SDPI ಮುಖ್ಯಸ್ಥ ಎಂಕೆ ಫೈಜಿಯನ್ನ ದೆಹಲಿ ಏರ್‌ಪೋರ್ಟ್‌ನಲ್ಲಿ ಇಡಿ ಅಧಿಕಾರಿಗಳು ಹಣ ವರ್ಗಾವಣೆ ಕೇಸ್‌ನಲ್ಲಿ ಬಂಧಿಸಿದ್ದಾರೆ. SDPI, PFIನ ರಾಜಕೀಯ ಮುಖವಾಡ ಮತ್ತು PFI ಭಯಾನಕ ಚಟುವಟಿಕೆಗಳಿಗೆ ದುಡ್ಡು ಹಾಕ್ತಾ ಇದೆ ಅಂತಾ ಇಡಿ ಹೇಳಿದೆ.

ED Arrests MK Faizi In PFI Money Laundering Case: ನಿಷೇಧಿತ ಪಾಪ್ಯುಲರ್ ಫ್ರಂಟ್ ಆಫ್ ಇಂಡಿಯಾ (ಪಿಎಫ್‌ಐ) ಗೆ ಸಂಬಂಧಿಸಿದ ಹಣ ವರ್ಗಾವಣೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಸೋಶಿಯಲ್ ಡೆಮಾಕ್ರಟಿಕ್ ಪಾರ್ಟಿ ಆಫ್ ಇಂಡಿಯಾ (ಎಸ್‌ಡಿಪಿಐ) ರಾಷ್ಟ್ರೀಯ ಅಧ್ಯಕ್ಷ ಎಂಕೆ ಫೈಜಿ ಎಂದೂ ಕರೆಯಲ್ಪಡುವ ಮೊಯ್ದೀನ್ ಕುಟ್ಟಿ ಕೆ ಅವರನ್ನು ಮಾರ್ಚ್ 3 ರಂದು ದೆಹಲಿಯ ಇಂದಿರಾ ಗಾಂಧಿ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಜಾರಿ ನಿರ್ದೇಶನಾಲಯ (ಇಡಿ) ಬಂಧಿಸಿದೆ. 

ಹಣ ವರ್ಗಾವಣೆ ಸಂಬಂಧಿತ ಕೇಸ್‌ನಲ್ಲಿ ತನಿಖೆಗೆ ಬಂಧಿಸಿರುವ ಇಡಿ ಪಟಿಯಾಲ ಹೌಸ್‌ನಲ್ಲಿರುವ ವಿಶೇಷ ಪಿಎಂಎಲ್‌ಎ ನ್ಯಾಯಾಲಯವು ಇಡಿಗೆ ಆರು ದಿನಗಳ ಕಸ್ಟಡಿ ವಿಚಾರಣೆಗೆ ಅನುಮತಿ ನೀಡಿದೆ. SDPI, ಪಾಪ್ಯುಲರ್ ಫ್ರಂಟ್ ಆಫ್ ಇಂಡಿಯಾ (PFI)ದ ರಾಜಕೀಯ ಮುಖ ಅಂತಾ ಇಡಿ ಹೇಳಿದೆ. ಬಂಧಿತ ಫೈಜಿ 2018ರಿಂದ SDPI ಅಧ್ಯಕ್ಷರಾಗಿದ್ದಾರೆ. ಮಂಗಳವಾರ ಸ್ಥಳೀಯ ಕೋರ್ಟ್ ಫೈಜಿಯನ್ನ 6 ದಿನಗಳ ಕಾಲ ಇಡಿ ಕಸ್ಟಡಿಗೆ ಕಳುಹಿಸಿದೆ. ಇಡಿ ಅಧಿಕಾರಿಗಳು ಫೈಜಿಯನ್ನ ವಿಚಾರಣೆ ಮಾಡ್ತಾ ಇದ್ದಾರೆ.

ದೇಶದ್ಯಾಂತ 14 ಸ್ಥಳಗಳಲ್ಲಿ ED ದಾಳಿ:

ದೆಹಲಿಯಲ್ಲಿರುವ SDPI ರಾಷ್ಟ್ರೀಯ ಪ್ರಧಾನ ಕಚೇರಿ ಸೇರಿದಂತೆ, ದೇಶಾದ್ಯಂತ 14 ಸ್ಥಳಗಳಲ್ಲಿ ED ದಾಳಿ ನಡೆಸಿದೆ. ಈ ಪೈಕಿ ಕೇರಳದಲ್ಲಿ ಮೂರು ಸ್ಥಳಗಳ ಮೇಲೆ ದಾಳಿ ನಡೆದ SDPI ರಾಷ್ಟ್ರೀಯ ಅಧ್ಯಕ್ಷ ಎಂಕೆ ಫೈಜಿ ಅವರನ್ನು ಬಂಧಿಸಿದ ನಂತರ ಈ ಶೋಧ ಕಾರ್ಯ ನಡೆದಿದೆ. ಎಸ್‌ಡಿಪಿಐ ಪ್ರಧಾನ ಕಚೇರಿ, ಕೇರಳದ ತಿರುವನಂತಪುರಂ ಮತ್ತು ಮಲಪ್ಪುರಂ, ಆಂಧ್ರಪ್ರದೇಶದ ನಂದ್ಯಾಲ್, ಜಾರ್ಖಂಡ್‌ನ ಪಾಕೂರ್, ಮಹಾರಾಷ್ಟ್ರದ ಥಾಣೆ, ಬೆಂಗಳೂರು, ಚೆನ್ನೈ, ಕೋಲ್ಕತ್ತಾ, ಲಕ್ನೋ ಮತ್ತು ಜೈಪುರ ಸೇರಿದಂತೆ ದೆಹಲಿಯ ಎರಡು ಸ್ಥಳಗಳಲ್ಲಿ ದಾಳಿ ನಡೆದಿದ್ದು, ಶೋಧ ಕಾರ್ಯ ನಡೆಯುತ್ತಿದೆ ಎಂದು ಮೂಲಗಳು ತಿಳಿಸಿವೆ. 

