ಐದು ರಾಜ್ಯಗಳ ಚುನಾವಣಾ ವೆಚ್ಚಕ್ಕೆ ಬಿಜೆಪಿಯಿಂದ 344 ಕೋಟಿ ಖರ್ಚು!
ಚುನಾವಣಾ ಆಯೋಗಕ್ಕೆ ರಾಜಕೀಯ ಪಕ್ಷಗಳು ನೀಡಿರುವ ಮಾಹಿತಿ ಪ್ರಕಾರ, ಈ ವರ್ಷ ಯುಪಿ-ಪಂಜಾಬ್ ಸೇರಿದಂತೆ 5 ರಾಜ್ಯಗಳಲ್ಲಿ ನಡೆದ ಚುನಾವಣೆಯಲ್ಲಿ ಬಿಜೆಪಿ 344.27 ಕೋಟಿ ರೂ., ಕಾಂಗ್ರೆಸ್ 194.80 ಕೋಟಿ ರೂಪಾಯಿ ಖರ್ಚು ಮಾಡಿದೆ. 2017 ರಲ್ಲಿ ಬಿಜೆಪಿ ಈ ರಾಜ್ಯಗಳಲ್ಲಿ 218 ಕೋಟಿ ರೂ.ಗಿಂತ ಹೆಚ್ಚು ಮತ್ತು ಕಾಂಗ್ರೆಸ್ 108 ಕೋಟಿ ರೂಪಾಯಿ ಖರ್ಚು ಮಾಡಿದೆ.
ನವದೆಹಲಿ (ಸೆ. 24): ಭಾರತದಲ್ಲಿ ಚುನಾವಣೆ ಗೆಲ್ಲಲು ರಾಜಕೀಯ ಪಕ್ಷಗಳು ಮತ್ತು ಅಭ್ಯರ್ಥಿಗಳು ಹಣವನ್ನು ನೀರಿನಂತೆ ಖರ್ಚು ಮಾಡುತ್ತಾರೆ. ಚುನಾವಣಾ ಆಯೋಗವು ಅಭ್ಯರ್ಥಿಗಳ ವೆಚ್ಚದ ಮೇಲೆ ಮಿತಿಯನ್ನು ನಿಗದಿಪಡಿಸಿದೆ, ಆದರೆ ಪಕ್ಷಗಳು ಒಂದಲ್ಲ ಒಂದು ರೀತಿಯಲ್ಲಿ ಮತಗಳನ್ನು ಸಂಗ್ರಹಿಸಲು ನೋಟುಗಳನ್ನು ಬೀಸುವ ತಂತ್ರವನ್ನು ಕಂಡುಕೊಳ್ಳುತ್ತವೆ. ಇತ್ತೀಚೆಗೆ ನಡೆದ ಐದು ರಾಜ್ಯಗಳ ವಿಧಾನಸಭಾ ಚುನಾವಣೆಯಲ್ಲಿ ಯಾರು ಎಷ್ಟು ಖರ್ಚು ಮಾಡಿದ್ದಾರೆ ಎಂಬ ವಿವರವನ್ನು ರಾಜಕೀಯ ಪಕ್ಷಗಳು ಚುನಾವಣಾ ಆಯೋಗಕ್ಕೆ ನೀಡಿವೆ. ಐದು ರಾಜ್ಯಗಳಲ್ಲಿ ಕೇವಲ ಎರಡು ದೊಡ್ಡ ಪಕ್ಷಗಳಾದ ಭಾರತೀಯ ಜನತಾ ಪಕ್ಷ (ಬಿಜೆಪಿ) ಮತ್ತು ಕಾಂಗ್ರೆಸ್ ಪಕ್ಷವೇ ಸೇರಿ 500 ಕೋಟಿಗಿಂತ ಹೆಚ್ಚಿನ ಮೊತ್ತ ಖರ್ಚು ಮಾಡಿದೆ. ರಾಜಕೀಯ ಪಕ್ಷಗಳು ಚುನಾವಣಾ ಆಯೋಗಕ್ಕೆ ನೀಡಿರುವ ಮಾಹಿತಿಯ ಪ್ರಕಾರ ಐದು ರಾಜ್ಯಗಳಲ್ಲಿ ಚುನಾವಣಾ ಪ್ರಚಾರಕ್ಕೆ ಬಿಜೆಪಿ 344.27 ಕೋಟಿ ರೂ., ಕಾಂಗ್ರೆಸ್ 194.80 ಕೋಟಿ ರೂಪಾಯಿ ಖರ್ಚು ಮಾಡಿದೆ. 2017ಕ್ಕೆ ಹೋಲಿಸಿದರೆ, ಬಿಜೆಪಿ ಈ ರಾಜ್ಯಗಳಲ್ಲಿ 218 ಕೋಟಿ ರೂಪಾಯಿ ಹಾಗೂ ಕಾಂಗ್ರೆಸ್ 108 ಕೋಟಿ ರೂಪಾಯಿ ಹೆಚ್ಚು ಖರ್ಚು ಮಾಡಿದೆ ಎನ್ನುವ ವಿವರ ನೀಡಲಾಗಿದೆ.
