ್ ರಾಣಾನನ್ನು ಅಮೆರಿಕದಿಂದ ಭಾರತಕ್ಕೆ ಕರೆತರಲಾಗಿದೆ. ರಾಷ್ಟ್ರೀಯ ತನಿಖಾ ಸಂಸ್ಥೆ (ಎನ್ಐಎ) ಹೇಳಿಕೆಯ ಪ್ರಕಾರ, ಹಲವು ವರ್ಷಗಳ ರಾಜತಾಂತ್ರಿಕ ಮತ್ತು ಕಾನೂನು ಪ್ರಯತ್ನಗಳ ನಂತರ ಈ ಹಸ್ತಾಂತರ ಯಶಸ್ವಿಯಾಗಿದೆ. ರಾಣಾನನ್ನು ದೆಹಲಿಯ ಎನ್ಐಎ ವಿಶೇಷ ನ್ಯಾಯಾಲಯದಲ್ಲಿ ಶೀಘ್ರದಲ್ಲೇ ಹಾಜರುಪಡಿಸಲಾಗುವುದು.
ಮೋದಿ ಸರ್ಕಾರವನ್ನ ಶ್ಲಾಘಿಸಿದ ಕಾಂಗ್ರೆಸ್ ನಾಯಕ:
ಈ ಸಂದರ್ಭದಲ್ಲಿ ಮಾತನಾಡಿದ ಮಾಜಿ ಕೇಂದ್ರ ಗೃಹ ಸಚಿವ ಮತ್ತು ಹಿರಿಯ ಕಾಂಗ್ರೆಸ್ ನಾಯಕ ಸುಶೀಲ್ ಕುಮಾರ್ ಶಿಂಧೆ, ಮೋದಿ ಸರ್ಕಾರದ ಈ ಯಶಸ್ಸನ್ನು ಶ್ಲಾಘಿಸಿದ್ದಾರೆ. 'ತಹವ್ವೂರ್ ರಾಣಾನನ್ನು ಭಾರತಕ್ಕೆ ಕರೆತರುವ ಪ್ರಯತ್ನವನ್ನು ಬಿಜೆಪಿ ಸರ್ಕಾರ ಬಹಳ ಸಮಯದಿಂದ ಮಾಡುತ್ತಿತ್ತು. ಈಗ ಅದು ಯಶಸ್ವಿಯಾಗಿದೆ. ಎನ್ಐಎ ಈಗ ಕೂಲಂಕಷವಾಗಿ ತನಿಖೆ ನಡೆಸಿ ನ್ಯಾಯ ಒದಗಿಸುತ್ತದೆ ಎಂದು ನಾನು ಭಾವಿಸುತ್ತೇನೆ. ಪ್ರಧಾನಿ ಮೋದಿ ಆಗಲಿ, ಭಾರತ ಸರ್ಕಾರವಾಗಲಿ, ಹೇಗಾದರೂ ರಾಣಾನನ್ನು ಇಲ್ಲಿಗೆ ಕರೆತರಲಾಗಿದೆ. ಇದು ಒಳ್ಳೆಯ ಕೆಲಸವಾಗಿದೆ' ಎಂದು ಶಿಂಧೆ ಹೇಳಿದರು.
ಇದನ್ನೂ ಓದಿ: ತಹವ್ವುರ್ ರಾಣಾ ವಿಚಾರಣೆಯಿಂದ ಪಾಕ್ಗೆ ಏಕೆ ಈ ಪರಿ ಭಯ?
ಸರ್ಕಾರವನ್ನು ಹೊಗಳುವುದರಲ್ಲಿ ತಪ್ಪಲ್ಲ:
ತನಿಖೆಯ ನಂತರ ಎಲ್ಲಾ ಸತ್ಯ ಹೊರಬರುತ್ತದೆ. ಈ ಸರ್ಕಾರ ಒಳ್ಳೆಯ ಕೆಲಸ ಮಾಡಿದೆ. ನಾವು ಅವರನ್ನು (ಕೇಂದ್ರ ಸರ್ಕಾರವನ್ನು) ಹೊಗಳುತ್ತೇವೆ. ಅವರನ್ನು ಶ್ಲಾಘಿಸುವುದರಲ್ಲಿ ಯಾವುದೇ ತಪ್ಪಿಲ್ಲ, ಏಕೆಂದರೆ ಇದು ದೀರ್ಘಕಾಲದ ಸಮಸ್ಯೆಯಾಗಿತ್ತು ಎಂದು ಸುಶೀಲ್ ಕುಮಾರ್ ಶಿಂಧೆ ಮತ್ತಷ್ಟು ಸ್ಪಷ್ಟಪಡಿಸಿದರು. ರಾಣಾನನ್ನು ನ್ಯಾಯಾಲಯದ ಆದೇಶದ ನಂತರ ದೆಹಲಿಯ ತಿಹಾರ್ ಜೈಲಿನ ಹೆಚ್ಚಿನ ಭದ್ರತೆಯ ವಾರ್ಡ್ನಲ್ಲಿ ಇರಿಸುವ ಸಾಧ್ಯತೆ ಇದೆ ಎಂದು ಮೂಲಗಳು ತಿಳಿಸಿವೆ.