PFI ನೆಲೆಗಳಿಂದ ಇಡಿಗೆ ಸಿಕ್ಕಿವೆ ಮುಖ್ಯ ಸಾಕ್ಷಿಗಳು

ಇಡಿ ಸೋಮವಾರ PFI ಮತ್ತು ಅದರ ಅಧಿಕಾರಿಗಳಿಗೆ ಸೇರಿದ ನೆಲೆಗಳ ಮೇಲೆ ದಾಳಿ ಮಾಡಿತ್ತು. ಈ ವೇಳೆ ಅನೇಕ ಆಕ್ಷೇಪಾರ್ಹ ದಾಖಲೆಗಳು ಮತ್ತು ಡಿಜಿಟಲ್ ಸಾಕ್ಷಿಗಳು ಸಿಕ್ಕಿವೆ. ತನಿಖಾ ಸಂಸ್ಥೆ ಅವುಗಳನ್ನ ವಶಕ್ಕೆ ಪಡೆದಿದೆ. PFI, SDPI ಚಟುವಟಿಕೆಗಳನ್ನ ಕಂಟ್ರೋಲ್ ಮಾಡ್ತಾ ಇದೆ ಅಂತಾ ಇಡಿ ಹೇಳಿದೆ. ಇದಕ್ಕಾಗಿ ದುಡ್ಡು ಕೊಡುತ್ತದೆ.

PFI ಮುಖವಾಡ SDPI

ತನ್ನ ಹೇಳಿಕೆಯಲ್ಲಿ ಇಡಿ, "SDPI, PFIನ ಮುಖವಾಡ. ಇದರ ಸದಸ್ಯರು/ಕಾರ್ಯಕರ್ತರು ಮತ್ತು ನಾಯಕರು ಒಂದೇ. SDPI ತನ್ನ ದಿನನಿತ್ಯದ ಕೆಲಸ, ನೀತಿ ನಿರ್ಧಾರ, ಚುನಾವಣಾ ಪ್ರಚಾರಗಳಿಗೆ ಅಭ್ಯರ್ಥಿಗಳನ್ನ ಆಯ್ಕೆ ಮಾಡೋದು, ಸಾರ್ವಜನಿಕ ಕಾರ್ಯಕ್ರಮಗಳು, ಕಾರ್ಯಕರ್ತರನ್ನ ಸೇರಿಸೋದು ಮತ್ತು ಇತರ ಚಟುವಟಿಕೆಗಳಿಗೆ PFI ಮೇಲೆ ಡಿಪೆಂಡ್ ಆಗಿದೆ." ಅಂತಾ ಹೇಳಿದೆ.

ಭಯೋತ್ಪಾದಕ ದಾಳಿಗೆ ದುಡ್ಡು ಸಂಗ್ರಹಿಸುತ್ತಿದ್ದ PFI ಕಾರ್ಯಕರ್ತರು!

ಇಡಿ, NIA ಮತ್ತು ದೆಹಲಿ ಪೊಲೀಸರು ದಾಖಲಿಸಿದ FIR ಜೊತೆಗೆ ಇತರ ಕಾನೂನು ಜಾರಿ ಏಜೆನ್ಸಿಗಳು ದಾಖಲಿಸಿದ ಬೇರೆ ಬೇರೆ ಎಫ್‌ಐಆರ್‌ಗಳ ಆಧಾರದ ಮೇಲೆ PMLA 2002 ಅಡಿಯಲ್ಲಿ PFI ಮತ್ತು ಇತರರ ವಿರುದ್ಧ ತನಿಖೆ ಶುರು ಮಾಡಿತ್ತು. PFI ಅಧಿಕಾರಿಗಳು, ಸದಸ್ಯರು ಮತ್ತು ಕಾರ್ಯಕರ್ತರು ಭಯೋತ್ಪಾದಕ ದಾಳಿ ಮಾಡೋಕೆ ಭಾರತ ಮತ್ತು ವಿದೇಶದಿಂದ ದುಡ್ಡು ಕೂಡಿಸೋಕೆ ಪ್ಲಾನ್ ಮಾಡ್ತಾ ಇದ್ರು ಅಂತಾ ತನಿಖೆಯಿಂದ ಗೊತ್ತಾಗಿದೆ. ಅವರು ಬ್ಯಾಂಕಿಂಗ್ ಚಾನೆಲ್‌ಗಳು, ಹವಾಲಾ, ದಾನ ಇತ್ಯಾದಿಗಳ ಮೂಲಕ ದುಡ್ಡು ಕೂಡಿಸ್ತಾ ಇದ್ರು.