ನಾಸಾದಲ್ಲಿ 1.85 ಕೋಟಿ ರೂ ಉದ್ಯೋಗ ಪಡೆದ ಯುವಕನ ಸುಳ್ಳಿನ ಕಥೆ ಬಿಚ್ಚಿಟ್ಟ ಅಮೆರಿಕ ಅಧ್ಯಕ್ಷರ ಸಹಿಯ ಐಡಿ ಕಾರ್ಡ್!
20 ವರ್ಷದ ಮಧ್ಯಪ್ರದೇಶದಲ್ಲಿ ವಿದ್ಯಾರ್ಥಿಯೋರ್ವನನ್ನು ವಿಶ್ವದ ಅಗ್ರ ಬಾಹ್ಯಾಕಾಶ ಸಂಸ್ಥೆ ನಾಸಾದಲ್ಲಿ ವಾರ್ಷಿಕ 1.85 ಕೋಟಿ ರೂಪಾಯಿಗಳ ಸಂಬಳದೊಂದಿಗೆ ಉದ್ಯೋಗವನ್ನು ಪಡೆದಿದ್ದಕ್ಕಾಗಿ ಗೌರವಿಸಲಾಯಿತು. ಆದರೆ ಅಸಲಿ ಕಥೆಯೇ ಬೇರೆ ಇದೆ.
ಐಐಟಿ ಮತ್ತು ಐಐಎಂನಂತಹ ಉನ್ನತ ಸಂಸ್ಥೆಗಳಲ್ಲಿ ಕೋಟ್ಯಂತರ ರೂಪಾಯಿಗಳ ಸಂಬಳದೊಂದಿಗೆ ಪ್ರಭಾವಶಾಲಿ ಉದ್ಯೋಗ ನೇಮಕಾತಿಗಳು ಆಗಾಗ ನಡೆಯುತ್ತಿರುತ್ತದೆ ಸುದ್ದಿಯಲ್ಲಿರುತ್ತದೆ. ಅಂತಹ ವಿದ್ಯಾರ್ಥಿಗಳು ಭಾರಿ ವೇತನದ ಪ್ಯಾಕೇಜ್‌ಗಳೊಂದಿಗೆ ವೃತ್ತಿಪರರಾಗಿ ಬದಲಾಗುತ್ತಿರುವುದನ್ನು ಪ್ರಶಂಸಿಸಲಾಗುತ್ತದೆ.
ಆದರೆ ಕೆಲವು ವರ್ಷಗಳ ಹಿಂದೆ ಇದೇ ರೀತಿಯ ಒಂದು ಘಟನೆಯಲ್ಲಿ, 20 ವರ್ಷದ ಮಧ್ಯಪ್ರದೇಶದಲ್ಲಿ ವಿದ್ಯಾರ್ಥಿಯೋರ್ವನನ್ನು ವಿಶ್ವದ ಅಗ್ರ ಬಾಹ್ಯಾಕಾಶ ಸಂಸ್ಥೆ ನಾಸಾದಲ್ಲಿ ವಾರ್ಷಿಕ 1.85 ಕೋಟಿ ರೂಪಾಯಿಗಳ ಸಂಬಳದೊಂದಿಗೆ ಉದ್ಯೋಗವನ್ನು ಪಡೆದಿದ್ದಕ್ಕಾಗಿ ಗೌರವಿಸಲಾಯಿತು. ಸಂಭ್ರಮಿಸಲಾಯ್ತು. ಊರಲ್ಲೂ ಸಂಭ್ರಮ ಮನೆ ಮಾಡಿತ್ತು.
ಕಿಲ್ಲರ್ ಬಿಎಂಟಿಸಿಗೆ ಇಬ್ಬರು ಬಲಿ, ಹೆಂಡತಿ ಸೀಮಂತ ಸಂಭ್ರಮದಲ್ಲಿದ್ದ ಗಂಡನ ಬಲಿ ಪಡೆದ ಬಸ್‌!
2016 ರಿಂದ ದೇವಾಸ್ ಪಟ್ಟಣದ 20 ವರ್ಷದ ಕಾಲೇಜು ವಿದ್ಯಾರ್ಥಿ ಅನ್ಸಾರ್ ಅವರನ್ನು ಸ್ಥಳೀಯ ನಿವಾಸಿಗಳು ಮತ್ತು ಅವರ ಶಾಲೆ ಆಯೋಜಿಸಿದ್ದ ಅನೇಕ ಕಾರ್ಯಕ್ರಮಗಳಲ್ಲಿ ಗೌರವಿಸಲಾಯಿತು, ಅವರೆಲ್ಲರೂ ಅವನ ಸಾಧನೆಯ ಬಗ್ಗೆ ಹೆಮ್ಮೆ ಪಡುತ್ತಾರೆ. ಅನ್ಸಾರ್ ಅವರು ತಮ್ಮ ಪ್ರದೇಶದ ಹೆಮ್ಮೆಯಾಗಿದ್ದರು ಮತ್ತು ಆಗಿನ ಅಮೆರಿಕ ಅಧ್ಯಕ್ಷ ಬರಾಕ್ ಒಬಾಮಾ ಅವರ ಸಹಿಯನ್ನು ಹೊಂದಿರುವ ನಾಸಾ ಐಡಿ ಕಾರ್ಡ್ ಅವರ ಕುತ್ತಿಗೆಯಲ್ಲಿ ಹೆಮ್ಮೆಯಿಂದ ನೇತಾಡುತ್ತಿತ್ತು.