ಶಿಂಧೆ ಹೇಳಿಕೆ, ವಿರೋಧ ಪಕ್ಷಗಳ ಸ್ವಾಗತ
2008ರ ಮುಂಬೈ ದಾಳಿಯ ಸಂದರ್ಭದಲ್ಲಿ ಸುಶೀಲ್ ಕುಮಾರ್ ಶಿಂಧೆ ಗೃಹ ಸಚಿವರಾಗಿದ್ದರು. 2012ರಲ್ಲಿ ದಾಳಿಯಲ್ಲಿ ಜೀವಂತವಾಗಿ ಸಿಕ್ಕಿಬಿದ್ದ ಏಕೈಕ ಭಯೋತ್ಪಾದಕ ಅಜ್ಮಲ್ ಕಸಬ್ನನ್ನು ಪುಣೆಯ ಯೆರವಾಡ ಜೈಲಿನಲ್ಲಿ ಗಲ್ಲಿಗೇರಿಸಲಾಗಿತ್ತು. ಈಗ ತಹವ್ವೂರ್ ರಾಣಾ ಹಸ್ತಾಂತರವನ್ನು ಸ್ವಾಗತಿಸಿರುವ ಶಿಂಧೆ ಜೊತೆಗೆ, ಇತರ ವಿರೋಧ ಪಕ್ಷದ ನಾಯಕರು ಸಹ ಈ ಕ್ರಮವನ್ನು ಪ್ರಶಂಸಿಸಿದ್ದಾರೆ. 'ಇದು 26/11 ದಾಳಿಯ ಗಾಯಗಳಿಗೆ ನ್ಯಾಯ ಒದಗಿಸುವ ದಿಕ್ಕಿನಲ್ಲಿ ಒಂದು ಹೆಜ್ಜೆಯಾಗಿದೆ' ಎಂದು ಶಿಂಧೆ ತಮ್ಮ ಹೇಳಿಕೆಯಲ್ಲಿ ತಿಳಿಸಿದರು.
ಇದನ್ನೂ ಓದಿ: ಇದನ್ನೂ ಓದಿ: No Chicken, No Mutton! 26/11 ದಾಳಿಯ ಮಾಸ್ಟರ್ ಮೈಂಡ್ ತಹಾವೂರ್ ರಾಣಾಗೆ ಭಾರತದ ಜೈಲಲ್ಲಿ ಈ ಊಟವೇ ಗತಿ!
ಮುಂದಿನ ನಡೆ ಏನು?
ಎನ್ಐಎ ತನಿಖೆಯನ್ನು ತೀವ್ರಗೊಳಿಸಲಿದ್ದು, ರಾಣಾನನ್ನು ಮುಂಬೈ ದಾಳಿಯ ಯೋಜನೆಯಲ್ಲಿ ಆತನ ಪಾತ್ರಕ್ಕೆ ಸಂಬಂಧಿಸಿದ ಎಲ್ಲಾ ಸಾಕ್ಷ್ಯಗಳನ್ನು ನ್ಯಾಯಾಲಯದ ಮುಂದೆ ಮಂಡಿಸಲಿದೆ. ಈ ಘಟನೆಯು ಭಾರತದ ಭಯೋತ್ಪಾದನೆ ವಿರುದ್ಧದ ಹೋರಾಟದಲ್ಲಿ ಮಹತ್ವದ ಮೈಲಿಗಲ್ಲು ಎಂದು ಪರಿಗಣಿಸಲಾಗಿದೆ.