ವಿಶೇಷವಾಗಿ, ಈ ವರ್ಷದ ಫೆಬ್ರವರಿ-ಮಾರ್ಚ್‌ನಲ್ಲಿ ಉತ್ತರ ಪ್ರದೇಶ, ಉತ್ತರಾಖಂಡ, ಪಂಜಾಬ್, ಮಣಿಪುರ ಮತ್ತು ಗೋವಾದಲ್ಲಿ ವಿಧಾನಸಭಾ ಚುನಾವಣೆಗಳು ನಡೆದವು. ನಿಯಮಗಳ ಪ್ರಕಾರ ರಾಜಕೀಯ ಪಕ್ಷಗಳು ಚುನಾವಣಾ ವೆಚ್ಚದ ಲೆಕ್ಕ ಇಡಬೇಕು. ಪಕ್ಷ ಎಲ್ಲಿ ಹಣ ಖರ್ಚು ಮಾಡಿದೆ? ನಗದು, ಚೆಕ್ ಅಥವಾ ಡ್ರಾಫ್ಟ್ ಮೂಲಕ ನೀವು ಎಷ್ಟು ಪಾವತಿಸಿದ್ದೀರಿ? ಈ ಎಲ್ಲಾ ಖಾತೆಗಳನ್ನು ಇಟ್ಟುಕೊಂಡು ಚುನಾವಣಾ ಆಯೋಗವು ತನ್ನ ವರದಿಯನ್ನು ನೀಡುತ್ತದೆ. ವಿಧಾನಸಭೆ ಚುನಾವಣೆ (total election expenditure of political parties in india) ವೇಳೆ 75 ದಿನ ಹಾಗೂ ಲೋಕಸಭೆ ಚುನಾವಣೆ ವೇಳೆ 90 ದಿನದೊಳಗೆ ಈ ವರದಿ ಸಲ್ಲಿಸಬೇಕು.
ಇತ್ತೀಚೆಗಷ್ಟೇ ನಡೆದ ಈ ಚುನಾವಣೆಗಳಲ್ಲಿ ಖರ್ಚಿನ ವಿಚಾರದಲ್ಲಿ ಬಿಜೆಪಿ ಮುಂಚೂಣಿಯಲ್ಲಿದೆ. ಈ ವರ್ಷ ಐದು ರಾಜ್ಯಗಳ ಚುನಾವಣೆಯಲ್ಲಿ ಬಿಜೆಪಿ 344 ಕೋಟಿ ರೂ. ಉತ್ತರ ಪ್ರದೇಶ ಚುನಾವಣೆಯಲ್ಲಿ ಪಕ್ಷವು ಗರಿಷ್ಠ 221.31 ಕೋಟಿ ರೂಪಾಯಿ ಖರ್ಚು ಮಾಡಿದೆ. ಯುಪಿಯಲ್ಲಿ ಬಿಜೆಪಿ 255 ಸ್ಥಾನಗಳನ್ನು ಗೆದ್ದಿದ್ದು, ಪ್ರತಿ ಸೀಟ್‌ಗೆ ಅಂದಾಜು 87 ಲಕ್ಷ ರೂಪಾಯಿಯಂತೆ ಖರ್ಚು ಮಾಡಿದೆ. 2017ರ ಚುನಾವಣೆಯಲ್ಲಿ ಬಿಜೆಪಿ ಯುಪಿಯಲ್ಲಿ 175.10 ಕೋಟಿ ರೂಪಾಯಿ ಖರ್ಚು ಮಾಡಿತ್ತು. ಆಗ ಅದು 312 ಸ್ಥಾನಗಳನ್ನು ಪಡೆದಿತ್ತು. ಅದರಂತೆ ಬಿಜೆಪಿ ಪ್ರತಿ ಸೀಟ್‌ಗೆ 56 ಲಕ್ಷ ರೂಪಾಯಿ ವೆಚ್ಚ ಮಾಡಿತ್ತು.
