ಜೈಲಿಂದ ಬಿಡುಗಡೆ ಎಂದು ಪಾರ್ಟಿ ಮಾಡಿದ..! ಕೊರೋನಾ ರೂಲ್ಸ್ ಬ್ರೇಕ್ ಅಂತ ಮತ್ತೆ ಕೇಸ್ ಹಾಕಿದ್ರು

ಜೈಲಿಂದ ಬಿಡುಗಡೆ ಭಾಗ್ಯ ಗೆಳೆಯರೊಂದಿಗೆ ಪಾರ್ಟಿ ಮಾಡಿದವನಿಗೆ ಮತ್ತೆ ಶಾಕ್

Arrest

ಮುಂಬೈ(ಜು.03): ಕೊರೋನಾ ಬಂದ ಮೇಲೆ ಸಾರ್ವಜನಿಕ ಸಂಭ್ರಮಾಚರಣೆಗೆ ಬ್ರೇಕ್ ಬಿದ್ದಿದೆ. ಏನಾದರೂ ಆಚರಿಸಿ, ಆದ್ರೆ ಕೊರೋನಾ ರೂಲ್ಸ್ ಬ್ರೇಕ್ ಮಾಡಿದ್ರೆ ಕೇಸ್ ಹಾಕಿ ಅರೆಸ್ಟ್ ಮಾಡ್ತೀವಿ ಅಂತಾರೆ ಪೊಲೀಸರು.

ಹಲವು ಬದಲಾವಣೆಗಳೊಂದಿಗೆ ಕೊರೋನಾ ರೂಲ್ಸ್ ಅಪ್ಡೇಟ್ ಆಗುತ್ತಲೇ ಇದೆ. ಆದರೆ ಜೈಲಿನೊಳಗಿದ್ದವರಿಗೆ ಈ ಕುರಿತು ಸ್ಪಷ್ಟ ಮಾಹಿತಿ ಇದೆಯಾ ? ಒಂದಷ್ಟು ಮಾಹಿತಿ ಇರಬಹುದು. ಇದರ ಪರಿಣಾಮ ಏನಾಗಿದೆ ನೋಡಿ.

ಜೈಲಿನಿಂದ ಬಿಡುಗಡೆಯಾಗಲಿದ್ದ ವ್ಯಕ್ತಿ ಫುಲ್ ಖುಷಿಯಲ್ಲಿದ್ದ. ಆತ ಗೆಳೆಯರೊಂದಿಗೆ ಜೈಲಿನಿಂದ ಹೊರಬರುವ ಖುಷಿಯನ್ನು ಆಚರಿಸುತ್ತಿದ್ದ. 10-15 ಜನ ಆತನನ್ನು ಸ್ವಾಗತಿಸಲು ಜೀಪ್‌ನಲ್ಲಿ ಬಂದಿದ್ದರು.

ಬಿಡುಗಡೆಯಾಗಲಿದ್ದ ವ್ಯಕ್ತಿ ಖುಷಿಯಲ್ಲಿ ಪಾರ್ಟಿ ಮಾಡಿ ಎಂಜಾಯ್ ಮಾಡಿದ್ದ. ಆದರೆ ಅಲ್ಲಿದ್ದ ಯಾರೊಬ್ಬರೂ ಮಾಸ್ಕ್ ಧರಿಸಿರಲಿಲ್ಲ. ಈ ಹಿನ್ನೆಲೆಯಲ್ಲಿ ಪೊಲೀಸರು ಆತನ ವಿರುದ್ಧ ಕೊರೋನಾ ನಿಯಮಗಳನ್ನು ಉಲ್ಲಂಘಿಸಿದ್ದಕ್ಕಾಗಿ ಕೇಸು ದಾಖಲಿಸಿದ್ದಾರೆ.