ಭಗವದ್ಗೀತೆ ಪ್ರತಿ, ಪ್ರಧಾನಿ ಫೋಟೋದೊಂದಿಗೆ ಕಕ್ಷೆಗೆ ಹಾರಲಿದೆ PSLV ಸತೀಶ್ ಧವನ್ ಉಪಗ್ರಹ!
ನಭೋಮಂಡಲಕ್ಕೆ ಹಾರಲು ನ್ಯಾನೋ ಸ್ಯಾಟಲೈಟ್ ಸಜ್ಜಾಗಿದೆ. ಆದರೆ ಕಕ್ಷೆಗೆ ಹಾರಲಿರುವ ಸತೀಶ್ ಧವನ್(SD-SAT) ಉಪಗ್ರಹದಲ್ಲಿ ಹಲವು ವಿಶೇಷತೆಗಳಿವೆ. ಈ ಉಪಗ್ರಹ ಭಗವದ್ಗೀತೆಯ ಪ್ರತಿ ಹಾಗೂ ಪ್ರಧಾನಿ ನರೇಂದ್ರ ಮೋದಿ ಭಾವಚಿತ್ರದೊಂದಿಗೆ ಉಡಾವಣೆಯಾಗಲಿದೆ. ಈ ಕುರಿತ ಹೆಚ್ಚಿನ ವಿವರ ಇಲ್ಲಿದೆ.
ಶ್ರೀಹರಿಕೋಟ(ಫೆ.15): ISRO ನ್ಯಾನೋ ಉಪಗ್ರಹ ಉಡಾವಣೆಗೆ ಸಜ್ಜಾಗಿದೆ. ಈ ಉಪಗ್ರಹಕ್ಕೆ ದೇಶದ ಬಾಹ್ಯಾಕಾಶ ಪಿತಾಮಹ ಎಂದೇ ಗುರುತಿಸಿಕೊಂಡಿರುವ ಸತೀಶ್ ಧವನ್ ಹೆಸರನ್ನು ಇಡಲಾಗಿದೆ. ಈ ಉಪಗ್ರಹದಲ್ಲಿ ಹಲವು ವಿಶೇಷತೆಗಳಿವೆ. ಈ ಉಪಗ್ರಹ ಭಗವದ್ಗೀತೆಯ ಪ್ರತಿ ಹಾಗೂ ಪ್ರಧಾನಿ ನರೇಂದ್ರ ಮೋದಿಯ ಭಾವಚಿತ್ರವನ್ನು ಹೊತ್ತು ನಭೋಮಂಡಲಕ್ಕೆ ಹಾರಲಿದೆ.
ಹೊಸ ವರ್ಷದ ಮೊದಲ ಸಾಹಸಕ್ಕೆ ಇಸ್ರೋ ಸಜ್ಜು
ಭಗವದ್ಗೀತೆ ಹಾಗೂ ಮೋದಿ ಬಾವಚಿತ್ರದ ಜೊತೆ 25,000 ಸಾಧಕರ ಹೆಸರನ್ನು ಈ ನ್ಯಾನೋ ಸ್ಯಾಟಲೈಟ್ ಹೊತ್ತೊಯ್ಯಲಿದೆ. ಸತೀಶ್ ಧವನ್(SD-SAT) ಉಪಗ್ರಹ ಮೂರು ವೈಜ್ಞಾನಿಕ ಪೇಲೋಡ್ ಹೊತ್ತೊಯ್ಯಲಿದೆ. ಬಾಹ್ಯಾಕಾಶ ವಿಕಿರಣ ಅಧ್ಯಯನ, ಮ್ಯಾಗ್ನೋಟೋಸ್ಟಿ ಹಾಗೂ ಸಂವಹನ ಜಾಲ ಪೇಲೋಡ್‌ನ್ನು ಹೊತ್ತೊಯ್ಯಲಿದೆ.
ವಿದ್ಯಾರ್ಥಿಗಳ ಉಪಗ್ರಹ ಉಡಾವಣೆಗೆ ಸಿದ್ಧ; ವೆಚ್ಚ ಎಷ್ಟು ಗೊತ್ತಾ?.
ಅಮೆರಿಕ ಸೇರಿದಂತೆ ಹಲವು ಇತರ ರಾಷ್ಟ್ರಗಳು ಉಪಗ್ರಹದಲ್ಲಿ ಬೈಬಲ್ ಪ್ರತಿ ಕಳುಹಿಸಿದೆ. ಈ ಬಾರಿ ಭಾರತದ ಮೊದಲ ಭಾರಿಗೆ ಹಿಂದೂ ಪವಿತ್ರ ಗ್ರಂಥ ಭವದ್ಗೀತೆ ಹೊತ್ತು ಕಕ್ಷೆಗೆ ಹಾರಲಿದೆ. ಇನ್ನು ಸ್ವದೇಶಿ ನಿರ್ಮಿತ ಸ್ಯಾಟಲೈಟ್ ಆಗಿದ್ದು, ಪ್ರಧಾನಿ ಮೋಧಿ ಭಾವಚಿತ್ರ ಹಾಗೂ ಆತ್ಮನಿರ್ಭರ್ ಭಾರತ್ ಮಿಷನ್ ಪದಗಳನ್ನು ಈ ಉಪಗ್ರಹದಲ್ಲಿ ಅಚ್ಚಡಿಸಲಾಗಿದೆ. ಇಸ್ರೋ ಅಧ್ಯಕ್ಷ ಡಾ.ಕೆ.ಶಿವನ್ ಮತ್ತು ವೈಜ್ಞಾನಿಕ ಕಾರ್ಯದರ್ಶಿ ಡಾ.ಆರ್.ಉಮಾಮಹೇಶ್ವರನ್ ಅವರ ಹೆಸರನ್ನು ಸೇರಿಸಲಾಗಿದೆ.
ಸ್ಪೇಸ್ ಕಿಡ್ಜ್ ಇಂಡಿಯಾ ಸಂಸ್ಥೆ ನ್ಯಾನೋ ಸ್ಯಾಟಲೈಟ್ ಅಭಿವೃದ್ಧಿ ಪಡಿಸಿದೆ. ಭಾರತೀಯ ವಿದ್ಯಾರ್ಥಿಗಳಲ್ಲಿ ಬಾಹ್ಯಾಕಾಶ ವಿಜ್ಞಾನವನ್ನು ಉತ್ತೇಜಿಸುವ ಉದ್ದೇಶದಿಂದ ಈ ಯೋಜನೆಗೆ ಕೈಹಾಕಿದೆ.
