ಇಸ್ರೇಲ್ನ ಸಂಭಾವ್ಯ ದಾಳಿಯ ಭೀತಿಯಿಂದ ಟೆಹ್ರಾನ್ ನಿವಾಸಿಗಳು ನಗರ ತ್ಯಜಿಸುತ್ತಿದ್ದಾರೆ. ಇಸ್ರೇಲ್ ರಕ್ಷಣಾ ಸಚಿವರ ಬೆದರಿಕೆಯ ಹೇಳಿಕೆಯ ನಂತರ, ಜನರು ಸುರಕ್ಷಿತ ಸ್ಥಳಗಳಿಗೆ ಪಲಾಯನ ಮಾಡುತ್ತಿದ್ದಾರೆ. ಹೆದ್ದಾರಿಗಳಲ್ಲಿ ಭಾರೀ ಸಂಚಾರ ದಟ್ಟಣೆ ಉಂಟಾಗಿದೆ.
Israel Attack Fears: ಇಸ್ರೇಲ್ನಿಂದ ಸಂಭವನೀಯ ದಾಳಿಯ ಭಯದಿಂದ ಇರಾನಿನ ರಾಜಧಾನಿ ಟೆಹ್ರಾನ್ನಿಂದ ಸಾವಿರಾರು ನಾಗರಿಕರು ನಗರವನ್ನು ತೊರೆಯುತ್ತಿದ್ದಾರೆ. ಟೆಹ್ರಾನ್ನಿಂದ ಹೊರಡುವ ಪ್ರಮುಖ ಹೆದ್ದಾರಿಗಳಲ್ಲಿ ಭಾರೀ ಸಂಚಾರ ದಟ್ಟಣೆ ಉಂಟಾಗಿದ್ದು, ವಾಹನಗಳ ಉದ್ದನೆಯ ಸಾಲುಗಳು ಹಲವಾರು ಮೈಲುಗಳವರೆಗೆ ಗೋಚರಿಸುತ್ತಿವೆ. ಜನರು ತಮ್ಮ ಕುಟುಂಬಗಳೊಂದಿಗೆ ಸುರಕ್ಷಿತ ಸ್ಥಳಗಳಾದ ಸಣ್ಣ ನಗರಗಳು ಮತ್ತು ಗ್ರಾಮೀಣ ಪ್ರದೇಶಗಳಿಗೆ ತೆರಳುತ್ತಿದ್ದಾರೆ.
ಇರಾನ್ನ ಟೆಲ್ ಅವೀವ್ ಮತ್ತು ಜೆರುಸಲೆಮ್ನ ಮೇಲೆ ಬ್ಯಾಲಿಸ್ಟಿಕ್ ಕ್ಷಿಪಣಿಗಳ ದಾಳಿಯ ನಂತರ, ಇಸ್ರೇಲ್ ರಕ್ಷಣಾ ಸಚಿವಾಲಯವು ತ್ವರಿತ ಮತ್ತು ಕಠಿಣ ಪ್ರತಿಕ್ರಿಯೆಯ ಬೆದರಿಕೆಯನ್ನು ಹೊರಡಿಸಿದೆ. ಇದರಿಂದ ಉಂಟಾದ ಆತಂಕದಿಂದ ಟೆಹ್ರಾನ್ ನಿವಾಸಿಗಳು ತಮ್ಮ ಜೀವನವನ್ನು ರಕ್ಷಿಸಿಕೊಳ್ಳಲು ನಗರವನ್ನು ತೊರೆಯುವ ನಿರ್ಧಾರ ಕೈಗೊಂಡಿದ್ದಾರೆ.
ಇಸ್ರೇಲ್ ರಕ್ಷಣಾ ಸಚಿವರಿಂದ ಬೆದರಿಕೆಯ ಹೇಳಿಕೆ
Related Articles
ಇಸ್ರೇಲ್ ರಕ್ಷಣಾ ಸಚಿವ ಇಸ್ರೇಲ್ ಕಾಟ್ಜ್ ಜೂನ್ 16, 2025 ರಂದು ಒಂದು ಹೇಳಿಕೆಯಲ್ಲಿ, ಇರಾನ್ನ ರಕ್ತಸಿಕ್ತ ಸರ್ವಾಧಿಕಾರದಿಂದ ಇಸ್ರೇಲ್ ನಾಗರಿಕರಿಗೆ ಉಂಟಾದ ಹಾನಿಯಂತೆ ಟೆಹ್ರಾನ್ ನಿವಾಸಿಗಳಿಗೆ ದೈಹಿಕ ಹಾನಿ ಮಾಡುವ ಉದ್ದೇಶ ನಮಗಿಲ್ಲ. ಆದರೆ, ಇರಾನ್ ಆಡಳಿತದ ಪ್ರಮುಖ ನೆಲೆಗಳು ಮತ್ತು ಭದ್ರತಾ ರಚನೆಗಳನ್ನು ಗುರಿಯಾಗಿಸಲು ಟೆಹ್ರಾನ್ನ ಕೆಲವು ಪ್ರದೇಶಗಳಲ್ಲಿರುವ ಜನರು ತಮ್ಮ ಮನೆಗಳನ್ನು ಖಾಲಿ ಮಾಡಬೇಕಾಗುತ್ತದೆ ಎಂದು ಎಚ್ಚರಿಕೆ ನೀಡಿದ್ದಾರೆ. ಅಲ್ಲದೇ ನಾವು ಇಸ್ರೇಲ್ ನಾಗರಿಕರ ರಕ್ಷಣೆಗೆ ಬದ್ಧರಾಗಿದ್ದೇವೆ ಎಂದು ಅವರು ಸ್ಪಷ್ಟಪಡಿಸಿದ್ದಾರೆ.
ಪರಿಸ್ಥಿತಿಯ ಗಂಭೀರತೆಯಿಂದಾಗಿ ಟೆಹ್ರಾನ್ನಲ್ಲಿ ಆತಂಕದ ವಾತಾವರಣ ನಿರ್ಮಾಣವಾಗಿದ್ದು, ಜನರು ತಮ್ಮ ಸುರಕ್ಷತೆಗಾಗಿ ತಕ್ಷಣದ ಕ್ರಮ ಕೈಗೊಳ್ಳುತ್ತಿದ್ದಾರೆ.