ಇನ್ನು ಪಂಜಾಬ್‌ನಲ್ಲಿ ಬಿಜೆಪಿ ಈ ಬರಿ 36.69 ಕೋಟಿ ರೂಪಾಯಿ ಖರ್ಚು (bjp election expenditure) ಮಾಡಿದೆ. 2017ರಲ್ಲಿ ಇದೇ ರಾಜ್ಯ ಚುನಾವಣೆಗೆ ಬಿಜೆಪಿ 7.43 ಕೋಟಿ ರೂಪಾಯಿ ವ್ಯಯಿಸಿತ್ತು. ಕಳೆದ ಬಾರಿಗಿಂತ ಈ ಬಾರಿ ಐದು ಪಟ್ಟು ಹೆಚ್ಚು ಮೊತ್ತವನ್ನು ಬಿಜೆಪಿ ಖರ್ಚು ಮಾಡಿದ್ದರೂ, ಕೇವಲ ಎರಡು ಸೀಟ್‌ಗಳನ್ನು ಮಾತ್ರವೇ ಗೆದ್ದಿದೆ. ಇಲ್ಲಿನ ಪ್ರತಿ ಸೀಟ್‌ಗೆ ಬಿಜೆಪಿ ಮಾಡಿರುವ ವೆಚ್ಚ ಬರೋಬ್ಬರಿ 18 ಕೋಟಿ ರೂಪಾಯಿ. ಇನ್ನು ಗೋವಾದಲ್ಲಿ ಚುನಾವಣಾ ವೆಚ್ಚಕ್ಕೆ ಬಿಜೆಪಿ 19.06 ಕೋಟಿ ರೂಪಾಯಿ ಖರ್ಚಿ ಮಾಡಿದೆ. ಇಲ್ಲಿ ಪಕ್ಷವು 20 ಸೀಟ್‌ ಜಯಿಸಿದೆ. ಗೋವಾದಲ್ಲಿ ಪ್ರತಿ ಸೀಟ್‌ಗೆ ಬಿಜೆಪಿಯ ಮೌಲ್ಯ ಅಂದಾಜು 95.33 ಲಕ್ಷ ರೂಪಾಯಿ. ಇನ್ನು ಉತ್ತರಾಖಂಡದಲ್ಲಿ ಬಿಜೆಪಿಯ ಪ್ರತಿಸೀಟ್‌ನ ಮೌಲ್ಯ 93 ಲಕ್ಷ ರೂಪಾಯಿ. ಇಲ್ಲಿ ಪಕ್ಷವು 47 ಸೀಟ್‌ ಜಯಿಸಿದೆ.
ಚುನಾವಣಾ ಚಾಣಾಕ್ಷ ಸುನಿಲ್ ಕನುಗೋಳು ಟೀಂ ಜೊತೆ ಕಾಂಗ್ರೆಸ್ ಸಭೆ!
ಕಾಂಗ್ರೆಸ್ ಪಕ್ಷದ ಖರ್ಚೆಷ್ಟು: ಕಾಂಗ್ರೆಸ್ ಪಕ್ಷದ ಖರ್ಚು ಬಿಜೆಪಿಯ (BJP) ಅರ್ಧದಷ್ಟಿದೆ. ಈ ವರ್ಷದ ಪಂಚರಾಜ್ಯ ಚುನಾವಣೆಗೆ ಕಾಂಗ್ರೆಸ್ (Congress) ಮಾಡಿದ ಖರ್ಚು 194.80 ಕೋಟಿ ರೂಪಾಯಿ. ಬಿಜೆಪಿ ಪಕ್ಷ ಇಡೀ ಉತ್ತರ ಪ್ರದೇಶದಲ್ಲಿ ಖರ್ಚು ಮಾಡಿದ ಹಣವನ್ನು ಕಾಂಗ್ರೆಸ್ ಪಕ್ಷ (congress election expenditure)ಸಂಪೂರ್ಣ ಐದು ರಾಜ್ಯದ ಚುನಾವಣೆಗೆ ಖರ್ಚು ಮಾಡಿದೆ. ಕಳೆದ ವರ್ಷ ಐದು ರಾಜ್ಯ ಚುನಾವಣೆಗೆ (ಪಶ್ಚಿಮ ಬಂಗಾಳ, ಅಸ್ಸಾಂ, ತಮಿಳುನಾಡು, ಕೇರಳ ಮತ್ತು ಪುದುಚೇರಿ) ಕಾಂಗ್ರೆಸ್ ಪಕ್ಷ 85 ಕೋಟಿ ಖರ್ಚು ಮಾಡಿತ್ತು. ಈ ಬಾರಿ 195 ಕೋಟಿ ರೂಪಾಯಿಯ್ನು ಪಂಚರಾಜ್ಯಗಳ ಚುನಾವಣೆಗೆ ಖರ್ಚು ಮಾಡಿದ್ದರೂ, ಯಾವುದೇ ರಾಜ್ಯದಲ್ಲಿ ಅಧಿಕಾರ ಪಡೆಯುವಲ್ಲಿ ವಿಫಲವಾಗಿದೆ. ಐದು ರಾಜ್ಯಗಳ 680 ವಿಧಾನಸಭೆ ಕ್ಷೇತ್ರಗಳಿಂದ ಕಾಂಗ್ರೆಸ್ ಕೇವಲ 56 ಸೀಟ್‌ ಗೆದ್ದುಕೊಂಡಿದೆ. ಇದರಿಂದಾಗಿ ಕಾಂಗ್ರೆಸ್ ಪಕ್ಷದ ಪ್ರತಿ ಸೀಟ್‌ನ ಮೌಲ್ಯ 3.47 ಕೋಟಿ ರೂಪಾಯಿ ಆಗಿದೆ.
