* ಎನ್ಸಿಪಿ ಮುಖ್ಯಸ್ಥ ಶರದ್ ಪವಾರ್ ವಿರುದ್ಧ ಕಾಮೆಂಟ್ ಮಾಡಿದ ಮರಾಠಿ ನಟಿ ಕೇತಕಿ ಚಿತಾಳೆ* ಪವಾರ್ ತಿವಿಯಲು ಹೋದ ನಟಿಗೆ ಸಂಕಷ್ಟ* ಕೇತಕಿ ಈಗ ನ್ಯಾಯಾಂಗ ಬಂಧನದಲ್ಲಿ
ಮುಂಬೈ(ಮೇ.18): ಮರಾಠಿ ನಟಿ ಕೇತಕಿ ಚಿತಾಳೆ, ಎನ್ಸಿಪಿ ಮುಖ್ಯಸ್ಥ ಶರದ್ ಪವಾರ್ ವಿರುದ್ಧ ಕಾಮೆಂಟ್ ಮಾಡುವ ಮೂಲಕ ಸಂಕಷ್ಟಕ್ಕೆ ಸಿಲುಕಿಸಿದ್ದಾರೆ. ಅವರು ನೋಡ ನೋಡುತ್ತಿದ್ದಂತೆಯೇ ಪೊಲೀಸ್ ಕೇಸ್ನಲ್ಲಿ ಸಿಕ್ಕಾಕೊಂಡಿದ್ದಾರೆ. ಹೆಚ್ಚುತ್ತಿದೆ. ಒಂದೆಡೆ, ಬುಧವಾರದಂದು ಅವರ ಪೊಲೀಸ್ ಕಸ್ಟಡಿ ಕೊನೆಗೊಂಡಿದ್ದು, ಅವರಿಗೆ ಕೊಂಚ ರಿಲೀಫ್ ಸಿಗಬಹುದೆಂದು ಎಲ್ಲರೂ ಅಂದಾಜಿಸಿದ್ದರು. ಆದರೆ ಥಾಣೆ ನ್ಯಾಯಾಲಯವು ಅವರನ್ನು 14 ದಿನಗಳ ನ್ಯಾಯಾಂಗ ಬಂಧನಕ್ಕೆ ಕಳುಹಿಸಿದೆ. ಇದೀಗ ಅವರು ಮೇ 31ರವರೆಗೆ ನ್ಯಾಯಾಂಗ ಬಂಧನದಲ್ಲಿರಲಿದ್ದಾರೆ. ಶರದ್ ಪವಾರ್ ವಿರುದ್ಧ ಫೇಸ್ ಬುಕ್ ನಲ್ಲಿ ವಿವಾದಾತ್ಮಕ ಪೋಸ್ಟ್ ಶೇರ್ ಮಾಡಿದ್ದಕ್ಕಾಗಿ ಮೇ 15 ರಂದು ಅವರನ್ನು ಬಂಧಿಸಲಾಗಿತ್ತು. ಮೇ 18ರವರೆಗೆ ಪೊಲೀಸ್ ಕಸ್ಟಡಿಯಲ್ಲಿದ್ದರೂ ಇಂದು ಬಿಡುಗಡೆ ಸಿಕ್ಕಿಲ್ಲ.
ಏನಿದು ಪ್ರಕರಣ?
ಕೇತಕಿ ಬೇರೊಬ್ಬರ ಪೋಸ್ಟ್ ಅನ್ನು ಫೇಸ್ಬುಕ್ನಲ್ಲಿ ಹಂಚಿಕೊಂಡಿದ್ದರು. ಈ ಪೋಸ್ಟ್ನಲ್ಲಿ ಶರದ್ ಪವಾರ್ ಅವರ ಪೂರ್ಣ ಹೆಸರನ್ನು ಬರೆದಿರಲಿಲ್ಲ, ಅವರ ಸರ್ನೇಮ್ ಮತ್ತು ವಯಸ್ಸನ್ನು ಮಾತ್ರ ನಮೂದಿಸಲಾಗಿದೆ. ಪೋಸ್ಟ್ನಲ್ಲಿ ಶರದ್ ಪವಾರ್ ಅವರ ವಯಸ್ಸು 80 ವರ್ಷ ಎಂದು ನಮೂದಿಸಲಾಗಿದೆ, ಅವರಿಗೆ ಪ್ರಸ್ತುತ 81 ವರ್ಷ. ಈ ಪೋಸ್ಟ್ನಲ್ಲಿ 'ನರಕ ನಿನಗಾಗಿ ಕಾಯುತ್ತಿದೆ ಮತ್ತು ನೀವು ಬ್ರಾಹ್ಮಣರನ್ನು ದ್ವೇಷಿಸುತ್ತೀರಿ' ಎಂದು ಬರೆಯಲಾಗಿದೆ. ಇನ್ನು ಈ ಪೋಸ್ಟ್ ಭಾರೀ ವೈರಲ್ ಆಗಿದ್ದು, ಇದರ ಬೆನ್ನಲ್ಲೇ ಎನ್ಸಿಪಿ ಕಾರ್ಯಕರ್ತ ಸ್ವಪ್ನಿಲ್ ನೆಟ್ಕೆ ಅವರ ವಿರುದ್ಧ ಥಾಣೆಯ ಕಲ್ವಾ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ.
