1 ವಾರದಲ್ಲಿ ಅಶ್ಲೀಲ ವಿಡಿಯೋ ತೆಗೆದುಹಾಕಿ: ಟ್ವೀಟರ್ಗೆ ಮಹಿಳಾ ಆಯೋಗ ಸೂಚನೆ!
* ಎಲ್ಲಾ ಅಶ್ಲೀಲ ಮತ್ತು ಅಸಭ್ಯ ವಿಚಾರಗಳನ್ನು ಒಳಗೊಂಡಿರುವ ವಿಷಯಗಳನ್ನು 1 ವಾರದಲ್ಲಿ ತೆಗೆದು ಹಾಕಿ
* ಟ್ವೀಟರ್ ಇಂಡಿಯಾದ ವ್ಯವಸ್ಥಾಪಕ ನಿರ್ದೇಶಕರಿಗೆ ರಾಷ್ಟ್ರೀಯ ಮಹಿಳಾ ಆಯೋಗ ಸೂಚನೆ
* 10 ದಿನಗಳ ಒಳಗಾಗಿ ಮಾಹಿತಿ ಸಲ್ಲಿಸುವಂತೆಯೂ ಸೂಚನೆ
ನವದೆಹಲಿ(ಜು.01): ಟ್ವೀಟರ್ ವೇದಿಕೆಯಲ್ಲಿರುವ ಎಲ್ಲಾ ಅಶ್ಲೀಲ ಮತ್ತು ಅಸಭ್ಯ ವಿಚಾರಗಳನ್ನು ಒಳಗೊಂಡಿರುವ ವಿಷಯಗಳನ್ನು ಮುಂದಿನ ಒಂದು ವಾರದಲ್ಲಿ ತೆಗೆದು ಹಾಕುವಂತೆ ಟ್ವೀಟರ್ ಇಂಡಿಯಾದ ವ್ಯವಸ್ಥಾಪಕ ನಿರ್ದೇಶಕರಿಗೆ ರಾಷ್ಟ್ರೀಯ ಮಹಿಳಾ ಆಯೋಗ ಸೂಚನೆ ನೀಡಿದೆ.
ಲ್ಲದೆ ಈ ಕುರಿತಾಗಿ ಟ್ವೀಟರ್ ಕೈಗೊಂಡಿರುವ ಕ್ರಮದ ಬಗ್ಗೆ 10 ದಿನಗಳ ಒಳಗಾಗಿ ಮಾಹಿತಿ ಸಲ್ಲಿಸುವಂತೆಯೂ ಸೂಚಿಸಿದೆ. ಜೊತೆಗೆ ಈ ಸಂಬಂಧ ತನಿಖೆ ನಡೆಸಿ ಕಠಿಣ ಕಾನೂನು ಕ್ರಮ ಕೈಗೊಳ್ಳುವಂತೆ ದೆಹಲಿ ಪೊಲೀಸ್ ಆಯುಕ್ತರಿಗೆ ರಾಷ್ಟ್ರೀಯ ಮಹಿಳಾ ಆಯೋಗದ ಅಧ್ಯಕ್ಷೆ ರೇಖಾ ಶರ್ಮಾ ಪತ್ರ ಮುಖೇನ ಕೋರಿದ್ದಾರೆ.
ಮತ್ತೊಂದೆಡೆ ಟ್ವೀಟರ್ ವೇದಿಕೆಯಲ್ಲಿ ಮಕ್ಕಳ ಅಶ್ಲೀಲ ಅಂಶಗಳನ್ನು ಪ್ರಸಾರ ನಿಯಂತ್ರಣಕ್ಕೆ ಕೈಗೊಂಡ ಕ್ರಮಗಳ ವಿವರ ನೀಡುವಂತೆ ಟ್ವೀಟರ್ ಇಂಡಿಯಾಗೆ ದೆಹಲಿ ಪೊಲೀಸರು ಸಹ ಪ್ರತ್ಯೇಕ ನೋಟಿಸ್ ನೀಡಿದ್ದಾರೆ. ಈ ಕುರತು ಮಂಗಳವಾರವೇ ಎಫ್ಐಆರ್ ದಾಖಲಾಗಿತ್ತು.