ಫೆಬ್ರವರಿಯಲ್ಲಿ ಭಾರತದ ನಿರುದ್ಯೋಗ ದರವು 7.45% ಕ್ಕೆ ಏರಿಕೆ
ಭಾರತದ ನಿರುದ್ಯೋಗ ದರವು ಜನವರಿ ತಿಂಗಳ 7.14% ರಿಂದ ಫೆಬ್ರವರಿಯಲ್ಲಿ 7.45% ಕ್ಕೆ ಏರಿದೆ ಎಂದು ಸೆಂಟರ್ ಫಾರ್ ಮಾನಿಟರಿಂಗ್ ಇಂಡಿಯನ್ ಎಕಾನಮಿ ವರದಿ ಮಾಡಿದೆ.
ನವದೆಹಲಿ (ಮಾ.1): ಭಾರತದ ನಿರುದ್ಯೋಗ ದರವು ಜನವರಿ ತಿಂಗಳ 7.14% ರಿಂದ ಫೆಬ್ರವರಿಯಲ್ಲಿ 7.45% ಕ್ಕೆ ಏರಿದೆ ಎಂದು ಸೆಂಟರ್ ಫಾರ್ ಮಾನಿಟರಿಂಗ್ ಇಂಡಿಯನ್ ಎಕಾನಮಿ (CMIE) ಮಾರ್ಚ್ 1ರಂದು ವರದಿ ಬಿಡುಗಡೆ ಮಾಡಿದೆ. ನಗರ ನಿರುದ್ಯೋಗ ದರವು ಫೆಬ್ರವರಿಯಲ್ಲಿ 7.93% ಕ್ಕೆ ಜನವರಿ ತಿಂಗಳಲ್ಲಿ 8.55% ರಿಂದ ಕಡಿಮೆಯಾಗಿದೆ, ಆದರೆ ಗ್ರಾಮೀಣ ನಿರುದ್ಯೋಗ ದರವು 6.48% ರಿಂದ 7.23% ಕ್ಕೆ ಏರಿದೆ ಎಂದು ಡೇಟಾ ತೋರಿಸಿದೆ. ಕಳೆದ ವರ್ಷದ ನವೆಂಬರ್, ಡಿಸೆಂಬರ್ ತಿಂಗಳಿಗೆ ಹೋಲಿಸಿದರೆ ನಿರುದ್ಯೋಗ ತುಸು ಕಡಿಮೆಯೇ ಇದೆ.
ಅದಕ್ಕೂ ಮುನ್ನ ಡಿಸೆಂಬರ್ 2022 ರಲ್ಲಿ ನಿರುದ್ಯೋಗ ದರ 8.30 ರಲ್ಲಿತ್ತು. ಗ್ರಾಮೀಣ ನಿರುದ್ಯೋಗ ದರವು 7.44 ಇತ್ತು. ಕಳೆದ ತಿಂಗಳು ಭಾರತದ ರಾಜ್ಯವಾರು 2022 ರಲ್ಲಿ ಅತಿ ಹೆಚ್ಚು ನಿರುದ್ಯೋಗ ದರ ಹರಿಯಾಣದಲ್ಲಿ 37.4% ಆಗಿದ್ದರೆ, ಒಡಿಶಾದಲ್ಲಿ 0.9% ಕಡಿಮೆಯಾಗಿದೆ. ಹರಿಯಾಣದ ಜೊತೆಗೆ, ರಾಷ್ಟ್ರದ ರಾಜಧಾನಿ ಸೇರಿದಂತೆ ಏಳು ಹೆಚ್ಚುವರಿ ರಾಜ್ಯಗಳಲ್ಲಿ ಎರಡು-ಅಂಕಿಯ ನಿರುದ್ಯೋಗ ದರಗಳನ್ನು ಹೊಂದಿದೆ.
ಮುಖೇಶ್ ಅಂಬಾನಿ ನಿವಾಸ ಆಂಟಿಲಿಯಾದ ಪ್ಲಂಬರ್ ವೇತನ ಕೇಳಿದ್ರೆ ಶಾಕ್ ಆಗ್ತೀರಾ!
2022 ಡಿಸೆಂಬರ್ ತಿಂಗಳಲ್ಲಿ ನಿರುದ್ಯೋಗ ಪ್ರಮಾಣ ಶೇ. 8.3ರಷ್ಟಿತ್ತು. ನವೆಂಬರ್ನಲ್ಲಿ ಶೇ. 8ರಷ್ಟಿತ್ತು. ಅದಾದ ಬಳಿಕ ಪರಿಸ್ಥಿತಿ ತುಸು ಸುಧಾರಣೆ ಕಂಡಿದೆ. ಹರ್ಯಾಣ ರಾಜ್ಯದಲ್ಲಿ ಅತಿ ಹೆಚ್ಚು ನಿರುದ್ಯೋಗ ಇದೆ. ಇಲ್ಲಿ ಉದ್ಯೋಗ ಇಲ್ಲದೇ ಇರುವವರ ಸಂಖ್ಯೆ ಶೇ. 30ಕ್ಕಿಂತಲೂ ಹೆಚ್ಚು. ಒಡಿಶಾ ರಾಜ್ಯದಲ್ಲಿ ಅತಿ ಕಡಿಮೆ ನಿರುದ್ಯೋಗ ಇದೆ.
ಉನ್ನತ ಉದ್ಯೋಗಕ್ಕಾಗಿ ಕೇರಳ ಸಿಎಂ ಭೇಟಿಯಾಗಿದ್ದ ಸ್ವಪ್ನಾ ಸುರೇಶ್‌: ಸ್ಫೋಟಕ ವಾಟ್ಸಾಪ್ ಚಾಟ್‌ ಬಹಿರಂಗ
ಡಿಸೆಂಬರ್ 2022ರ ಅಂಕಿ ಅಂಶಗಳ ಪ್ರಕಾರ ರಾಜ್ಯವಾರು ನಿರುದ್ಯೋಗ ದರದ ಮಾಹಿತಿ ಇಂತಿದೆ.
ಆಂಧ್ರ ಪ್ರದೇಶ 7.7
ಅಸ್ಸಾಂ 4.7
ಬಿಹಾರ 19.1
ಛತ್ತೀಸ್‌ಗಢ 3.4
ದೆಹಲಿ 20.8
ಗೋವಾ 9.9
ಗುಜರಾತ್ 2.3
ಹರಿಯಾಣ 37.4
ಹಿಮಾಚಲ ಪ್ರದೇಶ 7.6
ಜಮ್ಮು ಮತ್ತು ಕಾಶ್ಮೀರ 14.8
ಜಾರ್ಖಂಡ್ 18.0
ಕರ್ನಾಟಕ 2.5
ಕೇರಳ 7.4
ಮಧ್ಯಪ್ರದೇಶ 3.2
ಮಹಾರಾಷ್ಟ್ರ 3.1
ಮೇಘಾಲಯ 2.7
ಒಡಿಶಾ 0.9
ಪುದುಚೇರಿ 4.7
ಪಂಜಾಬ್ 6.8
ರಾಜಸ್ಥಾನ 28.5
ಸಿಕ್ಕಿಂ 13.6
ತಮಿಳುನಾಡು 4.1
ತೆಲಂಗಾಣ 4.1
ತ್ರಿಪುರಾ 14.3
ಉತ್ತರ ಪ್ರದೇಶ 4.3
ಉತ್ತರಾಖಂಡ 4.2
ಪಶ್ಚಿಮ ಬಂಗಾಳ 5.5