ಮೇ 14ರಂದು ಈತನ ವಿರುದ್ಧ ಪ್ರಕರಣ ದಾಖಲಿಸಿ ಕೇತಕಿಯನ್ನು ಬಂಧಿಸಲಾಗಿತ್ತು. ಉತ್ತರ ಮಹಾರಾಷ್ಟ್ರದ ಧುಲೆಯಲ್ಲಿ ನಟಿ ವಿರುದ್ಧ ಎರಡನೇ ದೂರು ದಾಖಲಾಗಿದೆ. ಇದರಲ್ಲಿ ನಿಖಿಲ್ ಭಾಮ್ರೆ ಎಂಬ ಯುವಕ ಟ್ವೀಟ್ ಮಾಡಿರುವ ಆರೋಪ ಕೇಳಿ ಬಂದಿತ್ತು. ಬಾರಾಮತಿಯ ಗಾಂಧಿಯನ್ನು ಬಾರಾಮತಿಯ ನಾಥೂರಾಂ ಗೋಡ್ಸೆ ಮಾಡುವ ಕಾಲ ಬಂದಿದೆ ಎಂದು ಪೋಸ್ಟ್ ನಲ್ಲಿ ಬರೆಯಲಾಗಿದೆ ಎಂದು ಆರೋಪಿಸಲಾಗಿದೆ. ಬಾರಾಮತಿ ಶರದ್ ಪವಾರ್ ಅವರ ತವರು ಕ್ಷೇತ್ರ ಎಂಬುವುದು ಉಲ್ಲೇಖನೀಯ.
ಯಾರು ಈ ಕೇತಕಿ ಚಿತಾಳೆ?
ಕೇತಕಿ ಚಿತಾಳೆ ಮರಾಠಿ ನಟಿ. ಕಿರುತೆರೆ ನಟಿಯಾಗಿರುವ ಕೇತಕಿ ಸ್ಟಾರ್ ಪ್ರವಾಹ್ನ ಅಂಬತ್ ಗಾಡ್, Zee5 ನ ತುಜಾ ಮಜಾ ಬ್ರೇಕಪ್ ಮತ್ತು ಸೋನಿ ಟಿವಿಯ ಸಾಸ್ ಬಿನಾ ಸಸುರಾಲ್ನಂತಹ ಟಿವಿ ಧಾರಾವಾಹಿಗಳಲ್ಲಿ ಪಾತ್ರವನ್ನು ನಿರ್ವಹಿಸಿದ್ದಾರೆ. ಸಾಮಾಜಿಕ ಮಾಧ್ಯಮದಲ್ಲಿ ವಿವಾದಾತ್ಮಕ ಪೋಸ್ಟ್ನಿಂದಲೇ ಕೇತಕಿ ಹಲವು ಬಾರಿ ಚರ್ಚೆಯಲ್ಲಿದ್ದರು. ಅಪಸ್ಮಾರದ ಕುರಿತಾದ ಅವರ ಪೋಸ್ಟ್ಗಾಗಿ ಕೇತಕಿ ಮೂರ್ಛೆ ರೋಗದ ಬಗ್ಗೆ ವಿವಾದಾತ್ಮಕ ಪೋಸ್ಟ್ ಮಾಡಿ ಟೀಕೆಗೊಳಗಾಗಿದ್ದರು. ಒಮ್ಮೆ ಅವರು ಅಪಸ್ಮಾರದಿಂದಾಗಿ ಅವರನ್ನು ಸರಣಿಯಿಂದ ಕೈಬಿಡಲಾಗಿದೆ ಎಂದು ಆರೋಪಿಸಿ ಪೋಸ್ಟ್ ಮಾಡಿದ್ದರು. ತನ್ನ ಇನ್ಸ್ಟಾಗ್ರಾಮ್ ಖಾತೆಗೆ 'ಎಪಿಲೆಪ್ಟಿಕ್ ವಾರಿಯರ್ ಕ್ವೀನ್' ಎಂದು ಹೆಸರಿಟ್ಟಿದ್ದಾಳೆ. ಛತ್ರಪತಿ ಶಿವಾಜಿ ಮಹಾರಾಜ್ ಮತ್ತು ಅರಬ್ಬಿ ಸಮುದ್ರದಲ್ಲಿನ ಸ್ಮಾರಕದ ಬಗ್ಗೆ ಕಾಮೆಂಟ್ ಮಾಡುವ ಮೂಲಕವೂ ಕೇತಕಿ ವಿವಾದಕ್ಕೊಳಗಾಗಿದ್ದಾರ