ಕಾಂಗ್ರೆಸ್ ಅಧ್ಯಕ್ಷ ರೇಸ್‌ನಿಂದ ರಾಹುಲ್ ಗಾಂಧಿ ಔಟ್: ಎದೆಗಾರಿಕೆ ಪ್ರದರ್ಶಿಸಬೇಕಿದ್ದವರು ಹಿಂದಡಿ ಇಟ್ಟದ್ದೇಕೆ?
ಆಪ್‌ ಖರ್ಚೆಷ್ಟು: ಈ ವರ್ಷ ನಡೆದ ಐದು ರಾಜ್ಯಗಳ (Five State Election) ಚುನಾವಣೆಯಲ್ಲಿ ನಾಲ್ಕರಲ್ಲಿ ಆಮ್ ಆದ್ಮಿ ಪಕ್ಷ (Aam Admi Party) ತನ್ನ ಅಭ್ಯರ್ಥಿಗಳನ್ನು ಕಣಕ್ಕಿಳಿಸಿತ್ತು. ಆದರೆ, ಪಂಜಾಬ್‌ನಲ್ಲಿ ಮಾತ್ರ ಪಕ್ಷಕ್ಕೆ ಲಾಭವಾಗಿದೆ. ಪಂಜಾಬ್‌ನಲ್ಲಿ ಆಮ್ ಆದ್ಮಿ ಪಕ್ಷ 117 ಸ್ಥಾನಗಳಲ್ಲಿ 92 ಸ್ಥಾನಗಳನ್ನು ಗೆದ್ದು ಸರ್ಕಾರ ರಚಿಸಿತು. ಗೋವಾದಲ್ಲಿ ಪಕ್ಷವು 2 ಸ್ಥಾನಗಳನ್ನು ಗೆದ್ದಿದೆ. ಅದೇ ಸಮಯದಲ್ಲಿ, ಅವರು ಉತ್ತರ ಪ್ರದೇಶ ಮತ್ತು ಉತ್ತರಾಖಂಡದಲ್ಲಿ ಒಂದೇ ಒಂದು ಸ್ಥಾನವನ್ನು (AAP election expenditure) ಗೆಲ್ಲಲು ಸಾಧ್ಯವಾಗಲಿಲ್ಲ. ಈ ವರ್ಷ ಐದು ರಾಜ್ಯಗಳಿಗೆ ನಡೆದ ಚುನಾವಣೆಯಲ್ಲಿ ಆಮ್ ಆದ್ಮಿ ಪಕ್ಷ 11.32 ಕೋಟಿ ರೂಪಾಯಿಗಿಂತ ಹೆಚ್ಚು ಹಣವನ್ನು ಖರ್ಚು ಮಾಡಿದೆ. ಇದರಲ್ಲಿ ಹೆಚ್ಚಿನ ಹಣ ಪಂಜಾಬ್ ಹಾಗೂ ಗೋವಾ ರಾಜ್ಯಕ್ಕೆ ಮೀಸಲಾಗಿದೆ. ಪಂಜಾಬ್ ನಲ್ಲಿ ಪಕ್ಷ 6.23 ಕೋಟಿ ರೂಪಾಯಿ ಖರ್ಚು ಮಾಡಿದ್ದು, ಇಲ್ಲಿ ಅದು 92 ಸ್ಥಾನಗಳನ್ನು ಗೆದ್ದಿದೆ. ಅದರಂತೆ, ಪಂಜಾಬ್‌ನಲ್ಲಿ ಆಮ್ ಆದ್ಮಿ ಪಕ್ಷದ ಒಂದು ಸ್ಥಾನಕ್ಕೆ ಸುಮಾರು 6.78 ಲಕ್ಷ ರೂಪಾಯಿ ಆಗಿದೆ. ಅದೇ ಹೊತ್ತಿಗೆ ಗೋವಾದಲ್ಲಿ 3.49 ಕೋಟಿ ಖರ್ಚು ಮಾಡಿ ಕೇವಲ 2 ಸ್ಥಾನ ಗೆಲ್ಲಲು ಸಾಧ್ಯವಾಯಿತು. ಅದರಂತೆ ಗೋವಾದಲ್ಲಿ ಒಂದು ಸೀಟು ಅವರಿಗೆ 1.74 ಕೋಟಿ ರೂ.ಗೂ ಹೆಚ್ಚು ವೆಚ್ಚವಾಗಿದೆ.