ಆದರೆ ಅಸಲಿ ಕಥೆಯೇ ಬೇರೆ, ಅದೇ ನಾಸಾ ಗುರುತಿನ ಚೀಟಿ ಅನ್ಸಾರ್‌ನ ನಿಜ ರೂಪವನ್ನು ಬಿಚ್ಚಿಟ್ಟಿತ್ತು. ತನ್ನದೇ ಸಮಾರಂಭವೊಂದಕ್ಕೆ ಹಿರಿಯ ಪೊಲೀಸ್ ಅಧಿಕಾರಿಯನ್ನು ಆಹ್ವಾನಿಸಲು ಹೋದಾಗ ತನ್ನ ಗುರುತಿನ ಚೀಟಿಯನ್ನು ತೋರಿಸಿದ ಅಲ್ಲಿ ಆತನ ನಿಜ ಬಣ್ಣ ಬಯಲಾಯ್ತು.
ಅಭಿನಂದನಾ ಕಾರ್ಯಕ್ರಮಕ್ಕೆ ಆಹ್ವಾನ ನೀಡಲು ಶಶಿಕಾಂತ್ ಶುಕ್ಲಾ ಅವರನ್ನು ಅನ್ಸಾರ್ ಭೇಟಿಯಾದಾಗ, ಹಿರಿಯ ಪೋಲೀಸ್ ಪ್ರತಿಭಾವಂತ ವಿದ್ಯಾರ್ಥಿಯ NASA ID ಕಾರ್ಡ್‌ನಲ್ಲಿ ವಿಚಿತ್ರವಾದ ಸತ್ಯವನ್ನು ಕಂಡುಕೊಂಡರು.
ವರ್ತೂರು ಸಂತೋಷ್ ಪ್ರಕರಣ, ಅರಣ್ಯ ಅಧಿಕಾರಿಗಳಿಗೆ ತಲೆ ನೋವಾದ ಹುಲಿ ಉಗರು ಕೇಸ್‌
ಆಮಂತ್ರಣವನ್ನು ಸ್ವೀಕರಿಸುತ್ತಿದ್ದಂತೆ ಆಗಿನ ಅಧ್ಯಕ್ಷ ಬರಾಕ್ ಒಬಾಮಾ ಅವರ ಸಹಿಯನ್ನು ಐಡಿಯಲ್ಲಿ ಹತ್ತಿರದಿಂದ ಶುಕ್ಲಾ ಗಮನಿಸಿದರು. ಆಗ ಅವರಿಗೆ ಅನುಮಾನ ಮೂಡಿ ತನಿಖೆಯನ್ನು ಪ್ರಾರಂಭಿಸಿದರು, 20 ವರ್ಷದ ಯುವಕ ಎಲ್ಲರನ್ನು ಮೂರ್ಖರನ್ನಾಗಿಸಿದ್ದಾನೆ ಎಂದು ಕಂಡುಹಿಡಿದರು. ಅವನಿಗೆ ಖ್ಯಾತಿಯನ್ನು ತಂದುಕೊಟ್ಟ ಕಥೆಯನ್ನು ಹಣೆದಿದ್ದ, ಅವನ ಶಿಕ್ಷಣ ಮತ್ತು ಲಾಭದಾಯಕ NASA ಉದ್ಯೋಗದ ಬಗ್ಗೆ ಕಥೆ ಕಟ್ಟಿ ವಂಚಿಸಿದ್ದ.
ಅನ್ಸಾರ್ 12ನೇ ತರಗತಿವರೆಗೆ ಮಾತ್ರ ಶಿಕ್ಷಣ ಪಡೆದಿದ್ದು, ಒಂದು ತಿಂಗಳ ಹಿಂದೆ ನಾಸಾದ ನಕಲಿ ಗುರುತಿನ ಚೀಟಿಯನ್ನು ತಯಾರಿಸಿ ಅದರಲ್ಲಿ ಒಬಾಮಾ ಸಹಿಯನ್ನು ನಕಲಿ ಮಾಡಿದ್ದ ಎಂದು ಪೊಲೀಸರು ಪತ್ತೆ ಮಾಡಿದರು. ಯುಎಸ್‌ಗೆ ಪ್ರಯಾಣಿಸಲು ಸಾಲ ಮತ್ತು ಹಣವನ್ನು ಕೋರಿ ಜನರನ್ನು ವಂಚಿಸಲು ಕಾರ್ಡ್ ಬಳಸುತ್ತಿದ್ದ ಎಂಬುದನ್ನು ಕಂಡುಹಿಡಿದರು. ವರ್ಷಕ್ಕೆ 1.85 ಕೋಟಿ ರೂ.ಗಳ ಸಂಬಳವಿದ್ದು ನಾಸಾಗೆ ಸೇರಿ ಒಂದು ತಿಂಗಳಲ್ಲಿ ಹಿಂದಿರುಗಿಸುವುದಾಗಿ ಭರವಸೆ ನೀಡಿದ್ದನು. ವಾಸ್ತವದಲ್ಲಿ ಆತ ಪಾಸ್‌ಪೋರ್ಟ್ ಕೂಡ ಹೊಂದಿರಲಿಲ್ಲ.
